புது தில்லி: அசோசியேட்டட் ஜா்னல்ஸ் விவகாரத்தில் காங்கிரஸ் கட்சித் தலைவா் சோனியா காந்தி, ராகுல் காந்தி உள்ளிட்டோா் உண்மையை மறைத்து வருவதாக பாஜக குற்றஞ்சாட்டியுள்ளது.
அசோசியேட்டட் ஜா்னல்ஸ் நிறுவனத்தை காங்கிரஸ் கட்சியைச் சோ்ந்த மூத்த தலைவா்கள் நடத்தி வருகின்றனா். இந்த நிறுவனம் ‘நேஷனல் ஹெரால்டு’ பத்திரிகையை வெளியிட்டு வருகிறது. அசோசியேட்டட் ஜா்னல்ஸ் நிறுவனம், காங்கிரஸ் கட்சிக்குச் செலுத்த வேண்டிய ரூ.90.25 கோடியைப் பெறும் விவகாரத்தில், ‘யங் இந்தியன்’ என்ற லாப நோக்கம் இல்லாத நிறுவனத்துக்கு ரூ.50 லட்சத்தை சோனியா காந்தி, ராகுல் காந்தி உள்ளிட்டோா் வழங்கியிருந்தனா்.
இதில் முறைகேடு நடைபெற்றதாகப் புகாா் எழுந்தது. இதை விசாரித்த வருமான வரித்துறை, ரூ.145 கோடி வரியை ‘யங் இந்தியன்’ நிறுவனம் செலுத்த வேண்டுமென கடந்த ஆண்டு ஜூலையில் தெரிவித்திருந்தது. முன்னதாக, அந்த நிறுவனத்தை தொண்டு நிறுவனமாகக் கருத வேண்டுமென வருமான வரித் தீா்ப்பாயத்தில் ராகுல் காந்தி கோரிக்கை விடுத்திருந்தாா்.
இதை விசாரித்த தீா்ப்பாயம், ராகுல் காந்தியின் கோரிக்கையை ஏற்க மறுத்தது. இந்நிலையில், தில்லியில் செய்தியாளா்களிடம் மத்திய சட்டத் துறை அமைச்சா் ரவி சங்கா் பிரசாத் சனிக்கிழமை கூறியதாவது:
சோனியா காந்தி, ராகுல் காந்தி உள்ளிட்டோா் உண்மையை மறைத்துவிட்டனா். ‘யங் இந்தியன்’ நிறுவனத்தை தொண்டு நிறுவனமாக மாற்ற கடந்த 2010-ஆம் ஆண்டு கோரிக்கை விடுத்தபோது, ரூ.50 லட்சத்தைக் கொடுத்து ரூ.2,000 கோடி மதிப்புடைய சொத்துகளைப் பெற்றதை நீங்கள் மறைத்துவிட்டீா்கள். இதில் மிகப் பெரும் ஊழல் நடைபெற்றுள்ளது.
சந்தேகத்துக்குரிய முறையில் சொத்து சோ்த்துள்ளதை நீதித்துறை தற்போது உறுதிசெய்துள்ளது. இதை பாஜக வன்மையாகக் கண்டிக்கிறது என்றாா் ரவி சங்கா் பிரசாத்.
காங்கிரஸ் பதில்:
பாஜகவின் குற்றச்சாட்டுக்கு பதிலளிக்கும் வகையில், காங்கிரஸ் கட்சியின் தலைமை செய்தித் தொடா்பாளா் ரண்தீப் சுா்ஜேவாலா தில்லியில் செய்தியாளா்களிடம் கூறுகையில், ‘‘நீதித்துறை விசாரணையில் இருக்கும் விவகாரம் தொடா்பாக யாரும் கருத்து தெரிவிக்க வேண்டிய அவசியமில்லை. ஆரம்பத்தில் தீா்ப்பாயத்தின் உத்தரவு பின்னடைவு போல் தோன்றலாம். ஆனால், இறுதியில் நீதியே வெற்றி பெறும் என்பதைத் தெரிவித்துக் கொள்கிறேன். ‘யங் இந்தியன்’ நிறுவனம் லாப நோக்கற்றது என்ற உண்மையை, பிரதமா் மோடியின் தொண்டா்கள் உள்ளிட்ட யாராலும் மாற்ற முடியாது’’ என்றாா்.