Enable Javscript for better performance
CPM leader Mohammed Yousuf Tarigami moves Supreme Court over Article 370 abrogation- Dinamani

சுடச்சுட

    

    சட்டப்பிரிவு 370 ரத்து: கம்யூனிஸ்ட் தலைவர் தாரிகமி உச்சநீதிமன்றத்தில் முறையீடு

    By DIN  |   Published on : 29th September 2019 07:22 PM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    Tarigami_eps

    கோப்புப்படம்


    ஜம்மு-காஷ்மீருக்கு சிறப்பு அந்தஸ்தை அளிக்கும் சட்டப்பிரிவு 370-ஐ ரத்து செய்தது தொடர்பான விவகாரங்கள் குறித்து மார்க்சிஸ்ட் கம்யூனிஸ்ட் மூத்த தலைவர் முகமது யூசுப் தாரிகமி உச்சநீதிமன்றத்தில் மனு தாக்கல் செய்துள்ளார். 

    ஜம்மு-காஷ்மீருக்கு வழங்கப்பட்டு வந்த சிறப்பு அந்தஸ்தை மத்திய அரசு கடந்த மாதம் ஆகஸ்ட் 5-ஆம் தேதி ரத்து செய்தது. இதையடுத்து, முகமது யூசுப் தாரிகமி உட்பட பல்வேறு தலைவர்கள் வீட்டுக் காவலில் வைக்கப்பட்டனர். 

    தாரிகமியை வீட்டுக் காவலில் வைக்கப்பட்டதற்கு எதிராக மார்க்சிஸ்ட் கம்யூனிஸ்ட் பொதுச்செயலாளர் சீதாராம் யெச்சூரி உச்சநீதிமன்றத்தில் வழக்கு தொடர்ந்தார். இதன்பிறகு உச்சநீதிமன்றத்தின் தலையீட்டால் தாரிகமி காஷ்மீரில் இருந்து சிகிச்சைக்காக தில்லி எய்ம்ஸ் மருத்துவமனைக்கு கொண்டுவரப்பட்டார். தொடர்ந்து கடந்த செப்டம்பர் 16-ஆம் தேதி தாரிகமி ஸ்ரீநகர் திரும்பவும் உச்சநீதிமன்றம் அனுமதியளித்தது.

    மேலும் படிக்க: காஷ்மீர் மக்கள் செத்துக்கொண்டிருக்கிறார்கள்: கம்யூனிஸ்ட் தலைவர் தாரிகமி

    இந்நிலையில், சட்டப்பிரிவு 370-ஐ ரத்து செய்தது தொடர்பான விவகாரங்கள் குறித்து அவர் உச்சநீதிமன்றத்தில் மனு தாக்கல் செய்துள்ளார். 

    இதேபோல் காங்கிரஸ் மூத்த தலைவர் குலாம் நபி ஆசாத், மார்க்சிஸ்ட் கம்யூனிஸ்ட் பொதுச்செயலாளர் சீதாராம் யெச்சூரி, மதிமுக பொதுச்செயலாளர் வைகோ, குழந்தைகள் உரிமை செயற்பாட்டாளர் எனாக்ஷி கங்குலி, காஷ்மீர் டைம்ஸ் நிர்வாக ஆசிரியர் அனுராதா பாசின், மருத்துவர் சமீர் கௌல் ஆகியோரும் உச்சநீதிமன்றத்தில் மனு தாக்கல் செய்துள்ளனர். இந்த மனுக்களோடு இணைத்து தாரிகமி தாக்கல் செய்த மனுவையும் உச்சநீதிமன்ற தலைமை நீதிபதி ரஞ்சன் கோகோய் தலைமையிலான அமர்வு விசாரிக்கவுள்ளது.

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai