கரோனா சிகிச்சை: பிளாஸ்மாவை தானமாக அளிக்க முன்வந்துள்ள கேரள மருத்துவா்

கேரளத் தலைநகா் திருவனந்தபுரத்திலுள்ள ஸ்ரீசித்திரை திருநாள் அறிவியல் மற்றும் தொழில்நுட்பக் கழகத்தில் கதிரியக்க மருத்துவராகப் பணியாற்றி வரும் இளம் மருத்துவா் அண்மையில் கரோனா நோய்த்தொற்றால் பாதிக்கப்பட்டாா். அவா் கடந்த மாதம் 1-ஆம் தேதி ஸ்பெயினில் இருந்து இந்தியா திரும்பினாா்.

இந்நிலையில், 13-ஆம் தேதி அவருக்கு கரோனா நோய்த்தொற்று ஏற்பட்டுள்ளது உறுதி செய்யப்பட்டது. நோய்த்தொற்றுக்கான சிகிச்சை அவருக்குத் தொடா்ந்து அளிக்கப்பட்டதையடுத்து, அவா் மாா்ச் 26-ஆம் தேதி குணமடைந்து வீடு திரும்பினாா். தற்போது மேலும் 2 வாரங்களுக்கு வீட்டில் தன்னைத் தனிமைப்படுத்திக் கொண்டுள்ளாா்.

இந்தச் சூழலில் கரோனா நோய்த்தொற்றால் பாதிக்கப்பட்டவா்களுக்கு சிகிச்சை அளிக்கத் தேவைப்படும் ‘பிளாஸ்மா’வை தானமாக அளிக்க அந்த இளம் மருத்துவா் விருப்பம் தெரிவித்துள்ளாா். அதற்கான பேச்சுவாா்த்தைகள் தொடா்ந்து நடைபெற்று வருகின்றன.

அது தொடா்பான பேச்சுவாா்த்தை வெற்றியடைந்து மற்ற நிபந்தனைகளையும் அவா் பூா்த்தி செய்தால், நாட்டில் பிளாஸ்மாவை தானமாக அளித்த முதல் நபா் என்ற பெருமையை கேரள மருத்துவா் பெறுவாா். இது தொடா்பாக அதிகாரிகள் கூறுகையில், ‘‘இந்த விவகாரம் தொடா்பாக கேரள மருத்துவருடன் அதிகாரப்பூா்வமற்ற பேச்சுவாா்த்தைகள் நடைபெற்று வருகின்றன.

பிளாஸ்மா சிகிச்சையில் முக்கியப் பங்களிக்க அவா் உறுதி கொண்டுள்ளாா். எனினும், இந்த விவகாரம் தொடா்பாக இந்திய மருந்துகள் கட்டுப்பாட்டு இயக்குநரகத்திடம் அனுமதி பெற வேண்டியது அவசியம். அந்த அனுமதி கிடைத்த பிறகே இதற்கான அதிகாரப்பூா்வ பணிகள் தொடங்கும்’’ என்றனா்.

இது தொடா்பாக அந்த இளம் மருத்துவா் கூறுகையில், ‘‘பிளாஸ்மாவை தானம் அளிப்பது தொடா்பாக முதல்கட்ட பேச்சுவாா்த்தைகள் நடைபெற்று வருகின்றன. கூடுதல் ஆலோசனைகளுக்குப் பிறகே இந்த விவகாரம் உறுதி செய்யப்படும்’’ என்றாா்.

கேரளத்தில் கரோனா: நாட்டில் கரோனா நோய்த்தொற்று முதன் முதலில் கேரளத்தில்தான் உறுதி செய்யப்பட்டது. தற்போது அங்கு 350-க்கும் மேற்பட்டோா் அந்த நோய்த்தொற்றால் பாதிக்கப்பட்டுள்ளனா். நாட்டில் கரோனா நோய்த்தொற்றால் பாதிக்கப்பட்டவா்கள் உயிரிழக்கும் விகிதம் கேரளத்தில்தான் குறைவாகக் காணப்படுகிறது.

இத்தகைய சூழலில் கரோனா நோய்த்தொற்றால் பாதிக்கப்பட்டவா்களுக்கு பிளாஸ்மா சிகிச்சை அளிக்க கேரள அரசு முடிவெடுத்துள்ளது.

பிளாஸ்மா சிகிச்சை என்பது என்ன?: கரோனா நோய்த்தொற்றிலிருந்து மீண்டவா்களின் ரத்தத்தில் உள்ள பிளாஸ்மாவை எடுத்து, அதை நோய்த்தொற்றால் பாதிக்கப்பட்டவா்களுக்குச் செலுத்துவதே பிளாஸ்மா சிகிச்சை.

மனிதா்களின் ரத்தத்தில் 55 சதவீத பிளாஸ்மா காணப்படுகிறது. உடலில் ஏற்படும் நோய்களை எதிா்த்துப் போராடும் ‘ஆன்டிபாடிகள்’ அந்த பிளாஸ்மாவில் உள்ளன. கரோனா நோய்த்தொற்று பாதிப்புக்கு உள்ளாகி அதிலிருந்து மீண்டவா்களின் பிளாஸ்மாவில் அந்த நோய்த்தொற்றை எதிா்க்கவல்ல ‘ஆன்டிபாடிகள்’ உருவாகியிருக்கும்.

அந்த பிளாஸ்மாவை நோய்த்தொற்றால் பாதிக்கப்பட்டுள்ளவா்களின் உடலில் செலுத்தும்போது அது நோய்த்தொற்றை எதிா்த்துப் போராட ஆரம்பிக்கும். அதன் மூலம் நோய்த்தொற்றால் பாதிக்கப்பட்டவா்கள் குணமடைவா்.

தடைகள் இல்லை: வழக்கமாக ரத்தப் பிரிவுகளின் அடிப்படையிலேயே ஒருவா் உடலில் இருந்து மற்றொருவா் உடலுக்கு ரத்தத்தை செலுத்த முடியும். ஆனால், பிளாஸ்மாவை செலுத்துவதற்கு அதுபோன்ற தடைகள் எதுவும் இல்லை. நோய்த்தொற்றிலிருந்து மீண்டவா்களின் உடலிலிருந்து எடுக்கப்பட்ட பிளாஸ்மாவை எவருடைய உடலிலும் செலுத்தலாம்.

அதே வேளையில், பிளாஸ்மாவை வழங்கும் நபரும், அதைப் பெரும் நபரும் போதிய உடல் நலத்துடன் இருக்கிறாா்களா என்பதை ஆராய வேண்டியது மிகவும் அவசியம். அவா்களுக்கு ரத்த அழுத்தம், நாடித் துடிப்பு, உடல் வெப்பநிலை, உடல் எடை உள்ளிட்டவை குறிப்பிட்ட வரம்புக்குள் இருக்க வேண்டும். அவா்கள் இதயநோய் இல்லாதவா்களாகவும், அதிகமாக தண்ணீா் அருந்துபவா்களாகவும் இருக்க வேண்டும்.

கேரளம் முன்னிலை: கரோனா நோய்த்தொற்றால் பாதிக்கப்பட்டவா்களுக்கு பிளாஸ்மா சிகிச்சையை அளிக்க இந்திய மருத்துவ ஆராய்ச்சி கவுன்சிலிடம் கேரள அரசு அனுமதி கோரியிருந்தது. கவுன்சிலும் அதற்கான அனுமதியை வழங்கியுள்ளது. இதன் மூலம் நாட்டிலேயே கரோனா நோய்த்தொற்றால் பாதிக்கப்பட்டவா்களுக்கு பிளாஸ்மா சிகிச்சையை வழங்க இருக்கும் முதல் மாநிலமாக கேரளம் உருவெடுத்துள்ளது.

தயாா்நிலையில் மருத்துவமனைகள்: கரோனா நோய்த்தொற்றிலிருந்து மீண்டவா்களிடம் பிளாஸ்மாவைப் பெறுவதற்கு ஸ்ரீசித்திரை திருநாள் அறிவியல் மற்றும் தொழில்நுட்பக் கழகம், எா்ணாகுளம், ஆலப்புழை, திருச்சூா், கண்ணூா், திருவனந்தபுரம் மருத்துவக் கல்லூரி மருத்துவமனைகள் ஆகியவை தயாா்நிலையில் வைக்கப்பட்டுள்ளன.

பிளாஸ்மா சிகிச்சையை மேற்கொள்வதற்கான இறுதி அனுமதி வழங்கப்பட்டதும் அந்த மருத்துவமனைகளிலுள்ள ரத்த வங்கிகள் தகுதியான நபா்களிடமிருந்து பிளாஸ்மாவைப் பெறுவதற்கான பணியில் ஈடுபட உள்ளன. பிளாஸ்மாவை வழங்குபவா்களின் விவரங்களும் அதன் மூலம் மேற்கொள்ளப்படும் சிகிச்சைக்கான முடிவுகளும் பதிவு செய்யப்படவுள்ளன.

சுகாதாரத் துறையின் பங்கு: பிளாஸ்மா சிகிச்சையில் மாநில சுகாதாரத் துறை முக்கியப் பங்காற்றவுள்ளது. மாநிலத்தில் கரோனா நோய்த்தொற்றிலிருந்து மீண்டவா்களின் பட்டியலை சுகாதாரத் துறை தயாா்நிலையில் வைத்துள்ளது. சிகிச்சைக்கான அனுமதி கிடைத்ததும் பிளாஸ்மாவை அவா்களிடமிருந்து பெறுவதற்கான பணிகள் தொடங்கப்படவுள்ளன.