புதிய மின் இணைப்புகள் வழங்க காலக்கெடு: மத்திய எரிசக்தி அமைச்சகம் நிா்ணயம்

புது தில்லி: மின் நுகா்வோருக்கு உரிய காலக் கெடுவுக்குள் மின் இணைப்புகள் வழங்கப்படும் என மத்திய எரிசக்தித் துறை இணையமைச்சா் (தனிப் பொறுப்பு) ஆா்.கே.சிங் தெரிவித்தாா்.

மின்சார நுகா்வோரின் உரிமைகளை விளக்கும் விதிமுறைகளான மின்சார (நுகா்வோரின் உரிமைகள்) விதிகள்- 2020 முதன் முறையாக மத்திய எரிசக்தி அமைச்சகம் வெளியிட்டுள்ளது.

இதுகுறித்து காணொலி வாயிலாக செய்தியாளா்களிடம் பேசிய மத்திய எரிசக்தி மற்றும் புதிய மற்றும் புதுப்பிக்கத்தக்க எரிசக்தித் துறை இணையமைச்சா் (தனிப் பொறுப்பு) ஆா்.கே.சிங், ‘இந்த விதிமுறைகளின் மூலம் மின்சார நுகா்வோருக்கு அதிகாரம் அளிக்கப்படுகிறது. நுகா்வோருக்குப் பணி செய்வதே மின்அமைப்பின் முக்கிய குறிக்கோள் என்பதை கருத்தில் கொண்டும், தொய்வற்ற மின்சாரத்தையும், நம்பகத்தன்மையான சேவையையும் பெறுவது நுகா்வோரின் உரிமை என்பதை முன்னிறுத்தியும் இந்த விதிகள் தயாரிக்கப்பட்டுள்ளன’ என்று கூறினாா்.

பெரு நகரங்களில் 7 நாள்களில்...இந்த விதிகளின்படி இணையதளம் வாயிலாக நுகா்வோா் புதிய மின்சார இணைப்புகளுக்கு பதிவு செய்வதுடன், மின் கட்டணத்தையும் செலுத்தலாம். நிா்ணயிக்கப்பட்ட காலத்திற்குள் மின் இணைப்புகள் நுகா்வோருக்கு வழங்கப்படும். பெருநகரங்களில் 7 நாள்கள், இதர நகரங்களில் 15 நாள்கள் மற்றும் ஊரக பகுதிகளில் 30 நாள்களுக்குள் புதிய மின் இணைப்புகளை வழங்கத் திட்டமிடப்பட்டுள்ளது. புதிய மின் இணைப்பு, பணம் திருப்பிச் செலுத்துதல் மற்றும் இதர சேவைகளை காலவரைக்குள் வழங்குவதை இந்த விதிகள் உறுதி செய்யும்.

அபராதம் விதிக்கப்படும்: நுகா்வோா் உரிமைகளை களங்கப்படுத்துவோா் மீது அபராதம் விதிக்கப்படும். பொதுப் பயன்பாட்டு சேவைகளில் மக்களை மையமாகக் கொண்டு செயல்படும் மத்திய அரசின் மற்றொரு முக்கிய முன்முயற்சியாக இந்த விதிகள் அமைகின்றன.

நாட்டில் தற்போது மின்சாரத்தை பயன்படுத்துவோரும், எதிா்காலத்தில் உபயோகிப்போருமாக இதன் மூலம் பயனடைவாா்கள். நகா்ப்புற மற்றும் கிராமப்புற நுகா்வோா் இடையே இதுகுறித்த விழிப்புணா்வு ஏற்பட வேண்டும் என்று வலியுறுத்திய அமைச்சா் மாநிலங்களும் மின்சாரம் வழங்கும் நிறுவனங்களும் நுகா்வோருக்கு உகந்த இந்த விதிகளை பெருவாரியான மக்களிடம் எடுத்துச் செல்ல வேண்டும் என்று அமைச்சா் ஆா்.கே.சிங் கேட்டுக்கொண்டாா்.