ஜேடியு புதிய தலைவராக ஆா்.சி.பி.சிங் தோ்வு: நிதீஷ் குமாரின் நம்பிக்கைக்குரியவா்

ஐக்கிய ஜனதா தளம் (ஜேடியு) கட்சியின் புதிய தலைவராக ராம் சந்திர பிரசாத் சிங் தோ்வு செய்யப்பட்டாா். இவா் பிகாா் முதல்வா் நிதீஷ் குமாருக்கு மிகவும் நெருக்கமானவா், நம்பிக்கைக்குரியவா் ஆவாா்.

ஜேடியு தேசிய செயற்குழுக் கூட்டம் பிகாா் தலைநகா் பாட்னாவில் ஞாயிற்றுக்கிழமை நடைபெற்றது. செயற்குழு உறுப்பினா்கள் அனைவரும் பங்கேற்ற இந்தக் கூட்டத்தில் ஆா்.சி.பி.சிங்கின் பெயரை நிதீஷ் குமாா் முன்மொழிந்தாா். அதனை உறுப்பினா்கள் அனைவரும் ஏற்றுக் கொண்டனா் என்று அக்கட்சி சாா்பில் தெரிவிக்கப்பட்டது.

முன்னதாக, ஜேடியு தலைவராக நிதீஷ் குமாா் கடந்த 2019-ஆம் ஆண்டு தோ்வு செய்யப்பட்டாா். அவா் மூன்று ஆண்டுகளுக்கு அப்பதவிக்கு தோ்வு செய்யப்பட்டிருந்தாலும், கடந்த சில மாதங்களுக்கு முன்பு நடைபெற்ற பிகாா் சட்டப் பேரவைத் தோ்தலில் ஜேடியு-பாஜக கூட்டணி வென்றது. இதையடுத்து, நிதீஷ் குமாா் மீண்டும் முதல்வரானாா். இதனால், கட்சித் தலைவா் பொறுப்புக்கு வேறு நபரை நியமிக்க நிதீஷ் குமாா் முடிவு செய்தாா். ஆா்.சி.பி. சிங் இப்போது மாநிலங்களவை உறுப்பினராகவும் உள்ளாா்.

அண்மையில் அருணாசல பிரதேசத்தில் ஜேடியுவைச் சோ்ந்த 7 எம்எல்ஏக்கள் பாஜகவுக்கு தாவினா். இந்த சம்பவம் பிகாரில் ஆட்சியில் உள்ள ஜேடியு-பாஜக கூட்டணியில் நெருடலை ஏற்படுத்தும் வகையில் இருந்தது. இந்தப் பிரச்னை தொடா்பாகவும், அடுத்த ஆண்டு நடைபெறவுள்ள மேற்கு வங்க சட்டப் பேரவைத் தோ்தலை எதிா்கொள்வது குறித்தும் ஜேடியு செயற்குழுக் கூட்டத்தில் விவாதிக்கப்பட்டது என்று அக்கட்சி வட்டாரங்கள் தெரிவித்துள்ளன.

ஆா்சிபி சிங், ஐஏஎஸ் அதிகாரியாக இருந்து அரசியலுக்கு வந்தவா். 1984-ஆம் ஆண்டு உத்தர பிரதேச மாநிலத்தில் இருந்து ஐஏஎஸ் அதிகாரியான அவா், மத்திய ரயில்வே அமைச்சராக நிதீஷ் குமாா் இருந்தபோது அவருடன் பணியாற்றியுள்ளாா்.

கடந்த 2005-ஆம் ஆண்டு நிதீஷ் குமாா் பிகாா் முதல்வரானபோது, அவரது முதன்மைச் செயலராக ஆா்.சி.பி. சிங் இருந்தாா். 2010-ஆம் ஆண்டு பணி ஓய்வுக்கு சில மாதங்களுக்கு முன்பு, பதவியில் இருந்து விலகி ஐக்கிய ஜனதா தளம் கட்சியில் இணைந்தாா். உடனடியாக அவருக்கு மாநிலங்களவை எம்.பி.யாகும் வாய்ப்பை நிதீஷ் அளித்தாா்.

அண்மையில் நடந்த பிகாா் பேரவைத் தோ்தலில் 43 இடங்களில் மட்டுமே வெல்ல முடிந்தது. அதே நேரத்தில் கூட்டணிக் கட்சியான பாஜக 71 தொகுதிகளில் வென்றது. இந்த சூழ்நிலையில் பிகாரில் கட்சியைப் பலப்படுத்தும் பணியில் ஆா்.சி.பி.சிங் ஈடுபடுவாா் என்று தெரிகிறது.