மிக நீண்ட பட்ஜெட்: நிர்மலா சீதாராமனின் சாதனையை அவரே முறியடித்தார்

புது தில்லி: 2020 - 21 ஆம் நிதியாண்டுக்கான மத்திய பட்ஜெட்டை நிதியமைச்சர் நிர்மலா சீதாராமன் இன்று தாக்கல் செய்தார். இதுவரை தாக்கல் செய்யப்பட்ட பட்ஜெட்டுகளிலேயே மிக நீண்ட பட்ஜெட்டாக இது அமைந்துள்ளது.

மத்திய பட்ஜெட்டை முற்பகல் 11 மணிக்கு வாசிக்கத் தொடங்கிய நிர்மலா சீதாராமன், சுமார் இரண்டரை மணி நேரத்துக்கும் மேலாக பட்ஜெட் உரையை தொடர்ந்தார். ஆனால், திடீரென அவருக்கு அதிக வியர்வை ஏற்பட்டு, கடைசியாக இரண்டு பக்கங்கள் இருக்கும் போது தொடர்ந்து வாசிக்க முடியாமல், பட்ஜெட் உரையை சுருக்கமாக வாசித்து முடித்தார்.

ஏற்கனவே 2019ம் ஆண்டு ஜூலை மாதம் அவர் தாக்கல் செய்த முதல் பட்ஜெட் அதிகபட்சமாக 2 மணி நேரம் 17 நிமிடங்களைக் கொண்டிருந்ததது. இதுதான் நேற்று வரை மிக நீண்ட பட்ஜெட்டாக இருந்தது. ஆனால் 60 வயதாகும் நிர்மலா சீதாராமன், தனது சாதனையை தானே முறியடித்து இன்று இரண்டு மணி நேரம் 40 நிமிடங்கள் பட்ஜெட் உரையாற்றியுள்ளார்.