ஐபில் 2026 - மும்பைக்கு 241 ரன்கள் இலக்குஹோர்முஸ் நீரிணை வழியாகச் செல்லும் அனைத்து கப்பல்களும் முற்றுகையிடப்படும் : அதிபர் டொனால்ட் டிரம்ப்பாஜகவுக்கு விழும் ஒவ்வொரு வாக்கும் அரசியலமைப்பை காக்கும் விழுமியங்கள் மீது விழும் மரண அடி: மு.க. ஸ்டாலின்ஐபிஎல் போல தேர்தல் முடிவு! தில்லி தோற்று தமிழ்நாடு வெல்ல வேண்டும்! - மு.க. ஸ்டாலின்ஜன நாயகன் படம் கசிந்த விவகாரம்: 6 பேர் கைது!ஈரானுக்கு இதைவிடச் சிறந்த ஆஃபர் வழங்க முடியாது! - அமெரிக்க துணை அதிபர்ஈஸ்டர் போர்நிறுத்த ஒப்பந்தத்தை மீறி உக்ரைன் தாக்குதல்: ரஷியா குற்றச்சாட்டுபாகிஸ்தானுக்கு நிதி நெருக்கடி: 500 கோடி டாலர் வழங்கும் சௌதி, கத்தார்! புதுப்பொலிவுடன் தேர்தலைச் சந்திக்கிறது அதிமுக: எடப்பாடி பழனிசாமி
/

கரோனா பாதிப்பு 65.49 லட்சத்தைக் கடந்தது: பலி 1,01,782 ஆக உயர்வு

நாடு முழுவதும் கடந்த 24 மணி நேரத்தில் மேலும் 75,829 பேருக்கு தொற்று உறுதி செய்யப்பட்டுள்ளது. இதனால் கரோனா தொற்று பாதிக்கப்பட்டோா் எண்ணிக்கை 65 லட்சத்தைக் கடந்துள்ளது.

News image
Updated On :4 அக்டோபர் 2020, 5:18 am


நாடு முழுவதும் கடந்த 24 மணி நேரத்தில் மேலும் 75,829 பேருக்கு தொற்று உறுதி செய்யப்பட்டுள்ளது. இதனால் கரோனா தொற்று பாதிக்கப்பட்டோா் எண்ணிக்கை 65 லட்சத்தைக் கடந்துள்ளது. நோய்த் தொற்றில் இருந்து 55 லட்சத்துக்கும் அதிகமானோா் குணமடைந்தனா். அதாவது, 83.84 சதவீதம் போ் குணமடைந்தனா்.

இதுகுறித்து மத்திய சுகாதாரத் துறை அமைச்சகம் வெளியிட்ட அறிக்கையில் கூறப்பட்டிருப்பதாவது:

ஞாயிற்றுக்கிழமை காலை வரையிலான 24 மணி நேரத்தில் புதிதாக 75,829 பேருக்கு கரோனா உறுதிசெய்யப்பட்டது. இதனால், பாதிக்கப்பட்டோா் எண்ணிக்கை 65,49,374-ஆக அதிகரித்தது. அதே கால அளவில் 82,259 போ் குணமடைந்தனா். இதனால், கரோனாவில் இருந்து மீண்டு வந்தவா்களின் எண்ணிக்கை 55,09,966-அதிகரித்தது. 

ஞாயிற்றுக்கிழமை காலை 8 மணி நிலவரப்படி மேலும் 940 போ் கரோனா தொற்றுக்கு பலியாகினா். இதனால், நாடு முழுவதும் உயிரிழந்தோா் எண்ணிக்கை 1,01,782-ஆக அதிகரித்தது.

இதில், அதிகபட்சமாக, மகாராஷ்டிரத்தில் 37,480 பேரும், கா்நாடகத்தில் 9,119 பேரும், ஆந்திரத்தில் 5,900 பேரும், உத்தர பிரதேசத்தில் 5,917 பேரும், தில்லியில் 5,438 பேரும் உயிரிழந்தனா்.

நாடு முழுவதும் 9,37,625 போ் சிகிச்சை பெற்று வருகின்றனா். சிகிச்சை பெற்றுவருவோரின் விகிதம் 14.60 சதவீதமாக உள்ளது. கரோனாவால் ஏற்படும் உயிரிழப்பு விகிதம் 1.56 சதவீதமாக உள்ளது.

இந்திய மருத்துவ ஆராய்ச்சிக் கவுன்சிலின் (ஐசிஎம்ஆா்) தகவல்படி, இதுவரை 7,89,92,534 கோடி கரோனா மாதிரிகள் பரிசோதிக்கப்பட்டுள்ளன. சனிக்கிழமை ஒரே நாளில் மட்டும் 11,42,131 லட்சம் மாதிரிகள் பரிசோதிக்கப்பட்டன என்று அந்த அறிக்கையில் தெரிவிக்கப்பட்டுள்ளது.

தினமணி செய்திமடலைப் பெற... Newsletter

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News

உடனுக்குடன் செய்திகளை அறிய தினமணி App பதிவிறக்கம் செய்யவும்.