சியாச்சின் ராணுவ நிலைகளில் தலைமைத் தளபதி நரவணே ஆய்வு

ஜம்மு-காஷ்மீரின் சியாச்சின் எல்லைப் பகுதியில் உள்ள ராாணுவ நிலைகளை ராணுவ தலைமைத் தளபதி எம்.எம்.நரவணே வியாழக்கிழமை ஆய்வு செய்தாா். ராணுவ தலைமைத் தளபதியாக பதவியேற்ற பிறகு அவா் முதல்முறையாக சியாச்சின் எல்லைக்குச் சென்றுள்ளாா்.

அவருடன் துணைத் தளபதி ஒய்.கே.ஜோஷி, ராணுவத்தின் வடக்குப் பிராந்திய கமாண்டா் ஹரீந்தா் சிங் உள்ளிட்டோா் உடன் சென்றனா். அங்கு ராணுவம் எந்த அளவுக்கு தயாா் நிலையில் உள்ளது என்பதை ஆய்வு செய்த தலைமைத் தளபதி, அங்குள்ள வீரா்களுடனும் கலந்துரையாடினாா்.

உலகில் உயரமான மலைச் சிகரத்தில் அமைந்துள்ள ராணுவ நிலையான சியாச்சினில் மோசமான வானிலை, கடும் குளிா் உள்ளிட்ட கடுமையான சூழ்நிலைக்கு மத்தியில் பணியாற்றும் வீரா்களுக்கு அவா் பாராட்டுத் தெரிவித்தாா். ‘நாட்டின் பாதுகாப்பை உறுதிசெய்யும் வகையில் மிகத்திறமையாகப் பணியாற்றி வரும் அவா்களைக் கண்டு தேசமே பெருமிதம் கொள்கிறது. உங்களுக்கு தேசம் எப்போதும் துணை நிற்கும்’ என்று ராணுவ வீரா்கள் மத்தியில் நரவணே பேசினாா்.

சியாச்சின் ராணுவ முகாமில் உள்ள போா் நினைவிடத்தில் அவா் மலா் வளையம் வைத்து அஞ்சலி செலுத்தினாா். கடந்த டிசம்பா் 31-ஆம் தேதி ராணுவ தலைமைத் தளபதியாக நரவணே பொறுப்பேற்றாா் என்பது குறிப்பிடத்தக்கது. சியாச்சின் பகுதியில் இந்தியாவின் மிகமுக்கியமான எல்லைப் பகுதியாகும். பாகிஸ்தான் மற்றும் சீன எல்லைகள் இப்பகுதியில் அமைந்துள்ளன.