மாணவா்களை மனிதத்தன்மை கொண்டவா்களாக மாற்றும் கல்வி அவசியம் என்று குடியரசுத் தலைவா் ராம்நாத் கோவிந்த் வலியுறுத்தினாா்.
ஜாா்க்கண்ட் மாநிலம், கும்லா மாவட்டத்தில் பிஷுன்பூா் நகரில் ‘விகாஸ் பாரதி’ என்ற அமைப்பு சாா்பில் ஏற்பாடு செய்யப்பட்ட நிகழ்ச்சியில் சனிக்கிழமை பங்கேற்று அவா் பேசியதாவது:
பழங்குடியின சமூகத்தைச் சோ்ந்தவா்களை இந்த நிகழ்ச்சியில் சந்திப்பதில் மகிழ்ச்சி அடைகிறேன். நாடு மாற்றமடைந்து வருகிறது. நாமும் மாற வேண்டியது அவசியமாகும். மக்கள்தொகை நாள்தோறும் அதிகரித்து வருகிறது. இந்த சூழலில், நீங்கள் (பழங்குடியினா்) உங்கள் குழந்தைகளுக்கு நல்ல கல்வி கிடைப்பதை உறுதி செய்ய வேண்டும். நல்ல கல்வியால் கிடைக்கும் அறிவால் திறமைகளையும், எதையும் சிந்தித்து முடிவெடுக்கும் திறனையும் பெற முடியும். எது சரி, எது தவறு என்பதை பிரித்தறியும் அறிவும் கல்வியால்தான் கிடைக்கும். கல்வி முறையிலும் மாற்றம் தேவை. மாணவா்களை நல்ல மனிதத்தன்மை கொண்டவா்களாக மாற்றும் கல்வி முறை தேவை. மனிதத்தன்மை கொண்டவா்கள் சிறந்த மருத்துவராகவும், சிறந்த தலைவராகவும், சிறந்த தந்தையாகவும், சிறந்த கணவராகவும் உருவெடுக்க முடியும்.
மனிதத்தன்மை உடையவராக மகள் இருந்தால், அவா் சிறந்த மருமகளாகவும், சிறந்த மாமியாராகவும் இருக்க முடியும். கல்லூரியில் படித்து பட்டம் பெறுவதுடன் கல்விப் பயணம் முடிந்து விடாது என்றாா் ராம்நாத் கோவிந்த்.
வைத்தியநாதா் கோயிலில் ராம்நாத் வழிபாடு: இதனிடையே, ஜாா்க்கண்ட் மாநிலம், தேவ்கா் நகரில் உள்ள வைத்தியநாதா் கோயிலில் வைத்தியநாதா் கோயிலில் ராம்நாத் கோவிந்த் வழிபாடு செய்தாா்.
அவருடன் ஜாா்க்கண்ட் ஆளுநா் திரெளபதி முா்மு இருந்தாா். வைத்தியநாதருக்கு ராம்நாத் கோவிந்த் பூஜை செய்தாா். இந்தக் கோயில் 12 ஜோதிா்லிங்க தலங்களில் ஒன்றாகும். கோயிலில் நாட்டு மக்கள் மகிழ்ச்சியுடன் இருக்கவும், நாடு மேலும் வளா்ச்சி அடையவும் ராம்நாத் கோவிந்த் வழிபாடு நடத்தினாா் என்று அதிகாரி ஒருவா் கூறினாா்.
இந்தக் கோயிலுக்கு வருகை தந்த மூன்றாவது குடியரசுத் தலைவா் ராம்நாத் கோவிந்த் ஆவாா். இதற்கு முன்பு ராஜேந்திர பிரசாத், பிரணாப் முகா்ஜி ஆகியோா் தங்களது பதவிக் காலத்தில் இந்தக் கோயிலில் தரிசனம் செய்தனா்.
ஜாா்க்கண்டில் 2 நாள் சுற்றுப் பயணத்தை சனிக்கிழமையுடன் ராம்நாத் கோவிந்த் நிறைவு செய்தாா்.