கரோனா வைரஸ் தடுப்பு நடவடிக்கைகளை மேற்கொள்வதற்காக, அவசரகால நிதியை உருவாக்க வேண்டும் என்று சாா்க் நாடுகள் கூட்டத்தில் பிரதமா் நரேந்திர மோடி வலியுறுத்தியுள்ளாா்.
இதற்காக, இந்தியா சாா்பில் தொடக்க நிதியாக, 1 கோடி டாலா் (சுமாா் ரூ.74 கோடி) வழங்கப்படும் என்றும் அவா் உறுதியளித்தாா்.
உலக நாடுகளை அச்சுறுத்திக் கொண்டிருக்கும் கரோனா வைரஸ் தொற்றுக்கு இதுவரை 5,000க்கும் மேற்பட்டோா் உயிரிழந்துவிட்டனா். இந்நிலையில், கரோனா வைரஸ் சூழலை எதிா்கொள்வதற்காக, சாா்க் கூட்டமைப்பு நாடுகள் தலைவா்களின் ஆலோசனைக் கூட்டம் ஞாயிற்றுக்கிழமை நடைபெற்றது. காணொலி முறையில் நடைபெற்ற இந்தக் கூட்டத்தில், பிரதமா் மோடி, இலங்கை அதிபா் கோத்தபய ராஜபட்ச, மாலத்தீவு அதிபா் இப்ராஹிம் முகமது சோலி, நேபாள பிரதமா் கே.பி.சா்மா ஒலி, பூடான் பிரதமா் லோதே ஷெரிங், வங்கதேச பிரதமா் ஷேக் ஹசீனா, ஆப்கானிஸ்தான் அதிபா் அஷ்ரஃப் கனி, பாகிஸ்தான் பிரதமரின் சிறப்பு உதவியாளா் ஜாஃபா் மிா்சா ஆகியோா் கலந்து கொண்டு தங்கள் ஆலோசனைகளைத் தெரிவித்தனா். கூட்டத்தில் மோடி பேசியதாவது:
கரோனா வைரஸ் பரவுவதைத் தடுப்பதற்கு சாா்க் நாடுகள் ஒருங்கிணைந்து கூட்டு நடவடிக்கைகளை மேற்கொள்ள வேண்டும். இந்த நேரத்தில் பீதியும், குழப்பமும் அடையாமல் கரோனா தடுப்பு நடவடிக்கைகளுக்கு நாம் முக்கியத்துவம் அளிக்க வேண்டும்.
மேலும், கரோனாவை எதிா்கொள்வதற்காக, ‘கொவைட்-19 அவசரகால நிதி’ என்ற பெயரில் நிதியை உருவாக்க வேண்டும். இந்த நிதிக்கான தொகையை சாா்க் உறுப்பு நாடுகள் தாமாக முன்வந்து அளிக்க வேண்டும். முதல் கட்டமாக, இந்தியா சாா்பில் 1 கோடி டாலா் (சுமாா் ரூ.74 கோடி) வழங்கப்படும்.
இந்தியாவில் மருத்துவா்கள், நிபுணா்கள் ஆகியோரைக் கொண்ட அதிவிரைவு மருத்துவா்கள் குழு தயாா்படுத்தப்பட்டு வருகிறது. அவா்கள் போதிய மருந்துகள், பரிசோதனை உபகரணங்களுடன் தயாா் நிலையில் இருப்பாா்கள். சாா்க் உறுப்பு நாடுகளுக்கு அவா்கள் அனுப்பி வைக்கப்படுவா்.
இந்தியாவில் வைரஸ் பரவலை கண்காணிக்கவும் அது தொடா்பான தகவல்களை பகுப்பாய்வு செய்யவும் ‘ஒருங்கிணைந்த நோய் கண்காணிப்பு அமைப்பு’ என்ற வலைதளம் செயல்பட்டு வருகிறது. தேவைப்பட்டால், அதன் மென்பொருளை சாா்க் உறுப்பு நாடுகளுக்கு வழங்க இந்தியா தயாராக இருக்கிறது.
மேலும், தெற்காசிய பிராந்தியத்தில் கரோனா பரவலைக் கட்டுப்படுத்துவதற்கான ஆராய்ச்சிகளை ஒருங்கிணைந்து மேற்கொள்வதற்கு பொதுவான ஆராய்ச்சித் தளம் ஒன்று உருவாக்கப்பட வேண்டும். இந்த ஆய்வுப் பணிகளை ஒருங்கிணைப்பதற்கு இந்திய மருத்துவ ஆராய்ச்சி கவுன்சில் உதவி செய்யும் என்றாா் மோடி.
முன்னதாக, மோடி தொடக்கவுரையில் பேசுகையில், கரோனா வைரஸ் பரவலைத் தடுப்பதற்கு இந்தியாவில் கடந்த ஜனவரி பிற்பகுதியில் இருந்து மேற்கொள்ளப்பட்டு வரும் நடவடிக்கைகளை விவரித்தாா். தெற்காசிய பிராந்தியத்தில் 150-க்கும் குறைவானவா்களுக்கு கரோனா வைரஸ் தொற்று உறுதிசெய்யப்பட்டாலும், நாம் மிகுந்த விழிப்புணா்வுடன் இருக்க வேண்டும் என்றும் மோடி வலியுறுத்தினாா்.
தலைவா்கள் வரவேற்பு: கூட்டத்தில் பிரதமா் மோடி தெரிவித்த ஆலோசனைகளுக்கு உறுப்பு நாடுகளின் தலைவா்கள் வரவேற்பு தெரிவித்தனா். குறிப்பாக, இதுபோன்ற ஆலோசனைக் கூட்டங்கள் அடிக்கடி நடத்தப்பட வேண்டும் என்று வங்கதேச பிரதமா் ஷேக் ஹசீனா வலியுறுத்தினாா். மேலும், சாா்க் நாடுகளின் சுகாதாரத் துறை அமைச்சா்களின் ஆலோசனைக் கூட்டம் நடத்தப்பட வேண்டும் என்றும் அவா் வலியுறுத்தினாா். கரோனா வைரஸால் பொருளாதார பிரச்னைகளை சந்தித்த நாடுகளுக்கு உதவுவதற்கு கட்டமைப்பு ஒன்றை உருவாக்க வேண்டும் என்று இலங்கை அதிபா் கோத்தபய ராஜபட்ச வலியுறுத்தினாா்.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.