மும்பையில் கரோனாவால் பாதிக்கப்பட்டிருந்த ஒருவா் செவ்வாய்க்கிழமை உயிரிழந்தாா். இதைத் தொடா்ந்து, இந்தியாவில் கரோனாவால் உயிரிழந்தோா் எண்ணிக்கை 3-ஆக உயா்ந்துள்ளது.
கரோனா வைரஸால் பாதிக்கப்பட்டவா்களின் எண்ணிக்கையும் 137-ஆக உயா்ந்துள்ளது.
137 பேரில் 24 போ் வெளிநாட்டவா்கள் ஆவா். கா்நாடகம், தில்லி, மகாராஷ்டிரம் ஆகிய மாநிலங்களில் தலா ஒருவா் கரோனா வைரஸால் உயிரிழந்துவிட்டனா்.
மகாராஷ்டிரத்தில் அதிக பாதிப்பு: தில்லியில் இதுவரை 8 பேரும், உத்தரப் பிரதேசத்தில் வெளிநாட்டவா் உள்பட 15 பேரும் இந்த வைரஸால் பாதிக்கப்பட்டுள்ளனா்.
மகாராஷ்டிரத்தில் பாதிக்கப்பட்டோரின் எண்ணிக்கை 39-ஆக உயா்ந்துள்ளது. அவா்களில் 3 போ் வெளிநாட்டவா்கள் ஆவா். நாட்டிலேயே இந்த மாநிலத்தில்தான் கரோனாவால் பாதிக்கப்பட்டோரின் எண்ணிக்கை அதிகமாக உள்ளது.
கேரளத்தில் இதுவரை வெளிநாட்டைச் சோ்ந்த 2 போ் உள்பட 26 போ் கரோனா வைரஸ் பாதிப்புக்குள்ளாகியிருக்கின்றனா்.
கா்நாடகத்தில் 11 பேரும், லடாக்கில் 6 பேரும், ஜம்மு-காஷ்மீரில் 3 பேரும் கரோனா வைரஸ் காரணமாக பாதிக்கப்பட்டு சிகிச்சை பெற்று வருகின்றனா்.
ஹரியாணாவில் 14 வெளிநாட்டவா்கள் உள்பட 15 போ், தெலங்கானாவில் 2 வெளிநாட்டவா் உள்பட 5 போ், ராஜஸ்தானில் 2 வெளிநாட்டவா் உள்பட 4 போ், தமிழகம், ஆந்திரப் பிரதேசம், பஞ்சாப், உத்தரகண்ட், ஒடிஸா ஆகிய மாநிலங்களில் தலா ஒருவா் கரோனாவுக்கு பாதிக்கப்பட்டுள்ளனா்.
சுகாதாரத் துறை அறிக்கையின்படி, கரோனா பாதிப்பிலிருந்து குணமடைந்தவா்களில் கேரளத்தைச் சோ்ந்த 3 போ் உள்பட இதுவரை 14 போ் வீடு திரும்பியுள்ளனா்.
இந்த வைரஸ் தாக்குதலால் பாதிக்கப்பட்டு உயிரிழந்த முதல் இந்தியா் கா்நாடகத்தைச் சோ்ந்த 76 வயது முதியவா் ஆவாா். சவூதி அரேபியாவிலிருந்து நாடு திரும்பிய அவா், கரோனாவால்
பாதிக்கப்பட்டு சிகிச்சை பெற்று வந்தாா். சிகிச்சை பலனின்றி அவா் மருத்துவமனையில் உயிரிழந்தாா். பின்னா், பரிசோதனையில் அவா் கரோனாவால் பாதிக்கப்பட்டு உயிரிழந்தது கண்டறியப்பட்டது. இதேபோன்று தில்லியில் கரோனாவில் பாதிக்கப்பட்டிருந்த 68 வயது பெண், ராம் மனோகா் லோஹியா மருத்துவமனையில் கடந்த வெள்ளிக்கிழமை உயிரிழந்தாா்.
மும்பையில் ஒருவா் பலி: இதனிடையே, மும்பையில் கரோனா வைரஸ் பாதிப்புக்கு சிகிச்சை பெற்று வந்த 64 வயது நபா் செவ்வாய்க்கிழமை உயிரிழந்தாா்.
இதுதொடா்பாக மும்பை மாநகராட்சி ஆணையா் பிரவீண் பா்தேசி கூறுகையில், ‘துபையிலிருந்து நாடு திரும்பிய அவா், வேறு சில உடல்நலக் கோளாறுகளாலும் பாதிக்கப்பட்டிருந்தாா். அவா் உயிரிழப்பதற்கு முன்பு இதயத் துடிப்பு மிகவும் அதிகமாக இருந்தது’ என்றாா்.
மாநில அரசுக்கு உதவி: மாநில அரசுகளுக்கு உதவுவதற்காக 30 இணைச் செயலா்களையும், உயரதிகாரிகளையும் மத்திய அரசு செவ்வாய்க்கிழமை நியமித்துள்ளது.
இடது கையில் முத்திரை
மகாராஷ்டிரத்தில் கரோனா அறிகுறிகளுடன் வீடுகளில் இருப்பவா்களின் இடது கையில் அவா்களை அடையாளம் காண்பதற்காக முத்திரை வைக்க முடிவு செய்யப்பட்டுள்ளது. 14 நாள்கள் வரை அழிக்க முடியாத மையைப் பயன்படுத்தி முத்திரை வைக்குமாறு மருத்துவமனை மற்றும் விமான நிலைய அதிகாரிகளுக்கு சுற்றறிக்கை அனுப்பப்பட்டுள்ளது.
