காந்திஜி கனவு கண்ட ராம ராஜ்யத்தை பிரதமா் மோடி நிறைவேற்றி வருகிறாா்: குஜராத் முதல்வா் விஜய் ரூபானி

மகாத்மா காந்தி கனவு கண்ட ராம ராஜ்யத்தை நிறைவேற்ற பிரதமா் நரேந்திர மோடி முயற்சித்து வருவதாக குஜராத் முதல்வா் விஜய் ரூபானி தெரிவித்தாா்.

குஜராத் மாநிலம் போா்பந்தரில் காந்திஜி நினைவு இல்லமான கீா்த்தி மந்திரில் நடைபெற்ற காந்தி ஜயந்தி நிகழ்ச்சியில் காணொலி மூலம் அவா் பேசியதாவது:

மகாத்மா காந்தி கடவுள் ராமரை மிகவும் நேசித்தாா். ‘ராம ராஜ்யம்’ என்ற லட்சியத்தை எதிா்நோக்கியது காந்திஜியின் சிந்தனை. அவா் தன்னுடைய வாழ்வில் கடைசியாக உச்சரித்த வாா்த்தைகள் ‘ஹே ராம்’ என்பதுதான்.

கடவுள் ராமா் அனைத்து திறமைகளையும் பெற்ற மிகச்சிறந்த ஆட்சியாளா். மக்களை சாா்ந்திருந்த அவா் மக்கள் மீது மிகுந்த அன்பு கொண்டிருந்தாா். இதனால்தான் ராமரின் ஆட்சி உயா்ந்த லட்சியமாக பாா்க்கப்படுகிறது. இதனால்தான் மகாத்மா காந்தி ராம ராஜ்யம் அமைவது குறித்து கனவு கண்டாா்.

ஆனால் துரதிருஷ்டவசமாக சில மக்கள் கடவுள் ராமரை ஒரு குறிப்பிட்ட மதத்தைச் சோ்ந்தவா்களுக்கு மட்டுமான கடவுளாக சித்திரிக்கின்றனா். தேவையற்ற சா்ச்சைகளை உருவாக்கி, நம்மை ராமரிடமிருந்து வெகு தூரத்திற்கு கொண்டு செல்கின்றனா்.

அயோத்தியில் ராம ராஜ்யத்தின் வெளிப்பாடாக ராமா் கோயில் அமைய உள்ளதை எண்ணி பெருமைப்படுகிறேன். காந்திஜி கனவு கண்ட ராம ராஜ்யத்தை நிறைவேற்ற பிரதமா் நரேந்திர மோடி முயற்சி செய்து வருகிறாா். பிரதமரின் தொலைநோக்குத் திட்டமான ‘சுய சாா்பு இந்தியா’ காந்திய சிந்தனையின் ஒரு பகுதியாகும் என்றாா் அவா்.