கார் ஓட்டுநருக்கு கரோனா: தனிமையில் கேரள முன்னாள் முதல்வர்

கேரள முன்னாள் முதல்வர் உமன் சாண்டியின் கார் ஓட்டுநருக்கு கரோனா வைரஸ் நோய்த் தொற்று இருப்பது உறுதி செய்யப்பட்டதையடுத்து, அவர் தன்னைத் தானே தனிமைப்படுத்தியுள்ளார்.
கோப்புப்படம்
கோப்புப்படம்


கேரள முன்னாள் முதல்வர் உமன் சாண்டியின் கார் ஓட்டுநருக்கு கரோனா வைரஸ் நோய்த் தொற்று இருப்பது உறுதி செய்யப்பட்டதையடுத்து, அவர் தன்னைத் தானே தனிமைப்படுத்தியுள்ளார்.

இதுபற்றி அவருடைய நெருங்கிய வட்டாரங்கள் தெரிவித்ததாவது:

"அவருடைய கார் ஓட்டுநருக்கு கரோனா தொற்று இருப்பது உறுதி செய்யப்பட்ட தகவல் நேற்றிரவு வந்தது. இதன் காரணமாக, கேரளம் வந்துள்ள காங்கிரஸ் முன்னாள் தலைவர் ராகுல் காந்தியுடனான பயணத்தை அவர் ரத்து செய்துள்ளார்."  

அக்டோபர் 31-ம் தேதி அவருக்கு 77 வயதாகிறது. மார்ச் மாதம் கரோனா தொற்று பரவத் தொடங்கியதிலிருந்து, வீட்டில் அடைபட்டு இருப்பது மிகவும் கடினமாக இருப்பதாகவும், இதுபோன்ற சூழலை இதுவரை எதிர்கொண்டதே இல்லை என்பதையும் அவர் தெரிவித்து வந்தார்.
 

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

Related Stories

No stories found.
Dinamani
www.dinamani.com