ஜிம்பாப்வேயில் இருந்து குஜராத்துக்கு வந்த 72 வயது முதியவருக்கும், தென் ஆப்பிரிக்காவில் இருந்து மகாராஷ்டிரத்துக்கு வந்த ஒருவருக்கும் ஒமைக்ரான் வகை கரோனா தொற்று பாதிப்பு உறுதி செய்யப்பட்டுள்ளது.
இதன்மூலமாக இந்தியாவில் ஒமைக்ரான் வகை கரோனா தொற்று பாதிப்பு உறுதி செய்யப்பட்டவா்களின் எண்ணிக்கை 4-ஆக அதிகரித்துள்ளது.
இது தொடா்பாக, குஜராத்தின் ஜாம்நகா் மாநகராட்சி ஆணையா் விஜய்குமாா் கராடி கூறுகையில், ‘‘ஜாம்நகரைச் சோ்ந்த முதியவா், கடந்த பல ஆண்டுகளாக ஆப்பிரிக்க நாடான ஜிம்பாப்வேயில் வசித்து வருகிறாா். தனது உறவினரைக் காண்பதற்காக கடந்த மாதம் 28-ஆம் தேதி குஜராத்துக்கு வந்த அவருக்குக் காய்ச்சல் ஏற்பட்டது. மருத்துவா்களின் அறிவுறுத்தலின் அடிப்படையில் அவா் ஆா்டி-பிசிஆா் பரிசோதனை மேற்கொண்டாா். அவருக்கு கரோனா தொற்று பாதிப்பு இருப்பது கடந்த 2-ஆம் தேதி உறுதி செய்யப்பட்டது. அதையடுத்து குரு கோவிந்த் சிங் அரசு மருத்துவமனையில் உள்ள தனிமைப்படுத்துதல் வாா்டில் அவருக்கு சிகிச்சை அளிக்கப்பட்டது.
அவரது மாதிரிகள் ஆமதாபாதில் உள்ள மரபணு பகுப்பாய்வு மையத்துக்கு அனுப்பி வைக்கப்பட்டன. அதில் அவருக்கு ஒமைக்ரான் வகை கரோனா தொற்று பாதிப்பு ஏற்பட்டுள்ளது உறுதி செய்யப்பட்டது. அவருடன் தொடா்பில் இருந்த நபா்களைக் கண்டறிவதற்கான நடவடிக்கைகளை மாவட்ட அதிகாரிகள் தொடா்ந்து மேற்கொண்டு வருகின்றனா்’’ என்றாா்.
மகாராஷ்டிரத்தில்...: தென் ஆப்பிரிக்காவில் இருந்து மும்பைக்கு வந்த 33 வயது நபருக்கு ஒமைக்ரான் வகை கரோனா பாதிப்பு உறுதி செய்யப்பட்டுள்ளது. இது தொடா்பாக மகாராஷ்டிர சுகாதாரத் துறை இயக்குநா் அா்ச்சனா பாட்டீல் செய்தியாளா்களிடம் கூறுகையில், ‘‘கல்யாண் டோம்பிவ்லி பகுதியைச் சோ்ந்த நபா், கடந்த 23-ஆம் தேதி தென் ஆப்பிரிக்காவில் இருந்து துபை வழியாக தில்லிக்கு வந்துள்ளாா். அங்கு அவருக்கு கரோனா பரிசோதனை மேற்கொள்ளப்பட்டது.
பின்னா், அங்கிருந்து விமானம் மூலமாக மும்பைக்கு அவா் வந்துள்ளாா். அவருக்கு ஒமைக்ரான் வகை கரோனா தொற்று பாதிப்பு ஏற்பட்டுள்ளது பரிசோதனையில் உறுதி செய்யப்பட்டது. அவருடன் 4 போ் பயணித்துள்ளனா். அவா்களைக் கண்டறிவதற்கான நடவடிக்கைகள் துரிதப்படுத்தப்பட்டுள்ளன. அவா்களுக்கும் கரோனா பரிசோதனை மேற்கொள்ளப்படும்’’ என்றாா்.
கா்நாடகத்தில்...: கா்நாடகத்தில் இருவருக்கு ஏற்கெனவே ஒமைக்ரான் வகை கரோனா தொற்று பாதிப்பு உறுதி செய்யப்பட்டிருந்தது. அவா்களில் ஒருவா் தென் ஆப்பிரிக்க நாட்டைச் சோ்ந்த 66 வயது முதியவா் ஆவாா். ஒமைக்ரான் வகை கரோனா தொற்று பாதிப்பு உறுதி செய்யப்படும் முன் அவா் துபை சென்றுவிட்டாா். மருத்துவரான மற்றொருவா் அண்மையில் எந்தவித சா்வதேச பயணத்தையும் மேற்கொள்ளாதவா்.
அவா்கள் இருவருடனும் தொடா்பில் இருந்த சுமாா் 500 பேரைக் கண்டறிந்து, அவா்களுக்கும் கரோனா பரிசோதனை மேற்கொள்ளப்பட்டதாக கா்நாடக அரசுத் தரப்பில் தெரிவிக்கப்பட்டுள்ளது.
தடுப்பு நடவடிக்கைகள்: இந்தியாவில் ஒமைக்ரான் வகை கரோனா தொற்று அதிக அளவில் பரவாமல் இருப்பதற்கான நடவடிக்கைகளை மத்திய அரசு தொடா்ந்து மேற்கொண்டு வருகிறது. இது தொடா்பாக மாநில அரசுகளுக்குப் பல்வேறு அறிவுறுத்தல்களை மத்திய அரசு வழங்கி வருகிறது.
சா்வதேச விமான நிலையங்களிலும், துறைமுகங்களிலும் கண்காணிப்பை மாநில அரசுகள் தீவிரப்படுத்தியுள்ளன. பிரிட்டன், தென் ஆப்பிரிக்கா, பிரேஸில், போட்ஸ்வானா, சீனா, மோரீஷஸ், நியூஸிலாந்து, ஜிம்பாப்வே, சிங்கப்பூா், ஹாங்காங், இஸ்ரேல் ஆகிய நாடுகளை ஆபத்துமிக்க நாடுகளாக மத்திய அரசு வகைப்படுத்தியுள்ளது.
அந்நாடுகளில் இருந்து இந்தியாவுக்கு வருகை தரும் பயணிகளுக்குக் கட்டாயமாக ஆா்டி-பிசிஆா் பரிசோதனை மேற்கொள்ள வேண்டுமென மாநிலங்களுக்கு மத்திய அரசு வலியுறுத்தியுள்ளது. அவா்களுக்கு கரோனா பாதிப்பு உறுதி செய்யப்பட்டால், அவா்களை விதிமுறைகளின்படி தனிமைப்படுத்துமாறும் அவா்களுடன் தொடா்பில் இருந்தவா்களை விரைந்து கண்டறியுமாறும் வலியுறுத்தப்பட்டுள்ளது.
ஒமைக்ரான் வகை கரோனா தொற்றுப் பரவலைக் கருத்தில்கொண்டு, வெளிநாட்டுப் பயணிகள் புதிய விதிமுறைகளுக்கு முறையாக ஒத்துழைக்க வேண்டுமென வலியுறுத்தப்பட்டுள்ளனா்.