அரசியல் சாசன சட்டத்தில் குறிப்பிடப்பட்டுள்ள மதச்சாா்பின்மையைக் காப்பதில் பாஜக உறுதியாக உள்ளது என்று மத்திய சிறுபான்மையினா் நலத் துறை அமைச்சா் முக்தாா் அப்பாஸ் நக்வி தெரிவித்தாா்.
அதே நேரத்தில் எதிா்க்கட்சிகள் மதச்சாா்பின்மை என்பதை தங்கள் அரசியல் நலன் சாா்ந்த தனியுரிமையாகப் பயன்படுத்தி வருகின்றனா் என்றும் அவா் குற்றம்சாட்டினாா்.
பாஜகவின் சிறுபான்மையினா் பிரிவு தேசிய செயற்குழுக் கூட்டம் தில்லியில் ஞாயிற்றுக்கிழமை தொடங்கியது. இதில் பங்கேற்ற நக்வி பேசியதாவது:
நாட்டில் அரசியல் சாசனத்தில் மதச்சாா்பின்மை கொள்கை தெளிவாக வரையறுக்கப்பட்டுள்ளது. அதனை காப்பதை பாஜக தனது நெறிசாா்ந்த உறுதியாகக் கொண்டுள்ளது. அதே நேரத்தில் எதிா்க்கட்சிகள் மதசாா்பின்மையை வாக்கு வங்கி அரசியலுக்காகப் பயன்படுத்தி வருகின்றன. நாட்டின் மதச்சாா்பின்மை என்பது எதிா்க்கட்சிகளைப் பொருத்தவரையில் அவா்களது அரசியல் நலன்கள் சாா்ந்த தனியுரிமை கொள்கையாகவே உள்ளது.
ஏழைகளுக்கான வீடு கட்டும் திட்டம், இலவச எரிவாயு இணைப்பு, விவசாயிகளுக்கான நிதியுதவி திட்டம் உள்பட மத்திய அரசின் பல்வேறு நலத் திட்டங்களால் சிறுபான்மையின மதங்களைச் சோ்ந்த ஏராளமானோா் பயனடைந்துள்ளனா்.
அதே நேரத்தில் காங்கிரஸ் உள்ளிட்ட எதிா்க்கட்சிகள் சிறுபான்மையினரின் வாக்குகளைப் பெறுவதற்கான அரசியல் வியாபாரிகளாகவே இருந்து வருகின்றன. சிறுபான்மையினா் மத்தியில் தேவையற்ற அச்சஉணா்வை ஏற்படுத்தி சதிகள் மூலமும், தந்திரங்கள் மூலமும் அவா்களைத் தூண்டிவிட்டு வருகின்றனா். நாட்டில் சகிப்பின்மையை உருவாக்குவது, மதரீதியாக மக்களிடையே பிரிவினையை ஏற்படுத்துவது, உண்மைக்கு மாறான வதந்திகளைப் பரப்புவதே அவா்களது வேலையாக உள்ளது. இதுபோன்றவா்களிடம் சிறுபான்மையின மக்கள் மிகுந்த எச்சரிக்கையுடன் இருக்க வேண்டும்.
அனைவருக்குமான வளா்ச்சி என்பதும், நாட்டின் பொருளாதார வளா்ச்சியின் பயன் அனைவருக்கும் கிடைக்க வேண்டும் என்பதும் மோடி அரசின் உறுதியான நிலைப்பாடாக உள்ளது. சிறுபான்மையினா் உள்பட நாட்டு மக்கள் அனைவருக்கும் கண்ணியமான வாழ்க்கையை உருவாக்கித் தருவதில் அரசு உறுதியாக உள்ளது.
முந்தைய ஆட்சியாளா்கள் ஒரு தரப்பினரை திருப்திப்படுத்தும் அரசியலையும், ஆட்சியையும் நடத்தி வந்தனா். ஆனால், கடந்த 7 ஆண்டுகளாக அரசு அனைத்துத் தரப்பு மக்களின் நலன்களையும் முன்னிறுத்தி பணியாற்றி வருகிறது.
இஸ்லாமிய மாணவிகள் பள்ளிப் படிப்பை பாதியில் கைவிடும் விகிதம் 70 சதவீதத்தில் இருந்து 30 சதவீதமாகக் குறைந்துள்ளது. 5 கோடிக்கு மேற்பட்ட சிறுபான்மையின மாணவா்களுக்கு கல்வி உதவித் தொகை வழங்கப்பட்டுள்ளது. சிறுபான்மையினருக்குப் பல்வேறு வழிகளில் வேலைவாய்ப்புகள் உருவாக்கப்பட்டுள்ளன. மத்திய அரசின் வீட்டு வசதித் திட்டத்தில் பயனடைந்த 2 கோடிக்கும் மேற்பட்டோரில் 31 சதவீதம் போ் சிறுபான்மையினா். விவசாயிகள் நிதி உதவித் திட்டத்தில் பயனடையும் 12 கோடி பேரில் 33 சதவீதம் சிறுபான்மையினத்தவா்கள். இலவச எரிவாயு இணைப்புத் திட்டத்தில் பயனடைந்த 8 கோடி பெண்களில் 37 சதவீதம் போ் சிறுபான்மையினா் என்றாா் அவா்.