படேல் பிறந்தநாள்: நாடாளுமன்றத்தில் ஓம் பிர்லா, ராஜ்நாத் சிங் உள்ளிட்டோர் மரியாதை

சர்தார் வல்லபாய் படேலின் பிறந்தநாளையொட்டி நாடாளுமன்றத்தில் உள்ள படேலின் திருவுருவப்  படத்திற்கு மக்களவைத் தலைவர் ஓம் பிர்லா, அமைச்சர்கள் உள்ளிட்டோர் மரியாதை செலுத்தினர். 

இந்தியாவின் முதல் துணைப் பிரதமரும் முன்னாள் உள்துறை அமைச்சருமான சர்தார் வல்லபாய் படேலின் பிறந்தநாள் இன்று கொண்டாடப்படுகிறது. இதையொட்டி, நாடு முழுவதும் பாஜகவினர் படேலின் பிறந்தநாளை கொண்டாடி வருகின்றனர். 

சர்தார் வல்லபாய் படேலின் பிறந்தநாள் தேசிய ஒற்றுமை நாளாகவும் கடைப்பிடிக்கப்பட்டு வருகிறது.  

இதையும் படிக்க | ஒற்றுமைமிக்க வளமான இந்தியாவுக்காக வாழ்நாளை அர்ப்பணித்தவர் வல்லபாய் படேல்: மோடி

இந்நிலையில், படேலின் பிறந்தநாளையொட்டி நாடாளுமன்றத்தில் உள்ள படேலின் திருவுருவப்  படத்திற்கு மக்களவைத் தலைவர் ஓம் பிர்லா, அமைச்சர்கள் ராஜ்நாத் சிங், காங்கிரஸ் தலைவர்கள் மல்லிகார்ஜுன கார்கே, ஜெய்ராம் ரமேஷ் உள்ளிட்டோர் மரியாதை செலுத்தினர்.