Enable Javscript for better performance
பஞ்சாப்பை தொடர்ந்து சத்தீஸ்கரில் அதிகார போட்டி: ராகுல் காந்தியுடன் முதல்வர் பூபேஷ் பகேல் மீண்டும் ச- Dinamani

உடனுக்கு உடன் செய்திகள்

    பஞ்சாப்பை தொடர்ந்து சத்தீஸ்கரில் அதிகார போட்டி: ராகுல் காந்தியுடன் முதல்வர் பூபேஷ் பகேல் மீண்டும் சந்திப்பு

    By DIN  |   Published On : 27th August 2021 01:23 PM  |   Last Updated : 27th August 2021 01:23 PM  |  அ+அ அ-  |  

    Bhupesh_Baghel_PTI

    சத்தீஸ்கர் முதல்வர் பூபேஷ் பாகல் (கோப்புப்படம்)


    சத்தீஸ்கர் முதல்வர் பூபேஷ் பகேல் இரண்டாவது முறையாக காங்கிரஸ் முன்னாள் தலைவர் ராகுல் காந்தியை சந்திக்கவுள்ளார்.

    சத்தீஸ்கரில் முதல்வர் பூபேஷ் பகேல், சுகாதாரத்துறை அமைச்சர் டிஎஸ் சிங் டியோ ஆகியோருக்கிடையே அதிகார போட்டி நிலவிவருகிறது. இம்மாதிரியான பரபரப்பான அரசியல் சூழலில் இரண்டாவது முறையாக தில்லிக்கு சென்றுள்ள பூபேஷ் பகேல், காங்கிரஸ் முன்னாள் தலைவர் ராகுல் காந்தியை சந்தித்து ஆலோசனை மேற்கொள்ளவுள்ளார்.

    இதுகுறித்து காங்கிரஸ் கட்சியின் சத்தீஸ்கர் பொறுப்பாளர் பி.எல். புனியா கூறுகையில், "முதல்வர் பதவி விவகாரம் குறித்து விவாதிக்கப்பட்டுவருகிறது" என்றார். இதன்மூலம், சத்தீஸ்கரில் அதிகார போட்டி நிலவுவதை காங்கிரஸ் முதல்முறையாக ஒப்புக்கொண்டுள்ளது.

    பகேலுக்கு ஆதரவான 35 காங்கிரஸ் எம்எல்ஏக்களும் தில்லி விரைந்துள்ளனர். ராய்ப்பூர் விமான நிலையத்தில் இதுகுறித்து பேசிய பகேல், "ராகுல் காந்தியை சந்திக்க வேண்டும் என எனக்கு நேற்று தகவல் அளிக்கப்பட்டது" என்றார். எம்எல்க்கள் பலர் தில்லிக்கு விரைந்துள்ளனரே என கேள்வி எழுப்பப்பட்டதற்கு, "தங்களின் தலைவரை பார்க்க யார் வேண்டுமானாலும் தில்லிக்கு செல்லலாம்" என்றார்.

    தில்லிக்கு சென்ற 35 காங்கிரஸ் எம்எல்ஏக்களில் மூவர் அமைச்சர். அதுமட்டுமின்றி, மேலும் 20 எம்எல்ஏக்கள் தில்லிக்கு செல்லவுள்ளனர் எனக் கூறப்படுகிறது. கடந்த 2018ஆம் ஆண்டு சட்டப்பேரவை தேர்தலின்போது, ஆட்சி பொறுப்பேற்று இரண்டரை ஆண்டுகளில் முதல்வர் பதவி டியோவுக்கு அளிக்கப்படும் என காங்கிரஸ் தலைமை வாக்குறுதி அளித்ததாகக் கூறப்படுகிறது.

    இந்தாண்டு ஜூன் மாதத்துடன், முதல்வராக பகேல் பொறுப்பேற்று இரண்டரை ஆண்டுகளாகிறது. எனவே, உறுதி அளித்தப்படி முதல்வர் பதவி தனக்கு அளிக்கப்பட வேண்டும் டியோ அழுத்தம் அளித்துவருவதாகக் கூறப்படுகிறது. 

    இதையும் படிக்க | 'காபூல் தாக்குதலை மறக்கவும் மாட்டோம், மன்னிக்கவும் மாட்டோம்' - ஜோ பைடன்


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp