கோப்புப்படம்
உத்தர பிரதேச மாநிலம் உன்னாவ் மாவட்டத்தில் 2 சிறுமிகள் மா்மமான முறையில் உயிரிழந்த சம்பவத்தில் இரண்டு போ் கைது செய்யப்பட்டுள்ளனா். விசாரணையில், கைது செய்யப்பட்ட இருவரும் ஒருதலைக் காதலால் சிறுமிகளுக்கு விஷம் தந்தது தெரியவந்துள்ளது.
உத்தர பிரதேச மாநிலம் உன்னாவ் மாவட்டத்தில் உள்ள பாபுஹரா கிராமத்தைச் சோ்ந்த 3 சிறுமிகள் அங்குள்ள வயல்வெளியில் புதன்கிழமை மயங்கிக் கிடந்தனா். அவா்களை மருத்துவமனைக்கு அழைத்துச் சென்றபோது சிறுமிகளில் இருவா் இறந்துவிட்டதாக மருத்துவா்கள் தெரிவித்தனா். மற்றொரு சிறுமி உயிருக்கு ஆபத்தான நிலையில் கான்பூரில் உள்ள மருத்துவமனையில் மேல் சிகிச்சைக்காக அனுமதிக்கப்பட்டாா். இந்த சம்பவம் தொடா்பாக விசாரணை நடத்திய காவல்துறையினா், இருவரை கைது செய்துள்ளனா்.
இதுதொடா்பாக லக்னெள சரக ஐஜி லக்ஷ்மி சிங் கூறுகையில், ‘கைது செய்யப்பட்ட இருவரும் ஒருதலைக் காதல் விவகாரத்தில் தண்ணீரில் பூச்சி மருந்து கலந்து சிறுமிகளுக்கு தந்தது விசாரணையில் தெரியவந்துள்ளது’ என்றாா்.
14 நாள்கள் காவல்: இருவரையும் காவல்துறையினா் நீதிமன்றத்தில் ஆஜா்படுத்திய நிலையில், அவா்களை 14 நாள்கள் நீதிமன்றக் காவலில் வைக்க உத்தரவிடப்பட்டது.
மருத்துவமனையில் சிகிச்சை பெற்று வரும் சிறுமியின் உடல்நிலையில் முன்னேற்றம் ஏற்பட்டுள்ளதாகவும், அவருக்கு அளிக்கப்பட்டு வந்த செயற்கை சுவாசம் அகற்றப்பட்டு அவா் இயற்கையாக சுவாசிப்பதாகவும் கான்பூா் டிஐஜி பிரித்திந்தா் சிங் தெரிவித்தாா்.
எனினும் அந்தச் சிறுமி தற்போது பேசும் நிலையில் என்று கூறிய அவா், சிறுமியின் உடல்நிலையை மருத்துவா்கள் தொடா்ந்து கண்காணித்து வருவதாக தெரிவித்தாா்.
காங்கிரஸ் தலைவா் மீது வழக்குப்பதிவு: உயிரிழந்த சிறுமிகள் இருவரும் பாலியல் வன்கொடுமைக்கு ஆளாக்கப்பட்டதாகவும், அவா்களின் குடும்பத்தினா் சம்மதம் இல்லாமல் இருவரின் சடலங்கள் தகனம் செய்யப்பட்டதாகவும் காங்கிரஸ் மூத்த தலைவா் உதித் ராஜ் சுட்டுரையில் பதிவிட்டாா். இந்தக் குற்றச்சாட்டை மறுத்த காவல்துறையினா், தவறான செய்தியை பதிவிட்டதற்காக உதித் ராஜ் மீது வழக்குப்பதிவு செய்தனா்.
செய்திகள் உடனுக்குடன்... வாட்ஸ்ஆப் சேனலில் 'தினமணி'யைப் பின்தொடர...
