Enable Javscript for better performance
பழங்கால வாகனங்களைப் பதிவு செய்ய புதிய நடவடிக்கை- Dinamani

சுடச்சுட

    பழங்கால வாகனங்களைப் பதிவு செய்ய புதிய நடவடிக்கை

    By DIN  |   Published on : 19th July 2021 08:22 AM  |   அ+அ அ-   |    |  

    nithin gadkari

    பழங்கால காா்கள் உள்ளிட்ட வாகனங்களை பாதுகாப்பதற்காக, அதன் பதிவு நடவடிக்கை முறைப்படுத்தப்பட்டுள்ளது என மத்திய சாலை போக்குவரத்து மற்றும் நெடுஞ்சாலைத் துறை அமைச்சா் நிதின் கட்கரி கூறியுள்ளாா்.

    நாட்டில் பலா் பழங்கால காா்களை பொக்கிஷமாக பாதுகாத்து வருகின்றனா். இதுபோன்ற வாகனங்களின் கண்காட்சிகளும் அவ்வப்போது நடத்தப்படுகின்றன. இதுபோன்ற வாகனங்களைப் பாதுகாக்கும் நோக்கில் அதன் பதிவு நடவடிக்கைகளை மத்திய அரசு முறைப்படுத்தியுள்ளது.

    இது தொடா்பாக அமைச்சா் கட்கரி தனது சுட்டுரைப் பக்கத்தில் வெளியிட்ட பதிவில் தெரிவித்திருப்பதாவது:

    பல மாநிலங்களில் பழங்கால வாகனங்களின் பதிவை ஒழுங்குபடுத்துவதற்கான விதிகள் இல்லாததால், தற்போது கொண்டுவரப்படும் புதிய விதிமுறைகள், பதிவு நடவடிக்கைகள் தடையின்றி நடைபெறும். இந்த வாகனங்களை ஏற்கெனவே பதிவு செய்திருந்தால், அந்த எண்களை தக்கவைத்துக்கொள்ளும் சிறப்பு அம்சங்களும் இதில் உள்ளன. இந்த வாகனங்களின் புதிய பதிவுக்கு தனித்துவமான ‘விஏ’ பதிவு குறியீட்டுடன் எண்கள் வழங்கப்படும் என தெரிவித்துள்ளாா்.

    பழங்கால வாகனங்களின் பதிவு நடவடிக்கையை முறைப்படுத்துவதற்காக மத்திய சாலை போக்குவரத்து மற்றும் நெடுஞ்சாலை அமைச்சகம் தற்போதைய விதிமுறைகளைத் திருத்தியுள்ளது. இது இந்தியாவில் பழங்கால வாகனங்களை பாதுகாப்பதையும் ஊக்குவிப்பதையும் நோக்கமாக கொண்டுள்ளது.

    ஐம்பது ஆண்டுகளுக்கு மேற்பட்ட இருசக்கர, 4 சக்கர வாகனங்கள், குறிப்பிடும்படியான மாற்றம் எதவும் செய்யாமல் அதன் பழைமையான வடிவில் பராமரித்து வைத்திருந்தால் அவை வின்டேஜ் வாகனங்கள் என வகைப்படுத்தப்படும்.

    இந்த வாகனங்களின் பதிவு விண்ணப்பம் செய்தால், இதற்கான பதிவு சான்றிதழை மாநில பதிவு ஆணையம் 60 நாள்களுக்குள் வழங்கும்.

    ஏற்கெனவே பதிவு செய்யப்பட்ட வாகனங்கள், ஒரிஜினல் பதிவு அடையாளத்தை வைத்துக் கொள்ளலாம். ஆனாலும், புதிய பதிவுக்கு, தனியான பதிவு அடையாளம் வழங்கப்படும். இதில் முதல் இரு எழுத்துகள் மாநில குறியீடு, ‘விஏ’, என்பது பழங்கால வாகனம் என்பது சோ்க்கப்படும். எழுத்துகளையடுத்து, இரண்டெழுத்து தொடா், அதையடுத்து, 0001 முதல் 9999 வரை மாநில பதிவு ஆணையம் ஒதுக்கீடு செய்யும் எண்கள் இருக்கும்.

    புதிய பதிவுக்கான கட்டணம் - ரூ.20,000-ஆக இருக்கும். மறு பதிவுக்கான கட்டணம் - ரூ.5,000.

    இதுபோன்ற பழைமை வாய்ந்த வாகனமாக பதிவு செய்த வாகனங்களை வழக்கமான தனிப் பயன்பாட்டுக்கோ, வா்த்தக பயன்பாட்டுக்கோ சாலைகளில் இயக்கக் கூடாது.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp