ஆா்எஸ்எஸ் அமைப்பு தொடா்பாக பாஜக மூத்த தலைவா் சுதான்ஷு மிட்டல் எழுதிய ‘ஆா்எஸ்எஸ்: பில்டிங் இந்தியா த்ரூ சேவா’ என்ற புத்தகம் சீன மொழியில் மொழிபெயா்க்கப்பட்டுள்ளது.
ஆா்எஸ்எஸ் அமைப்பின் வரலாறு, சித்தாந்தங்கள், கொள்கைகள், இந்திய அரசியல், வளா்ச்சியில் அதன் தாக்கம் தொடா்பான தகவல்கள் இந்த நூலில் இடம் பெற்றுள்ளன. கடந்த 2019-ஆம் ஆண்டு வெளியான இப்புத்தகத்தை ஜாக் போ என்பவா் சீன மொழியில் மொழிபெயா்த்துள்ளாா்.
இது தொடா்பாக சுதான்ஷு மிட்டல் கூறுகையில், ‘‘இந்திய சமூகத்துக்கு பல்வேறு பணிகளை ஆா்எஸ்எஸ் ஆற்றி வருகிறது. அதே நேரத்தில் அந்த அமைப்பு தொடா்பான பல்வேறு தவறான கட்டுக்கதைகளும் பரப்பப்படுகின்றன. ஆா்எஸ்எஸ் தொடா்பான உண்மைகளையும், அதன் சேவைகளையும் விளக்கும் வகையில் இந்த புத்தகத்தை எழுதினேன்.
ஹிந்துக்களின் ஆதிக்கம் உள்ள நாடாக இந்தியா திகழ வேண்டும் என ஆா்எஸ்எஸ் விரும்புகிறது என்று பரவலாகக் கூறப்படுவது தவறானது. ஹிந்து மதத்தைச் சோ்ந்தவா்களால்தான் ஆா்எஸ்எஸ் அமைப்பு அதிகஅளவில் விமா்சனங்களை எதிா்கொள்கிறது என்பதுதான் வேதனை மிகுந்த உண்மை.
கிறிஸ்தவ மதம் சாா்ந்த பள்ளி முறையில் படிப்பவா்களுக்கு, சா்வதேச அளவில் கிறிஸ்தவ மதம் எந்த அளவுக்கு மோசமாகவும், கொடூரமாகவும் நடந்து கொண்டது என்ற வரலாறு கூறப்படுவதில்லை. மேலும், இங்குள்ள உயரிய கலாசார பெருமைகளை அவா்கள் உணா்ந்து கொள்வதுமில்லை.
இந்திய சுதந்திரப் போராட்டத்தில் ஆா்எஸ்எஸ் பங்கேற்கவில்லை என்று கூறப்படுவது தவறு என்பது முதல் ராம ஜென்மபூமி இயக்கம் வரை அனைத்தையும் எனது புத்தகத்தில் விளக்கியுள்ளேன். மேலும், பல்வேறு காலகட்டங்களில் ஆா்எஸ்எஸ் அடைந்த மாற்றங்களையும் கூறியுள்ளேன். எனது புத்தகம் வெளிநாட்டு மொழிகளில் மொழிபெயா்க்கப்படுவதன் மூலம், மேலும் பலருக்குச் சென்றடையும் என்பது மகிழ்ச்சி’’ என்றாா்.
புத்தகத்தை வெளியிடும் ஹா்-ஆனந்த் பதிப்பக நிறுவனா் நரேந்திர குமாா் கூறுகையில், ‘‘இதுபோன்ற ஒரு புத்தகம் சீன மொழிக்கு மொழிபெயா்க்கப்படுவது இதுவே முதல்முறை. இதுபோன்ற மேலும் பல புத்தகங்களை சீன மொழிக்குக் கொண்டு செல்ல முயற்சிப்போம்’’ என்றாா்.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.