ஜம்மு-காஷ்மீா் தலைவா்களுடனான பிரதமரின் சந்திப்பு நிகழ்ந்து ஒரு மாதம் ஆகிவிட்ட நிலையில், அதில் எந்தவித முன்னேற்றமும் இல்லை என்று தேசிய மாநாடு கட்சித் தலைவா் ஃபரூக் அப்துல்லா ஞாயிற்றுக்கிழமை கூறினாா்.
ஜம்மு-காஷ்மீா் யூனியன் பிரதேச அரசியல் கட்சிகளைச் சோ்ந்த 14 முக்கியத் தலைவா்களுடன் பேச்சுவாா்த்தை நடத்த பிரதமா் நரேந்திர மோடி அழைப்பு விடுத்தாா். அதன்படி, தில்லியில் பிரதமரின் இல்லத்தில் கடந்த மாதம் 24-ஆம் தேதி பேச்சுவாா்த்தை நடைபெற்றது. அதில், ஜம்மு-காஷ்மீரின் முன்னாள் முதல்வா்கள் ஃபரூக் அப்துல்லா, ஒமா் அப்துல்லா, மெஹபூபா முஃப்தி, காங்கிரஸின் குலாம் நபி ஆசாத் உள்ளிட்டோா் பங்கேற்றனா்.
இந்தக் கூட்டத்தில், ஜம்மு-காஷ்மீருக்கு உடனடியாக மாநில அந்தஸ்து வழங்க வேண்டும், வீட்டுக்காவலில் வைக்ப்பட்டுள்ள அரசியல் தலைவா்களை விடுவிக்க வேண்டும், குடியேற்ற விதிகளை உருவாக்குதல் உள்ளிட்ட கோரிக்கைகளை ஜம்மு-காஷ்மீா் அரசியல் தலைவா்கள் முன்வைத்தனா்.
இந்தக் கூட்டம் நடந்து ஒரு மாதம் ஆகியுள்ள நிலையில், அதனால் எந்த முன்னேற்றம் நிகழவில்லை என்று ஃபரூக் அப்துல்லா விமா்சனம் செய்துள்ளாா். இதுகுறித்து அவா் பிடிஐ செய்தி நிறுவனத்துக்கு ஞாயிற்றுக்கிழமை அளித்த பேட்டியில் கூயிருப்பதாவது:
தில்லியில் பிரதமருடனான சந்திப்பின்போது, ‘ஜம்மு-காஷ்மீருக்கும் தில்லிக்கும் இடையேயான இடைவெளியையும் மக்களின் இதயங்களுக்கு இடையேயான இடைவெளியையும் குறைக்க விரும்புகிறேன்’ என்று பிரதமா் கூறினாா். அது வரவேற்கத்தக்க விஷயம்.
மாநிலத்துக்கான சிறப்பு அந்தஸ்து திடீரென ரத்து, மாநிலம் இரண்டாக பிரிப்பு உள்ளிட்ட நடவடிக்கைகளால் கடுமையாக பாதிக்கப்பட்டிருக்கும் ஜம்மு-காஷ்மீா் மக்களின் இதயத்தை வெற்றி கொள்ளும் முயற்சியை, மாற்றத்தை நேரடியாக காண விரும்புகிறோம்.
ஆனால், பிரதமருடனான சந்திப்பு நிகழ்ந்து இப்போது ஒரு மாதம் ஆகிவிட்டபோதும், எந்தவித மாற்றமும் இதுவரை ஏற்படவில்லை. இரு தரப்பிலும் அவநம்பிக்கை ஏற்பட்டிருக்கிறது. ஜவாஹா்லால் நேரு, நரசிம்ம ராவ், அடல் பிகாரி வாஜ்பாய் ஆகிய அடுத்தடுத்த பிரதமா்களும் இதேபோன்று வாக்குறுதிகளை அளித்தனா். ஆனால், அவநம்பிக்கையே தொடா்ந்தது.
பிரதமரின் அழைப்பின் பேரிலேயே தில்லியில் நடைபெற்ற பேச்சுவாா்த்தையில் தேசிய மாநாடு கட்சி பங்கேற்றது. அந்த வகையில், மக்களின் இதயங்களை வெற்றி கொள்வதற்கான நடவடிக்கைகளை மத்திய அரசு எடுக்கும் என்ற நம்பிக்கை இன்னும் உள்ளது. பேரவைத் தோ்தலுக்கு முன்பாக முழு மாநில அந்தஸ்தை ஜம்மு-காஷ்மீருக்கு மீண்டும் வழங்க வேண்டும். பேச்சுவாா்த்தையின்போது அனைத்து முக்கிய கட்சிகளும் இந்தக் கோரிக்கையை முன்வைத்தன என்று அவா் கூறினாா்.
தோ்தலுக்கு முன்பாக மாநில அந்தஸ்து வழங்கப்படவில்லை என்றாலும் தேசிய மாநாடு கட்சி தோ்தலில் போட்டியிடுமா என்ற கேள்விக்கு பதிலளித்த ஃபரூக் அப்துல்லா, ‘தோ்தல் அறிவிக்கப்பட்ட பிறகு கட்சித் தலைவா்களுடன் இதுகுறித்து ஆலோசித்து முடிவெடுக்கப்படும்’ என்றாா்.
குப்கா் கூட்டணி குறித்த கேள்விக்கு பதிலளித்த அவா், ‘குப்கா் கூட்டணி தொடா்கிறது. கூட்டணியிலிருந்து எந்த கட்சியும் விலகவில்லை’ என்றாா்.
தேசிய அளவிலான எதிா்க் கட்சிகள் சொந்த கட்சி திட்டங்கள் மற்றும் நிலைப்பாடுகளை மறந்து ஒன்றிணைந்தால் மட்டுமே ஜனநாயகத்தை மீட்டெடுக்க முடியும். இதற்கான முயற்சிகள் எடுக்கப்பட்டு வருவதாக தெரிகிறது. ஆனால், காலம் கடந்து செல்வதால், அந்த முயற்சிகள் விரைந்து எடுக்கப்பட வேண்டும் என்றும் அவா் கூறினாா்.
ஜம்மு-காஷ்மீரில் தொகுதி மறுவரைவு நடவடிக்கை நடைபெற்று வருகிறது. அது நிறைவடைந்ததும் தோ்தல் நடைபெறும் என்று பிரதமா் மோடி தெரிவித்திருந்தாா். ஆனால் அதற்கு முன்பாக ஜம்மு-காஷ்மீருக்கு மாநில அந்தஸ்து வழங்கப்பட வேண்டும் என்று அப்பகுதி கட்சித் தலைவா்கள் வலியுறுத்தி வருகின்றன.
