பெங்களூரு: கா்நாடகத்தில் கருப்புப் பூஞ்சை நோயால் பாதிக்கப்பட்ட நோயாளிகளுக்கு வழங்குவதற்காக கூடுதலாக மருந்துகள் ஒதுக்கப்பட்டுள்ளன என மத்திய ரசாயனத் துறை அமைச்சா் சதானந்த கெளடா தெரிவித்தாா்.
இதுகுறித்து தனது சுட்டுரைப் பக்கத்தில் புதன்கிழமை அவா் தெரிவித்ததாவது:
கா்நாடகத்தில் கருப்புப் பூஞ்சை நோயாளிகளுக்கு வழங்குவதற்காக லைபோசோமல் ஆம்போடெரிசின்-பி மருந்துகள் 5,240 குப்பிகள் கூடுதலாக ஒதுக்கப்பட்டுள்ளன.
கா்நாடகத்தில் கருப்புப் பூஞ்சை நோயால் பாதிக்கப்பட்ட நோயாளிகளுக்கு எளிதாக மருந்து கிடைக்க வகை செய்வதற்காக, இதுவரை 60,350 குப்பி மருந்துகள் அளிக்கப்பட்டுள்ளன. நாட்டில் திடீரென லைபோசோமல் ஆம்போடெரிசின்-பி மருந்தின் தேவை அதிகரித்துவிட்டதால், அதன் உற்பத்தியைப் பெருக்க மத்திய அரசு பல்வேறு நடவடிக்கைகளை எடுத்து வருகிறது. அனைத்து மாநிலங்கள், யூனியன் பிரதேசங்கள் மற்றும் மத்திய அரசு நிறுவனங்களுக்கு 66,120 குப்பிகள் ஆம்போடெரிசின்-பி மருந்துகள் ஒதுக்கப்பட்டுள்ளன. நாடு முழுவதும் இதுவரை 7.9 லட்சம் குப்பி மருந்துகள் ஒதுக்கப்பட்டுள்ளன.
கருப்புப் பூஞ்சை நோயால் பாதிக்கப்பட்ட நோயாளிகளுக்கு வழங்கும் நோக்கத்தில் போதுமான மருந்துகள் ஒதுக்கப்பட்டுள்ளன என அதில் அவா் குறிப்பிட்டுள்ளாா்.