புது தில்லி: உள்கட்டமைப்பு துறையில் மேற்கொள்ளப்படும் முதலீடு நிலையான வளா்ச்சி இலக்குடன் இருக்க வேண்டும் என மத்திய நிதி அமைச்சா் நிா்மலா சீதாராமன் வலியுறுத்தியுள்ளாா்.
இதுகுறித்து அவா் மேலும் தெரிவித்துள்ளதாவது: வரும் 2030-ஆம் ஆண்டுக்குள் வறுமையை முடிவுக்கு கொண்டு வரவும், சமத்துவமின்மையை குறைக்கவும், இந்த கிரகத்தை பாதுகாப்பதுமான நீடித்த வளா்ச்சியை நோக்கிய இலக்குகள் உலக நாடுகளால் கடந்த 2015-ஆம் ஆண்டிலேயே ஏற்றுக் கொள்ளப்பட்டுள்ளன.
நீண்டகால முன்னேற்ற இலக்குகளுடன் இணைந்த உள்கட்டமைப்புக்கான முதலீடுகளே தற்போதைய தேவையாக உள்ளது. அதற்காக, மத்திய அரசு பல்வேறு சீரிய முயற்சிகளை மேற்கொண்டுவருகிறது. தனியாா் முதலீட்டை ஊக்குவிக்கவும், அந்நிய மூலதனத்தை ஈா்க்கவும் அரசின் வெளிப்படையான கொள்கை உதவும் என்றாா் அவா்.
முக்கிய செய்திகளை உடனுக்குடன் பெற... 'தினமணி'யின் வாட்ஸ்ஆப் செய்திச் சேவையில் இணைந்திருங்கள்...
தினமணி channel on WhatsApp: https://whatsapp.com/channel/0029Va60JxGFcowBIEtwvB0G
