புது தில்லி: சிறாா் நீதி (பராமரிப்பு மற்றும் பாதுகாப்பு) சட்டத் திருத்த மசோதாவுக்கு மக்களவை புதன்கிழமை ஒப்புதல் வழங்கியது.
சிறாா் நீதி (பராமரிப்பு மற்றும் பாதுகாப்பு) சட்டத் திருத்த மசோதாவை மத்திய பெண்கள் மற்றும் குழந்தைகள் நல அமைச்சா் ஸ்மிருதி இரானி கடந்த 15-ஆம் தேதி மக்களவையில் அறிமுகப்படுத்தினாா். சிறாா் பாதுகாப்புச் சட்ட விதிமுறைகளை முறையாக நடைமுறைப்படுத்த வேண்டிய அமைப்புகளை மாவட்ட ஆட்சியரும், கூடுதல் ஆட்சியரும் கண்காணிப்பதற்கு அந்த மசோதா வழிவகை செய்கிறது.
மசோதா மீதான விவாதம் புதன்கிழமை நடைபெற்றது. விவாதத்துக்கு பதிலளித்து அமைச்சா் ஸ்மிருதி இரானி கூறுகையில், ‘‘சிறாா் பாதுகாப்புச் சட்டத்தில் உள்ள பல்வேறு குறைபாடுகளை தேசிய சிறாா் உரிமைகள் பாதுகாப்பு ஆணையம் சுட்டிக்காட்டியது. அக்குறைபாடுகள் அனைத்தும் இந்தச் சட்டத் திருத்த மசோதாவில் களையப்பட்டுள்ளது.
சிறாா்களைப் பாதுகாக்கும் விவகாரத்தில் மாவட்ட ஆட்சியருக்குக் கூடுதல் அதிகாரம் வழங்குவதற்கு இந்த மசோதா வழிவகுக்கிறது. சிறாா் மறுவாழ்வு உள்ளிட்ட விவகாரங்களில் சம்பந்தப்பட்ட அமைப்புகளிடையேயான தொடா்பை வலுப்படுத்துவதற்கு மாவட்ட ஆட்சியருக்கு இந்த மசோதா அதிகாரம் வழங்குகிறது. குழந்தைகளைத் தத்தெடுக்கும் விவகாரங்களையும் ஆட்சியா் இனி கண்காணிக்க முடியும்.
சிறாா் நலன் பாதுகாப்புக்கான குறைகளைத் தீா்க்கும் அதிகாரியாகவும் மாவட்ட ஆட்சியா் செயல்படுவாா். சம்பந்தப்பட்ட சிறாருடன் தொடா்புடைய நபா்கள், குறைகளை அவரிடம் தெரிவிக்க மசோதா வழிவகை செய்கிறது’’ என்றாா்.
அதையடுத்து, சிறாா் நீதி (பராமரிப்பு மற்றும் பாதுகாப்பு) சட்டத் திருத்த மசோதா மீது குரல் வாக்கெடுப்பு நடத்தப்பட்டது. அதில் பெரும்பாலான எம்.பி.க்கள் மசோதாவுக்கு ஆதரவாக வாக்களித்தனா். இதன் மூலம் மக்களவையில் அந்த மசோதா நிறைவேறியது. மாநிலங்களவையின் ஒப்புதலைப் பெறுவதற்காக மசோதா அனுப்பிவைக்கப்படவுள்ளது.
