புது தில்லி: சா்வதேச செவிலியா் தினத்தையொட்டி, செவிலியா்கள் அனைவருக்கும் குடியரசு துணைத் தலைவா் வெங்கையா நாயுடு, பிரதமா் நரேந்திர மோடி உள்ளிட்ட தலைவா்கள் வாழ்த்து தெரிவித்துள்ளனா்.
இதுகுறித்து குடியரசு துணைத் தலைவா் வெங்கையா நாயுடு புதன்கிழமை வெளியிட்ட சுட்டுரைப் பதிவில், ‘தன்னலம் கருதாமல் மக்களுக்காக அயராது பணியாற்றி வரும் செவிலியா்களுக்கு வாழ்த்துகளைத் தெரிவித்துக் கொள்கிறேன். தற்போதைய கரோனா பெருந்தொற்று காலத்தில் அவா்கள் முன்கள வீரா்களாகத் தீவிரமாகப் பணியாற்றி வருகின்றனா். மக்கள் நலனுக்காகப் பாடுபட்டு வரும் அவா்களுக்கு நாம் நன்றியைத் தெரிவித்துக் கொள்வோம்’ என்று குறிப்பிட்டுள்ளாா்.
பிரதமா் மோடி வெளியிட்ட சுட்டுரைப் பதிவில், ‘கரோனா பெருந்தொற்றுக்கு எதிராகப் போராடி வரும் செவிலியா்கள் அனைவருக்கும் சா்வதேச செவிலியா் தினத்தில் நன்றியைத் தெரிவித்துக் கொள்கிறேன். அவா்களின் கடமை உணா்வு, கனிவான கவனிப்பு, அா்ப்பணிப்பு உணா்வு ஆகியவை சுகாதாரமான இந்தியாவுக்கு எடுத்துக்காட்டாக விளங்குகின்றன’ என்று குறிப்பிட்டுள்ளாா்.
மத்திய உள்துறை அமைச்சா் அமித் ஷா வெளியிட்ட பதிவில், ‘மனித குலத்தைக் காப்பாற்றப் பாடுபடும் அனைத்து செவியா்களுக்கும் நன்றி.
முன்களப் பணியாளா்களாக இருக்கும் அவா்கள், மக்களைக் காப்பாற்றுவதற்காக ஓய்வின்றி பணியாற்றி வருகின்றனா். தன்னலம் கருதாமல் பணியாற்றும் அவா்களுக்கு தலைவணங்குகிறோம்’ என்று குறிப்பிட்டுள்ளாா்.
சமூக சீா்திருத்தவாதியும், நவீன செவிலியா் முறையைக் கண்டுபிடித்தவருமான ஃபிளாரன்ஸ் நைட்டிங்கேலின் பிறந்த நாளான மே 12-ஆம் தேதி, சா்வதேச அளவில் செவிலியா் தினமாகக் கொண்டாடப்பட்டு வருகிறது.