Enable Javscript for better performance
Harish Rawat slams Amarinder Singh over 'hopeful of tie-up with BJP' remark- Dinamani

உடனுக்கு உடன் செய்திகள்

    பாஜகவுடன் அமரீந்தர் சிங் கூட்டணியா? ஹரீஷ் ராவத் அதிர்ச்சி

    By DIN  |   Published On : 20th October 2021 04:20 PM  |   Last Updated : 20th October 2021 04:20 PM  |  அ+அ அ-  |  

    Harish Rawat slams Amarinder Singh over 'hopeful of tie-up with BJP' remark

    கோப்புப்படம்


    பாஜகவுடன் கூட்டணி வைக்கப்படலாம் என்ற பஞ்சாப் முன்னாள் முதல்வர் அமரீந்தர் சிங் அறிக்கை அதிர்ச்சியளிப்பதாக காங்கிரஸ் பொதுச்செயலரும் கட்சியின் மாநிலப் பொறுப்பாளருமான ஹரீஷ் ராவத் புதன்கிழமை தெரிவித்தார்.  

    காங்கிரஸ் முன்னாள் தலைவர் ராகுல் காந்தியைச் சந்தித்த பிறகு ஏஎன்ஐ செய்தி நிறுவனத்திடம் அவர் பேசியது:

    "அமரீந்தர் சிங் பாஜகவுடன் பயணிக்க விரும்பினால் பயணிக்கட்டும். மதச்சார்பின்மைக்கான அர்ப்பணிப்பைக் கடைப்பிடிக்க முடியாவிட்டால் அவரை யாரால் தடுக்க முடியும்? அனைத்து மதங்களுக்கும் மரியாதை அளிப்பதன் சின்னமாகவே அமரீந்தர் சிங் கருதப்பட்டார். நீண்ட நாள்களாக காங்கிரஸ் பாரம்பரியத்துடன் இணைப்பில் இருந்துள்ளார்.

    பாஜக 10 மாதங்களாக விவசாயிகளை எல்லையில் காக்க வைத்ததை யாரால் மறக்க முடியும்? விவசாயிகள் போராட்டம் கையாளப்பட்ட விதத்தை பஞ்சாப் மன்னிக்குமா? அவரது அறிக்கை அதிர்ச்சியளிக்கிறது. அவருள் இருந்த மதச்சார்பின்மை அமரீந்தரை அவர் கொன்றுவிட்டதுபோல இருக்கிறது.

    இதையும் படிக்கஉத்தரகண்ட் வெள்ளத்தில் பலியானோர் குடும்பத்தினருக்கு ராகுல் காந்தி இரங்கல்

    வரவிருக்கும் சட்டப்பேரவைத் தேர்தலில் காங்கிரஸுக்கு எந்த இழப்பும் இல்லை. சொல்லப்போனால் எங்களது எதிரிகளின் வாக்குகளையே இது பிரிக்கும். காங்கிரஸ் பாதிக்கப்படாது. சன்னி அரசின் செயல்பாடுகளைப் பொறுத்தே காங்கிரஸ் வாக்குகள் உள்ளன. சன்னி தொடங்கியிருக்கும் விதம் பஞ்சாப் மற்றும் ஒட்டுமொத்த நாடு முழுவதிலும் நன்மதிப்பை உருவாக்கியுள்ளது.

    உத்தரகண்ட் குறித்துப் பேசுவதற்காக ராகுல் காந்தியைச் சந்திக்க வந்தேன். அங்கு தேர்தல் நடைபெறும். சமீபத்திய இயற்கைப் பேரிடர் உத்தரகண்டை முடக்கியுள்ளது. அதுகுறித்து அவரிடம் விவரித்தேன். காங்கிரஸ் தலைவரையும் சந்திப்பேன்" என்றார் ஹரீஷ் ராவத்.

    முன்னதாக, புதிய கட்சியைத் தொடங்கவிருப்பதாகவும், வேளாண் சட்டங்களுக்கு எதிரான விவசாயிகள் போராட்டத்துக்குத் தீர்வு கண்டால் பாஜகவுடன் கூட்டணி வைக்கப்படலாம் எனவும் அமரீந்தர் சிங் செவ்வாய்க்கிழமை அறிக்கை வெளியிட்டிருந்தார்.

    பஞ்சாபில் அடுத்தாண்டு சட்டப்பேரவைத் தேர்தல் நடைபெறவுள்ளது குறிப்பிடத்தக்கது.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp