எல்லைப் பாதுகாப்புப் படை (பிஎஸ்எப்) பிரிவின் டிஜியாக பங்கஜ் குமாா் சிங்கும், இந்தோ திபெத்திய எல்லை போலீஸ் (ஐடிபிபி) பரிவின் டிஜியாக சஞ்சய் அரோராவும் செவ்வாய்க்கிழமை பொறுப்பேற்றுக் கொண்டனா்.
பங்கஜ் குமாா் சிங், 1998- ராஜஸ்தான் பிரிவைச் சோ்ந்தவா். இவா் நாட்டின் 63 ஆயிரம் கி.மீ. தூர பாகிஸ்தான், வங்கதேச எல்லைகளை கண்காணிக்கும் எல்லைப் பாதுகாப்புப் படைப் பிரிவின் புதிய தலைவராக பொறுப்பேற்றுள்ளாா். இந்தப் படையில் 2.65 லட்சம் படை வீரா்கள் உள்ளனா்.
1998- தமிழக பிரிவைச் சோ்ந்த சஞ்சய் அரோரா, நாட்டின் 3,488 கி.மீ. தூர சீனாவுடான எல்லையைப் பாதுகாக்கும் இந்தோ திபெத்திய எல்லை போலீஸ் படையின் தலைவராக பொறுப்பேற்றுள்ளாா்.
இதற்கு முன்பு மத்திய துணை ராணுவப் படையின் (சிஆா்பிஎப்) சிறப்பு டிஜியாக அவா் பணியாற்றி வந்தாா். தற்போது, 90 ஆயிரம் படை வீரா்களைக் கொண்ட ஐடிபிபியின் டிஜி பொறுப்பை சஞ்சய் அரோரா ஏற்றுள்ளாா். அவரது பணிக்காலம் 2025, ஜூலையில் முடிவடைகிறது.
காவல் துறையில் பல்வேறு சீா்திருத்தங்கள் மேற்கொள்ள ஐபிஎஸ் அதிகாரி பங்கஜ் குமாா் சிங் நீதிமன்றம் மூலம் நடவடிக்கை எடுத்துள்ளாா். 1996-ஆம் ஆண்டு உச்சநீதிமன்றத்தில் அவா் தொடுத்த வழக்கின் மூலம்தான் உளவுத் துறை இயக்குநா், சிபிஐ இயக்குநா், வெளியுறவுத் துறை செயலா், ரா தலைவா், மத்திய உள்துறை செயலா் ஆகியோருக்கு குறைந்தது இரண்டு ஆண்டுகள் பதவிக்காலம் வழங்கும் முறை கொண்டு வரப்பட்டது.