உத்தரப்பிரதேசம்: காங்கிரஸ் நட்சத்திர பேச்சாளர் பட்டியலில் இவர் இல்லையா?
புது தில்லி: உத்தரப்பிரதேச மாநில சட்டப்பேரவைக்கு நடைபெறும் ஆறாம் கட்ட தேர்தல் பிரசாரத்தில், காங்கிரஸ் கட்சியின் நட்சத்திர பேச்சாளர் பட்டியலில் அக்கட்சியின் தலைவர் சோனியா காந்தியின் பெயர் இடம்பெறவில்லை.
அதே வேளையில், நட்சத்திரப் பேச்சாளர்களின் பட்டியலில் ராகுல் காந்தி, பிரியங்கா காந்தி வதேரா, காங்கிரஸ் கட்சி ஆளும் மாநிலங்களான ராஜஸ்தான், பஞ்சாப், சத்தீஸ்கர் மாநில முதல்வர்களின் பெயர்களும் இடம்பெற்றுள்ளன.
ஏற்கனவே சில மாநிலங்களில் நடைபெற்று வரும் தேர்தலை முன்னிட்டு, காங்கிரஸ் கட்சி வெளியிட்ட நட்சத்திர பேச்சாளர்களின் பட்டியலில் சோனியாவின் பெயர் இடம்பெற்றிருந்தாலும், இதுவரை அவர் எந்த மாநிலத்திலும் தேர்தல் பிரசாரம் மேற்கொள்ளவில்லை.
இதையும் படிக்க.. காதல் மனங்களை இணைக்கும் பாரீஸ் 'லவ் லாக்' பாலம்
உத்தரப்பிரதேசத்தைத் தொடர்ந்து மணிப்பூரிலும் சட்டப்பேரவைத் தேர்தல் அறிவிக்கப்பட்டுள்ளது. அங்கு பிப்ரவரி 28 மற்றும் மார்ச் 5 என இரண்டு கட்டங்களாக வாக்குப்பதிவு நடைபெற உள்ளது.