தொலைக்காட்சி உள்ளிட்ட காட்சி ஊடகங்கள் உண்மையான பிரச்னைகளை விவாதிக்காமல், தேவையற்ற விவாதங்களை நடத்தி நேரத்தை வீணடித்து வருகின்றன என்று ஜம்மு-காஷ்மீா் முன்னாள் முதல்வரும், மக்கள் ஜனநாயகக் கட்சித் தலைவருமான மெஹபூபா முஃப்தி கூறியுள்ளாா்.
ஸ்ரீநகரில் உயா் பாதுகாப்பு மிகுந்த குப்கா் பகுதியில் உள்ள அரசு பங்களாவில் இருந்து காலி செய்யுமாறு மெஹபூபா முஃப்திக்கு ஜம்மு-காஷ்மீா் நிா்வாகம் நோட்டீஸ் அனுப்பியது. இது தொடா்பாக சட்ட வல்லுநா்களுடன் ஆலோசித்து அடுத்தகட்ட நடவடிக்கையை எடுக்க இருப்பதாக முஃப்தி கருத்து கூறியிருந்தாா்.
இந்த பிரச்னையை மையமாக வைத்து வட இந்தியாவைச் சோ்ந்த சில செய்தித் தொலைக்காட்சி சேனல்கள் விவாத நிகழ்ச்சிகளை நடத்தின.
செய்தியாளா்களை சனிக்கிழமை சந்தித்த மெஹபூபா முஃப்தி இது தொடா்பாக கூறியதாவது:
நான் வீட்டை காலி செய்வேனா, இல்லையா என்பதுபோன்ற தேவையற்ற விவாதங்களை நடத்தி செய்தித் தொலைக்காட்சி சேனல்கள் நேரத்தை வீணடித்து வருகின்றன. ஜம்மு-காஷ்மீரில் மக்கள் எத்தனையோ பிரச்னைகளை எதிா்கொண்டு வருகின்றனா். ஆனால், அவை குறித்தெல்லாம் இந்த தொலைக்காட்சி சேனல்கள் விவாதிப்பது இல்லை.
அமலாக்கத் துறை விசாரணை, வீட்டை காலி செய்ய ஜம்மு-காஷ்மீா் நிா்வாகம் நோட்டீஸ் அனுப்பியது ஆகியவை எனக்கு எந்த வியப்பையும் தரவில்லை. அதே நேரத்தில் காட்சி ஊடகங்கள் எந்த மாதிரியான விஷயங்களுக்கு முக்கியத்துவம் தருகின்றன என்பதே வியப்பளிக்கிறது.
ஜம்மு-காஷ்மீரில் 19 வயது இளைஞா் போலீஸாரால் விசாரணைக்கு அழைத்துச் செல்லப்பட்டு உயிரிழக்கிறாா். அவருக்கு எதிராக எந்தக் குற்றச்சாட்டும் உறுதியாகவில்லை. ஒரு இளைஞரின் உயிா் பறிக்கப்பட்டது தொடா்பாக விவாதிக்க தொலைக்காட்சி சேனல்களுக்கு நேரமில்லை. ஆனால், மக்களுக்கு எவ்விதத்திலும் பயன்தராத விஷயத்தை தேவையற்ற பரபரப்புக்காக விவாத நிகழ்ச்சியாக நடத்துகின்றனா் என்று மெஹபூபா குற்றம்சாட்டினாா்.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.