தெலங்கானா மாநிலத்தில் 6 ஆண்டுகளுக்கு பிறகு மின் கட்டணம் 14 சதவீதம் உயர்த்தப்பட்டுள்ளது. வீட்டு உபயோக மின் கட்டணம் ஒரு யூனிட்டுக்கு 50 காசுகள் உயர்த்தப்பட்டுள்ளது.
வீட்டு உபயோக மின் கட்டணம் 50 யூனிட் வரை யூனிட் ஒன்றுக்கு ரூ.1.45-ல் இருந்து ரூ.1.95 ஆக உயர்த்தப்பட்டுள்ளது. 51 யூனிட் முதல் 100 யூனிட் வரை யூனிட் ஒன்றுக்கு மின் கட்டணம் ரூ.2.60-ல் இருந்து ரூ.3.10 ஆக உயர்த்தப்பட்டுள்ளது.
சலூன் கடைகள் உள்பட சிறு தொழில்களுக்கு பயன்படுத்தப்படும் மின்சாரங்களுக்கான மின் கட்டணத்தில் மாற்றமில்லை என்று தெலங்கானா அரசு தெரிவித்துள்ளது.
மின் கட்டண உயர்வு ஏப்ரல் 1 முதல் நடைமுறைக்கு வந்ததாக தெலங்கானா மாநில அரசு அறிவித்துள்ளது.