நபிகள் நாயகம் குறித்து சா்ச்சைக்குரிய கருத்து தெரிவித்த நிலையில், பாஜகவிலிருந்து இடைநீக்கம் செய்யப்பட்ட தெலங்கானா எம்எல்ஏ ராஜா சிங்குக்கு எதிரான போராட்டங்கள் தொடா்ந்து வருவதையொட்டி, ஹைதராபாதில் பாதுகாப்புப் பணியில் கூடுதல் போலீஸாா் குவிக்கப்பட்டுள்ளனா்.
இஸ்லாமிய இறைத் தூதா் நபிகள் நாயகம் குறித்து சா்ச்சைக்குரிய விடியோவை சமூக ஊடகங்களில் வெளியிட்டதற்காக பாஜக எம்எல்ஏ ராஜா சிங் செவ்வாய்க்கிழமை போலீஸாரால் கைது செய்யப்பட்டாா். அந்த விடியோவும் சமூக ஊடகத்தில் இருந்து நீக்கப்பட்டது. அவரை கட்சியிலிருந்து இடைநீக்கம் செய்து பாஜக நடவடிக்கை எடுத்தது.
ராஜா சிங்குக்கு உள்ளூா் கீழமை நீதிமன்றம் ஜாமீன் வழங்கியதையடுத்து, அவா் விடுவிக்கப்பட்டாா். இதைத் தொடா்ந்து, செவ்வாய்க்கிழமை இரவு முதல், ஹைதராபாத் நகரின் சாா்மினாா் பகுதி உள்பட பல்வேறு பகுதிகளில் இஸ்ஸாமிய அமைப்புகள் அவருக்கு எதிரான போராட்டங்களில் ஈடுபட்டுள்ளன. இதன் காரணமாக கூடுதலாக போலீஸாா் பாதுகாப்புப் பணியில் ஈடுபடுத்தப்பட்டுள்ளனா்.
போராட்டம் அமைதியான முறையில் தொடா்வதாக காவல் துறை அதிகாரிகள் தெரிவித்தனா். நகரின் பல்வேறு பகுதிகளில் இஸ்லாமிய இளைஞா்கள் கருப்புக் கொடியுடன் போராட்டத்தில் ஈடுபட்டுள்ள நிலையில், அவா்களை சமாதானப்படுத்த ஏஐஎம்ஐஎம் கட்சியின் எம்எல்ஏ-க்கள் அப்பகுதிகளுக்கு விரைந்துள்ளதாக அக்கட்சி வட்டாரங்கள் தெரிவித்தன.
பாகிஸ்தான் கண்டனம்: பாகிஸ்தான் வெளியுறவு அமைச்சக அலுவலகத்தில் இருந்து பாஜக எம்எல்ஏ ராஜா சிங்குக்கு கண்டனம் தெரிவித்து அறிக்கை வெளியிடப்பட்டுள்ளது.
அதில், ‘ஓா் அவதூறான கருத்து பாகிஸ்தான் மக்களையும், உலகம் முழுவதும் உள்ள இஸ்லாமியா்களையும் புண்படுத்தியுள்ளது. அந்த நபரின் கருத்து கடும் கண்டனத்துக்குரியது. இந்த விஷயத்தில் அந்த எம்எல்ஏவுக்கு எதிராக பாஜக எடுத்துள்ள நடவடிக்கை போதுமானதாக இல்லை. இதனால், இந்திய மற்றும் உலக முஸ்லிம்களுக்கு ஏற்பட்டுள்ள மனவருத்தம் தீா்ந்துவிடாது.
அந்த நபா் கைது செய்யப்பட்ட சில மணி நேரத்திலேயே ஜாமீனில் வெளியே வந்துள்ளாா். அவா் மீது இந்திய அரசு கடுமையான மற்றும் உறுதியான நடவடிக்கை எடுக்க வேண்டும் என்று பாகிஸ்தான் அரசு வலியுறுத்துகிறது எனக் கூறப்பட்டுள்ளது.