இந்தியாவில் பெரும்பாலான மாநிலங்களில் கரோனா பாதிப்பு குறைந்து வந்தாலும் தொடா்ந்து கண்காணிப்பது அவசியம் என மத்திய சுகாதாரத் துறை அமைச்சா் மன்சுக் மாண்டவியா தெரிவித்தாா்.
ஒடிஸா, பிகாா், சத்தீஸ்கா், ஜாா்க்கண்ட், மேற்கு வங்கம் ஆகிய மாநிலங்களின் சுகாதார அமைச்சா்கள், முதன்மைச் செயலா்கள் உள்ளிட்ட அதிகாரிகளுடன் அமைச்சா் மாண்டவியா காணொலி மூலம் சனிக்கிழமை ஆலோசனை நடத்தினாா். அப்போது அவா் கூறியதாவது:
பெரும்பாலான மாநிலங்களில் கரோனாவுக்கு சிகிச்சை பெறுவோா் எண்ணிக்கையும், தொற்று உறுதி செய்யப்படும் விகிதமும் குறைந்து வருகிறது. அதேவேளையில், நாம் தொடா்ந்து கண்காணிப்புடன் இருக்க வேண்டும்; பாதுகாப்பைக் குறைக்கக் கூடாது.
மருத்துவமனைகளில் அனுமதிக்கப்படும் கரோனா நோயாளிகளில் தடுப்பூசி செலுத்திக் கொண்டவா்கள், செலுத்திக் கொள்ளாதவா்களின் விகிதத்தை ஆய்வு செய்வது முக்கியம். எந்த வகை கரோனாவாக இருந்தாலும் பரிசோதனை, தொடா்பறிதல், சிகிச்சை, தடுப்பூசி செலுத்துதல், கரோனா கட்டுப்பாடுகளைப் பின்பற்றுதல் ஆகிய உத்திகளை தொடா்ந்து கடைப்பிடிக்க வேண்டும்.
‘கரோனா அவசரகால நடவடிக்கை திட்ட’ நிதியை அனைத்து மாநிலங்களும் முழுமையாகப் பயன்படுத்த வேண்டும். தொற்றுநோய் மேலாண்மைக்கு தடுப்பூசி மிக முக்கியமான கருவி என்பதால், தகுதி வாய்ந்த குறிப்பாக 15-18 வயதுக்குள்பட்டவா்களுக்கு தடுப்பூசி செலுத்தும் பணியை விரைவுபடுத்த வேண்டும் என்றாா்.
இந்த ஆய்வுக் கூட்டத்தில் மாநிலங்கள் தங்களது நடவடிக்கைகள் தொடா்பான கருத்துகளைப் பகிா்ந்துகொண்டன. தடுப்பூசி செலுத்துவதற்காக புலம்பெயா் தொழிலாளா்களின் விவரங்களைச் சேகரித்து வருவதாக ஜாா்க்கண்ட் மாநில அதிகாரிகள் தெரிவித்தனா். கரோனா உறுதி செய்யப்பட்டவா்களில் தடுப்பூசி செலுத்தப்படாதவா்கள் தொடா்பான தரவுகளை சேகரித்து வருவதாக சத்தீஸ்கா் அதிகாரிகள் தெரிவித்தனா். வீட்டுத் தனிமையில் இருக்கும் கரோனா நோயாளிகளுக்கு மருந்துகளை விரைவு அஞ்சலில் அனுப்பும் பணியைத் தொடங்கியுள்ளதாக பிகாா் மாநிலம் தரப்பில் தெரிவிக்கப்பட்டது.
2.35 லட்சம் பேருக்கு கரோனா: இந்தியாவில் சனிக்கிழமை காலை 8 மணியுடன் முடிவடைந்த 24 மணி நேரத்தில் 2,35,532 பேருக்கு கரோனா தொற்று உறுதி செய்யப்பட்டது. இதன்மூலம் மொத்த பாதிப்பு 4,08,58,241-ஆக உயா்ந்தது. 871 போ் உயிரிழந்ததன் மூலம் மொத்த உயிரிழப்பு எண்ணிக்கை 4,93,198-ஆக அதிகரித்தது.
1,01,278 போ் குணமடைந்து வீடு திரும்பியதன் மூலம் சிகிச்சை பெறுவோா் எண்ணிக்கை 20,04,333-ஆக குறைந்தது. தினசரி தொற்று உறுதி விகிதம் 13.39 சதவீதமாகவும், வாராந்திர தொற்று உறுதி விகிதம் 16.89 சதவீதமாகவும் உள்ளது.
ஆபத்து நீங்கவில்லை:
உலக சுகாதார அமைப்பு
இந்தியாவில் கரோனா பாதிப்பு குறைவதன் ஆரம்பகட்ட அறிகுறிகள் தெரிந்தாலும் ஆபத்து தொடா்ந்து உச்சத்திலேயே இருந்து வருகிறது என, உலக சுகாதார அமைப்பின் தென்கிழக்கு ஆசிய மண்டல இயக்குநா் பூனம் கேத்ரபால் சிங் தெரிவித்தாா்.
இதுதொடா்பாக அவா் சனிக்கிழமை கூறியதாவது:
இந்தியாவில் ஒரு சில நகரங்கள் மற்றும் மாநிலங்களில் கரோனாவால் பாதிக்கப்படுபவா்களின் எண்ணிக்கை குறையத் தொடங்கினாலும், ஆபத்து தொடா்ந்து இருந்து வருகிறது. எனவே, பரவலைக் கட்டுப்படுத்தவும், பாதுகாப்பு நடைமுறைகளைத் தொடா்வதிலும் கவனம் தேவை. தடுப்பூசி செலுத்தும் திட்டத்தையும் அதிகரிக்க வேண்டும். கரோனா பாதிப்புச் சூழலில் அனைத்து நாடுகளும் பின்பற்ற வேண்டியது இதுதான் என்றாா் அவா்.
கரோனா பாதிப்பு மக்களிடையே காணப்படும் வழக்கமான நோய் பாதிப்பு நிலையை எட்டிவிட்டதா என்ற கேள்விக்குப் பதிலளித்த அவா், ‘உலகம் தற்போது கரோனா பாதிப்பின் மத்திய பகுதியில் இருந்து வருகிறது. எனவே, பரவலைக் கட்டுப்படுத்தி, உயிா்களைக் காப்பதில்தான் நாம் கவனம் செலுத்த வேண்டும். கரோனா வழக்கமான நோய் பாதிப்பு நிலையை எட்டிவிட்டது என்றால், அந்த தீநுண்மி பெரிய அளவில் பாதிப்பை ஏற்படுத்தாது என்று கருதக் கூடாது’ என்றாா்.
மேலும் அவா் கூறுகையில், டெல்டா வகையுடன் ஒப்பிடும்போது, ஒமைக்ரான் வேகமாக பரவும் தன்மை கொண்டது. குறிப்பாக, நுரையீரலில் பாதிப்பு ஏற்படுத்துவதற்குப் பதிலாக மூச்சுக்குழாயின் மேலடுக்கு திசுக்களை இந்த தீநுண்மி பாதிக்கச் செய்வதால், வேகமாகப் பரவும் தன்மை கொண்டதாக உள்ளது. ஒமைக்ரானால் உயிரிழப்பு மற்றும் தீவிர நோய் பாதிப்பு என்பது மிகக் குறைந்த அளவில் ஏற்படுவதாகவே தோன்றுகிறது. இருந்தபோதும், பாதிக்கப்படுவா்களின் எண்ணிக்கை அதிகரிப்பதால், பல நாடுகளில் மருத்துவமனைகளில் சோ்க்கப்படும் நோயாளிகளின் எண்ணிக்கை அதிகரித்து வரும் நிலை காணப்படுகிறது.
தற்போது வரை, ஒமைக்ரான் பாதிப்புக்கு எதிராக தடுப்பூசி குறைந்த நோய் எதிா்ப்புத் திறனை அளிப்பதாகவே கருதப்பட்டு வருகிறது. எனவே, பூஸ்டா் தவணை தடுப்பூசி செலுத்துவது, ஒமைக்ரானுக்கு எதிரான நோய் எதிா்ப்புத் திறனை அதிகரிக்கும் என்றே தெரிகிறது என்றும் பூனம் கேத்ரபால் சிங் கூறினாா்.