Enable Javscript for better performance
பொருளாதார வளர்ச்சி 8 - 8.5% ஆக இருக்கும்: பொருளாதார ஆய்வறிக்கை- Dinamani

உடனுக்கு உடன் செய்திகள்

    பொருளாதார வளர்ச்சி 8 - 8.5% ஆக இருக்கும்: பொருளாதார ஆய்வறிக்கை

    By PTI  |   Published On : 31st January 2022 04:49 PM  |   Last Updated : 31st January 2022 06:26 PM  |  அ+அ அ-  |  

    20220131055L

    பொருளாதார வளர்ச்சி 8 - 8.5% ஆக இருக்கும்: பொருளாதார ஆய்வறிக்கை

     

    வரும் ஏப்ரல் 1ஆம் தேதி தொடங்கும் நிதியாண்டில் நாட்டின் பொருளாதார வளர்ச்சியானது 8 முதல் 8.5 சதவீதம் என்ற அளவில் இருக்கும் என்று மத்திய பட்ஜெட்டுக்கு முந்தைய பொருளாதார ஆய்வறிக்கையில் தெரிவிக்கப்பட்டுள்ளது.

    மத்திய பட்ஜெட்டை, நாடாளுமன்றத்தில் நாளை 11 மணிக்கு மத்திய நிதியமைச்சர் நிர்மலா சீதாராமன் தாக்கல் செய்யவிருக்கிறார்.

    நாடாளுமன்ற பட்ஜெட் கூட்டத்தொடா் இன்று காலை  குடியரசுத் தலைவா் உரையுடன் தொடங்கியது. குடியரசுத் தலைவர் உரையைத் தொடர்ந்து, நடப்பு 2021-22-ஆம் நிதியாண்டுக்கான பொருளாதார ஆய்வறிக்கையை மத்திய நிதியமைச்சா் நிா்மலா சீதாராமன் நாடாளுமன்றத்தில் தாக்கல் செய்தார். முதலில் மக்களவையில் பொருளாதார ஆய்வறிக்கை தாக்கல் செய்யப்பட்டது. தொடர்ந்து மாநிலங்களவையில் தாக்கல் செய்யப்பட்டது.

    அதில் நடப்பு நிதியாண்டில் பொருளாதார வளா்ச்சி எவ்வாறு இருந்தது? அடுத்த நிதியாண்டில் மேற்கொள்ளப்பட வேண்டிய முக்கிய நடவடிக்கைகள் உள்ளிட்டவை தொடா்பான விவரங்கள் இடம்பெற்றிருந்தன.

     

    இதையும் படிக்க.. தங்க நகைகள் புதிது போல ஜெலிக்க..

    அதில், குறிப்பிடத்தக்க அம்சமாக,

    நிர்மலா சீதாராமன் தாக்கல் செய்த 2021 - 22 ஆம் ஆண்டுக்கான பொருளாதார ஆய்வறிக்கையில், நாட்டின் பொருளாதார வளர்ச்சி இந்த ஆண்டில் 9.2 சதவீதமாக இருக்கும் என்று எதிர்பார்க்கப்படுவதாகக் கூறப்பட்டுள்ளது.

    இது நாட்டின் பொருளாதார வளர்ச்சி, கரோனா பேரிடர் காலத்துக்கு முந்தைய அளவை நோக்கி உயர்வதைக் காட்டுவதாகக் கூறப்படுகிறது.

    கரோனா பேரிடர், பொதுமுடக்கங்கள் காரணமாக கடந்த 2020 - 21ஆம் நிதியாண்டில் நாட்டின் பொருளாதார வளர்ச்சி 7.3 சதவீதமாக இருந்தது என்று தெரிவிக்கப்பட்டுள்ளது.

    நீதி ஆயோக்கின் நீடித்த வளர்ச்சி இலக்குகள் குறியீட்டில் 2019-20-ல் 60 ஆகவும், 2018-19-ல் 57 ஆகவும் இருந்த இந்தியாவின் மதிப்பெண் 2020-21-ல் 66 ஆக மேம்பட்டுள்ளது. நிலையான வளர்ச்சி இலக்குகளை நிறைவேற்றுவதில் இந்தியா முன்னேறியுள்ளது இதன் மூலம் தெரியவருகிறது என்று தெரிவிக்கப்பட்டுள்ளது.

    மேலும்,மத்திய நிதி மற்றும் பெருநிறுவன விவகாரங்கள் துறை அமைச்சர் நிர்மலா சீதாராமன் நாடாளுமன்றத்தில் இன்று தாக்கல் செய்த 2021-22 நிதியாண்டுக்கான பொருளாதார ஆய்வறிக்கையில், இந்தச் சாதனையை குறிப்பிட்டு, நீடித்த வளர்ச்சி இலக்குகளின் கீழ் சமூக, பொருளாதார மற்றும் சுற்றுச்சூழல் இலக்குகளை அடைவதில் இந்தியாவின் உறுதிப்பாட்டை இது மீண்டும் வெளிப்படுத்தி உள்ளதாகக் கூறப்பட்டுள்ளது.

    மேலும்,  அதில் கூறப்பட்டிருப்பதாவது,
    நீதி ஆயோக்கின் நீடித்த வளர்ச்சி இலக்குகள் குறியீடு 2020-21, மாநிலங்கள் மற்றும் யூனியன் பிரதேசங்களின் செயல்திறன் குறித்து பின்வருமாறு கூறுகிறது.

    * 2019-20 நிதியாண்டில் முன்னணி மாநிலங்களின் எண்ணிக்கை 10 என்ற அளவில் (65-99 மதிப்பெண்கள்) இருந்த நிலையில், 2020-21ம் நிதியாண்டில் 22 மாநிலங்கள் மற்றும் யூனியன் பிரதேசங்களாக அதிகரித்துள்ளது.

    *  முதலிடத்தில் உள்ள மாநிலங்கள்/யூனியன் பிரதேசங்களில் கேரளம் மற்றும் சண்டிகர் முன்னணியில் உள்ளன.

    * வடகிழக்கு இந்தியாவில் 64 மாவட்டங்கள் முன்னணி  செயல்பாட்டாளர்களாகவும், 39 மாவட்டங்கள் செயல்திறன் மிக்கவர்களாகவும் இருந்தன (வட-கிழக்கு பிராந்திய மாவட்ட நீடித்த வளர்ச்சி இலக்குகள் குறியீடு 2021-22) என்று தெரிவிக்கப்பட்டுள்ளது.

    அறிக்கையின் இதர முக்கிய அம்சங்கள்:

    2010-20-ல் தன் வனப் பகுதியை அதிகரிப்பதில் உலகளவில் மூன்றாவது இடத்தை இந்தியா பிடித்தது; 2011-2021-ல் காடுகளின் பரப்பளவில் மூன்று சதவீதத்திற்கும் அதிகமாகப் பெருகியுள்ளது.

    2022-ம் ஆண்டிற்குள் பிளாஸ்டிக் பயன்பாட்டைப் படிப்படியாக இந்தியா வெளியேற்றுவதோடு, நெகிழி பேக்கேஜிங் கழிவுகளின் சுற்றுப் பொருளாதாரத்தை வலுப்படுத்தும்.

    கங்கை மற்றும் துணை நதிகளில் மாசுபடுத்தும் தொழிற்சாலைகளின் இணக்க நிலை மேம்பட்டுள்ளது.

    காற்று மாசின் அளவை 2024-ம் ஆண்டிற்குள் குறைக்க 132 நகரங்களில் தேசிய சுத்தமான காற்றுத் திட்டம் செயல்படுத்தப்படுகிறது.

    உமிழ்வு குறைப்பு இலக்குகளை 2030-க்குள் அடைய இந்தியா உறுதிபூண்டுள்ளது; தேவையான வளங்களை கவனமாகப் பயன்படுத்தவும் முடிவு. ஐஎஸ்ஏ, சிடிஆர்ஐ மற்றும் லீடிட் ஆகியவற்றின் கீழ் உலகளாவிய பருவநிலை தலைமைத்துவத்தை இந்தியா வெளிப்படுத்துகிறது.

     


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp