Enable Javscript for better performance
உதய்பூர் தையல்காரரைக் கொன்றவர் பா.ஜ.க.வைச் சேர்ந்தவரா?- Dinamani

உடனுக்கு உடன் செய்திகள்

    உதய்பூர் தையல்காரரைக் கொன்றவர் பா.ஜ.க.வைச் சேர்ந்தவரா? வெளியான புகைப்படங்கள்!

    By PTI  |   Published On : 02nd July 2022 03:23 PM  |   Last Updated : 02nd July 2022 06:10 PM  |  அ+அ அ-  |  

    bjp_accused

    பாஜக தலைவர்களுடன் உதய்பூர் படுகொலையில் குற்றவாளி என்று கைது செய்யப்பட்டிருக்கும் முகமது ரஃபீக் இருக்கும் புகைப்படம்

     

    நாடு முழுவதும் பரபரப்பாகப் பேசப்படும் உதய்பூர் படுகொலை வழக்கில்,  தையல்காரரைக் கொன்றவர்களில் முக்கியமானவர் பாரதிய ஜனதா கட்சியைச் சேர்ந்தவர் என்று  காங்கிரஸ் குற்றம் சாட்டியுள்ளது.

    இஸ்லாமுக்கு எதிராகக் கருத்துத் தெரிவித்த நூபுர் சர்மாவுக்கு ஆதரவாகக் கருத்துத் தெரிவித்து வந்ததற்காக, ராஜஸ்தானிலுள்ள உதய்பூரில் தையல்காரர் கன்னையா லால் என்பவர் படுகொலை செய்யப்பட்டார்.

    இதையும் படிக்க.. அமராவதியில் மருந்தாளுநர் கொலை, உதய்பூர் போன்ற சம்பவம்: என்ஐஏ விசாரணை

    தில்லியில் காங்கிரஸ் தலைமையகத்தில் இன்று செய்தியாளர்களுடன் பேசிய கட்சியின் செய்தித் தொடர்புப் பிரிவுத் தலைவர் பவன் கெரா, மிகவும் முக்கியமான இந்தத் தகவலை ஊடகங்கள் வெளியிட்டுள்ளதாகக் குறிப்பிட்டுள்ளார்.

     

    இதனிடையே, இந்தக் குற்றச்சாட்டை பாரதிய ஜனதா கட்சியின் ராஜஸ்தான் மாநில சிறுபான்மைப் பிரிவு மறுத்துள்ளது.

    உள்ளூர் பாரதிய ஜனதா கட்சித் தலைவர்கள் சிலருடன்  ரியாஸ் அஹ்தரி இருக்கும் புகைப்படத்தை மட்டுமே வைத்துக்கொண்டு அவர் பா.ஜ.க.வைச் சேர்ந்தவர்  என்று கூறிவிட முடியாது என்று சிறுபான்மைப் பிரிவுத் தலைவர் முகமத் சாதிக் கான் தெரிவித்துள்ளார்.

     

    யார் வேண்டுமானாலும் எந்தத் தலைவருடன் வேண்டுமானாலும் சேர்ந்து புகைப்படம் எடுத்துக் கொள்ளலாம் என்றும் அதனாலேயே அவர் பாரதிய ஜனதா உறுப்பினர் ஆகிவிட மாட்டார் என்றும் அவர் குறிப்பிட்டுள்ளார்.

    இதையும் படிக்க.. ராஜஸ்தானில் நூபுருக்கு ஆதரவாகக் கருத்து பதிவிட்ட தையல்காரா் படுகொலை: சதியில் ஈடுபட்டதாக இருவா் கைது

    ஏதாவது நிகழ்ச்சிக்குச் சென்றபோது அவர், உள்ளூர்த் தலைவர்களுடன் அந்தப் படத்தை  எடுத்திருக்கலாம் என்றும் கான் கூறினார்.

    தலைவர்கள் அல்லது பிரமுகர்களுடன் இருக்கும் படங்களை முகநூல் அல்லது சமூக ஊடகங்களில் பதிவிடுவது வழக்கமான ஒன்றுதான், அதுபோலவே இந்தப் படத்தையும் பதிவிட்டிருப்பார்,  அதனால் அவர் பாரதிய ஜனதாவைச் சேர்ந்தவர் என்பது சரியல்ல என்றும் கான் மறுத்துள்ளார்.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp