ஜெர்மனி சென்றடைந்தார் பிரதமர் மோடி

ஐரோப்பிய நாடுகளுக்கான 3 நாள் பயணத்தின் முதல் கட்டமாக பிரதமர் மோடி ஜெர்மனி சென்றடைந்தார். 
ஜெர்மனி சென்றடைந்தார் பிரதமர் மோடி

ஐரோப்பிய நாடுகளுக்கான 3 நாள் பயணத்தின் முதல் கட்டமாக பிரதமர் மோடி ஜெர்மனி சென்றடைந்தார். 

தொடர்ந்து தலைநகா் பொ்லினில் அந்த நாட்டுப் பிரதமா் ஒலாஃப் ஷோல்ஸுடன் இன்று அவர் பேச்சுவாா்த்தை நடத்தவுள்ளார். அதைத் தொடா்ந்து, மே 3, 4 ஆகிய தேதிகளில் டென்மாா்க்கில் பயணம் மேற்கொள்கிறார். பின்னர் தலைநகா் கோபன்ஹேகனில் அந்நாட்டுப் பிரதமா் மேட் பிரடெரிக்சன் உடன் பேச்சுவாா்த்தை நடத்த உள்ளார். அங்கு நடைபெறவுள்ள 2-ஆவது இந்தியா-நாா்டிக் நாடுகள் மாநாட்டிலும் கலந்து கொள்கிறார். 

கரோனாவுக்குப் பிந்தைய பொருளாதார வளா்ச்சி, பருவநிலை மாற்றம், புத்தாக்கம், தகவல்-தொழில்நுட்பம், புதுப்பிக்கத்தக்க எரிசக்தி, சா்வதேச பாதுகாப்புச் சூழலுக்கு எழுந்துள்ள அச்சுறுத்தல் உள்ளிட்டவை குறித்து அந்த மாநாட்டின்போது விவாதிக்கப்படவுள்ளது. இதையடுத்து பிரான்ஸ் தலைநகா் பாரீஸுக்கு சென்று அந்நாட்டு அதிபா் இமானுவல் மேக்ரானைச் சந்தித்துப் பேசயிருக்கிறார். 

உக்ரைன்-ரஷியா மோதலால் இயற்கை எரிவாயு விநியோகம் பாதிப்பு, உணவுப் பொருள்கள் உள்ளிட்ட அத்தியாவசியப் பொருள்களின் விலையேற்றம் உள்ளிட்ட பிரச்னைகளை ஐரோப்பிய நாடுகள் சந்தித்து வரும் நிலையில், பிரதமா் மோடியின் பயணம் முக்கியத்துவம் பெற்றுள்ளது.
 

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com