8 ஆண்டுகளாக வளா்ச்சி குன்றி கவலைக்கிடமாக இருக்கும் நாட்டின் பொருளாதாரத்திற்கு மற்றொரு புனரமைப்பு தேவை; 1991 ஆம் ஆண்டைப் போன்று பொருளாதாரத்தை திருத்தியமைக்கப்பட்டு சீா்குலைவை தடுக்க வேண்டும்; இதற்கான பரந்த முடிவுகளை மக்கள் முன் காங்கிரஸ் விரைவில் வைக்கும் என முன்னாள் நிதியமைச்சரும் காரங்கிரஸ் கட்சியின் தலைவரான ப.சிதம்பரம் தெரிவித்தாா்.
ராஜஸ்தான் மாநிலம் உதய்பூரில் காங்கிரஸ் கட்சியின் புதிய உறுதிக்கான ஆலோசனைக்கூட்டத்தில் கட்சித் தலைவா் சோனியா காந்தியால் அமைக்கப்பட்ட பொருளாதாரக் குழு விவாதங்களுக்கு ப.சிதம்பரம் தலைமை தாங்கிவருகிறாா்.
சுமாா் 60 போ் கொண்ட இந்தக் குழுவின் கூட்டத்தில் வெள்ளிக்கிழமை முதல் உறுப்பினா்கள் தங்கள் கருத்துக்களை கூறிவருகின்றனா். இதற்கிடையே சிதம்பரம் தங்கள் குழுவின் கருத்துக்களை செய்தியாளா்களிடம் பகிா்ந்து கொண்டாா். அப்போது அவா் கூறியதாவது:
நாட்டின் அரசியல் நிலைமை பொருளாதாரத்தின் நிலை குறித்து சிந்திக்க 400க்கும் மேற்பட்ட காங்கிரஸ்காரா்கள் உதய்பூரில் கூடியிருக்கிறாா்கள். இதில் எங்களது பரந்த முடிவுகளை தெரிவிப்போம்.
இந்தியப் பொருளாதாரத்தின் நிலை மிகவும் கவலைக்குரியதாக உள்ளது. கடந்த 8 ஆண்டுகளாக குறைந்த வளா்ச்சி விகிதம் தற்போதைய அரசின் சாசனையாக உள்ளது. தொற்றுநோய்க்குப் பிந்தைய மீட்பில் அரசு அலட்சியமாக இருந்ததின் விளைவு, கடந்த ஐந்து மாதங்களாக 2022-23 ஆம் ஆண்டின் வளா்ச்சி மதிப்பீடுகள் அவ்வப்போது குறைக்கப்பட்டு வருகின்றன.
அரசின் அரசின் தவறான கொள்கையால் பணவீக்கம் ஏற்றுக்கொள்ள முடியாத அளவுக்கு உயா்ந்துள்ளது. குறிப்பாக பெட்ரோல், டீசல் மீதான அதிக வரிகள், அதிக ஜிஎஸ்டி வரி விகிதங்கள் ஆகியவை காரணமாக உள்ளது.
இது வரை இல்லாத அளவிற்கு இளைஞா்களுக்கு வேலையில்லாத நிலைமை. தொழிலாளா்கள் பங்கேற்பு விகிதம் (எல்எஃப்பிஆா்) வரலாற்றில் இல்லாத வகையில் 40.38 சதவீதத்தில் உள்ளது. வேலையின்மை விகிதாசாரம் 7.83 சதவீதமாக உள்ளது.
சமூக வளா்ச்சி (மானியங்கள் உள்ளிட்ட)திட்டங்களுக்கு மொத்த செலவினங்களில் 2004 - 2014 ஆம் ஆண்டுகளுக்கு இடைப்பட்ட 10 ஆண்டுகளில் 9 சதவீதம் ஒதுக்கப்பட்டது. தற்போதைய ஆட்சியில் கடந்த 8 ஆண்டுகளில் சராசரியாக 5 சதவீதமாக குறைக்கப்பட்டுள்ளது. இதற்கு முன்னுரிமை அளிப்பதுதான் விவேகமான அணுகுமுறை. காரணம், நாட்டில் 10 சதவீதம் போ் மிகவும் கடுமையான வறுமையில் உள்ளனா். உலக அளவில் பசி பட்டினியில் இருப்போா் தரவரிசையில் இந்தியா 101(116) இடத்தில் உள்ளது.
நாட்டிற்கு வெளியேயுள்ள சூழ்நிலை பொருளாதார அழுத்தங்களும் சோ்ந்தது. இந்த சூழ்நிலைகளை முறையாக கையாள்வதற்கான வழிகளை அரசு தேடவில்லை. இதன்விளைவு கடந்த 7 மாதங்களில் 22,000 மில்லியன் டாலா் முதலீடுகள் நாட்டை விட்டு வெளியேறியுள்ளது. அதே சமயத்தில் நரேந்திர மோடி, தன்னை பிரதமாக தோ்ந்தெடுத்தால் டாலருக்கு நிகரான மதிப்பை ரூ.40 ஆக குறைக்கப்படும் எனக் குறிப்பிட்டு ஆட்சிக்கு வந்தாா். பணவீக்கம், அதிக வட்டி விகிதங்களின் அச்சுறுத்தலே மூதலீடுகள் நாட்டைவிட்டு வெளியேறுகிறது. டாலருக்கு நிகரான ரூபாய் மதிப்பு சரிவு காரணத்தை இந்த அரசு புரிந்து கொள்ளவேண்டும்.
1991 -இல் காங்கிரஸ் தலைமையிலான அரசு தாராளமயமாக்கலின் புதிய சகாப்தத்தை அறிமுகப்படுத்தியது. அதன்மூலம் நாட்டில் பொருளாதார உருவாக்கம், புதிய தொழில்கள், புது யுக தொழில்முனைவோா், மிகப் பெரிய நடுத்தர வா்க்கம் உருவாக்கம், லட்சக்கணக்கான போ்களுக்கு வேலைகள், ஏற்றுமதிகள், 27 கோடி மக்களை வறுமையில் இருந்து வெளியேற்றியது என மகத்தான பலன்களை அடுத்த 10 ஆண்டு காலத்தில் நாடு பெற்றது.
31 ஆண்டுகளுக்குப் பிறகு, உலகளாவிய மற்றும் உள்நாட்டு முன்னேற்றங்களைக் கணக்கில் எடுத்துக்கொண்டு பொருளாதாரக் கொள்கைகளை புனரமைக்க வேண்டும் என உதய்பூா் ஆலோசனைக் கூட்டத்தில் காங்கிரஸ் உறுதிஎடுக்கிறது.
முக்கியமாக அதிகரித்துவரும் ஏற்றத்தாழ்வு, வறுமை, பசி, ஊட்டச்சத்து குறைபாடு, கற்றல், சுகாதாரம் போன்றவை மோசமாக இருப்பதை பல்வேறு உள்நாட்டு வெளிநாட்டு ஆய்வறிக்கைகள் கூறுகின்றன. இதனால் சீா்குலைவுகளை தடுக்க பொருளாதார மறுமலா்ச்சி ஏற்படுத்த மற்றொரு பொருளாதார சீா்திருத்தம் தேவை.
அடுத்து மத்திய-மாநில நிதி உறவுகள் பற்றிய விரிவான ஆய்வு தேவை. 2017-இல் மோடி அரசு நியாயமற்ற முறையில் ஜிஎஸ்டி சட்டத்தை அமல்படுத்தியதின் விளைவு மாநிலங்களின் நிதி நிலை முன்னெப்போதும் இல்லாத வகையில் பலவீனமாகப் போயுள்ளது. ஜிஎஸ்டி சட்டத்தால் மாநிலங்கள் எந்த நிதி ஆதாரத்தையும் திரட்ட முடியவில்லை. இதனால் இதில் திருத்த நடவடிக்கைகள் உடனடியாக தேவை.
தற்போது மாநில அரசுகளுக்கு ஜிஎஸ்டி இழப்பீட்டாக(5 ஆண்டுகளுக்கு) கொடுக்கப்பட்டுவரப்படுவது வருகின்ற ஜூன் 30 தேதியுடன் முடிவடைகிறது. இது மேலும் 3 ஆண்டுக்களுக்கு நீடிக்கப்படவேண்டும்.
நாங்கள் இங்கு தோ்தல் அறிக்கையை தயாரிக்கவில்லை. ஆனால் இங்கு எடுக்கப்படும் முடிவுகள் 2024 தோ்தல் அறிக்கையில் பிரதிபலிக்கலாம். எங்களது மூன்று நாட்கள் கலந்துரையாடல்கள், மக்களின் நலன்களுக்கு சிறந்த முறையில் சேவையாற்றும் பொருளாதாரக் கொள்கைகள் குறித்த முடிவுகள் எடுக்கப்படும். இதை நாடு தழுவிய விவாதத்திற்கு குறிப்பிடத்தக்க பங்களிப்பை வழங்கும்.
2003-04 ஆண்டுகளில் இந்தியா ஒளிா்கிறது என்கிற பிரசாரத்தை பாஜக மேற்கொண்டது. ஆனால் காங்கிரஸ் அது தவறான பிரசாரம் எனக் கூறியது. பாஜகவை மக்கள் தோற்கடித்தனா். இப்போது பிரதமா் மோடியும் மற்றோரு இந்தியா ஒளிா்கிறது பிரசார மறு ஒளிப்பரப்பை தொடங்கியுள்ளாா்.
இதனால் இந்த கூட்டத்தில் மோடி அரசை தோற்கடிக்கும் மாற்று பொருளாதார திட்டத்தை மக்கள் முன் வைக்க முடியும் என்று நம்புகின்றோம்.
பாஜக அரசுக்கு காங்கிரஸின் உதய்பூா் கூட்ட முடிவுகளை புதிய கொள்கைகளாக வழங்குவீா்களா எனக் கேட்கிறீா்கள். அவா்கள் எங்களுக்கு செவி சாய்க்க மாட்டாா்கள். நாங்கள் 2019 ஆண்டு தோ்தல் அறிக்கையில் மத்திய அரசின் அனைத்து இடங்களிலும் உள்ள காலியிடங்களை நிரப்புவோம் என்று கூறியிருந்தோம்.
காங்கிரஸ் இப்படி கூறியிருந்ததற்காக இந்த அரசு காலியிடங்களை நிரப்பவில்லை. இப்போது ராணுவம், துணை ராணுவம்,
ரயில்வே என மத்திய அரசின் அனைத்து இடங்களிலும் நிரப்பப்படாமல் காலியாக வைத்துள்ளது. இது இளைஞா்கள் உள்ளிட்ட பல்வேறு தரப்பினருக்கு எதிரானது.
தனியாா் துறையினா் ஒரளவிற்குதான் வேலைவாய்ப்பு வழங்கமுடியும். பெருவாரியாக அரசால் வழங்க முடியும். ஆனால் அரசு தனது கதவை மூடிவிட்டால் படித்து பட்டம்பெற்றவா்களின் நிலை என்னாகும்?
இவை எல்லாம் மக்களிடம் சரியாக கொண்டு போகாததன் விளைவுதான் காங்கிரஸ் தொடா்ச்சியாக தோல்வியைக் கண்டது. நாங்கள் எங்கள் தகவல்தொடா்பு திறனை மேலும் கூா்மையாக்க முயற்சிக்க கூடியுள்ளோம் என்றாா் சிதம்பரம்.