உத்தரப்பிரதேச மாநில துணை முதல்வர் பிரஜேஷ் பதக் சென்ற வாகனம் விபத்தில் சிக்கிய சம்பவம் பரபரப்பை ஏற்படுத்தியுள்ளது.
உத்தரப்பிதேச மாநில துணை முதல்வர் பிரஜேஷ் பதக் நிகழ்ச்சி ஒன்றில் பங்கேற்பதற்காக லக்னௌவில் இருந்து கெரிக்கு இன்று சென்று கொண்டிருந்தார். அப்போது அவரின் வாகனம், காவலர் வாகனம், ஆம்புலன்ஸ் ஆகியவை விபத்தில் சிக்கியது.
இதையும் படிக்க- தமிழக அரசு ஊழியர்களுக்கு தீபாவளி போனஸ் அறிவிப்பு!
இந்த விபத்தில் துணை முதல்வர் பிரஜேஷ் பதக் நல்வாய்ப்பாக உயிர் தப்பினார். இருப்பினும் 2 மருத்துவ ஊழியர்கள் மற்றும் 6 போலீசார் காயமடைந்தனர். ஆனால் அவர்களுக்கு பெரிய அளவில் காயம் ஏற்படவில்லை எனக் கூறப்படுகிறது.
இந்த சம்பத்தைத் தொடர்ந்து துணை முதல்வர் பிரஜேஷ் பதக் அங்கிருந்து புறப்பட்டு லக்னௌ சென்றார். இதனால் அப்பகுதியில் சிறிது பரபரப்பு காணப்பட்டது.