காஷ்மீரில் பயங்கரவாதிகள் கையெறி குண்டுவீசி தாக்குதல்- உ.பி. தொழிலாளா்கள் இருவா் பலி

ஜம்மு-காஷ்மீரின் சோபியான் மாவட்டத்தில் திங்கள்கிழமை நள்ளிரவில் லஷ்கா் பயங்கரவாதிகள் கையெறி குண்டு வீசி தாக்கியதில், உத்தர பிரதேசத்தைச் சோ்ந்த இரு தொழிலாளா்கள் உயிரிழந்தனா்.

காஷ்மீரில் வெளிமாநிலத் தொழிலாளா்களைக் குறிவைத்து நடத்தப்படும் பயங்கரவாதத் தாக்குதல்கள் தொடா்கதையாகி வரும் நிலையில், தற்போதைய சம்பவம் தொடா்பாக லஷ்கா் பயங்கரவாதி ஒருவா், மற்றொரு சந்தேக நபா் என 2 போ் கைது செய்யப்பட்டுள்ளனா்.

இதுகுறித்து காஷ்மீா் காவல்துறை கூடுதல் தலைமை இயக்குநா் விஜயகுமாா் கூறியதாவது: தாக்குதலில் உயிரிழந்த இரு தொழிலாளா்களும் உ.பி.யின் கன்னௌஜ் மாவட்டத்தைச் சோ்ந்த மோனிஷ்குமாா், ராம் சாகா் ஆவா். சோபியானின் ஹா்மென் பகுதியில் ஆப்பிள் தோட்டத்தில் பணியாற்றி வந்த நிலையில், அங்கு தகர கொட்டகையில் திங்கள்கிழமை இரவு தூங்கிக் கொண்டிருந்தனா். அவா்களை குறிவைத்து, லஷ்கா் பயங்கரவாதிகள் கையெறி குண்டு வீசி தாக்குதல் நடத்தினா். இதில் படுகாயமடைந்த இருவரும் அருகிலுள்ள மருத்துவமனைக்கு கொண்டு செல்லப்பட்டனா். அங்கு சிகிச்சை பலனின்றி அவா்கள் உயிரிழந்தனா்.

இதைத் தொடா்ந்து, சம்பவ இடம் முழுவதும் பாதுகாப்புப் படையினரின் கட்டுப்பாட்டில் கொண்டு வரப்பட்டு, தேடுதல் வேட்டை நடத்தப்பட்டது. இதில், லஷ்கா் ஏ தொய்பா பயங்கரவாத இயக்கத்தைச் சோ்ந்த உள்ளூா் பயங்கரவாதி ஒருவா் கைது செய்யப்பட்டாா். அவரது பெயா் பஷீா் கானி. மற்றொரு சந்தேக நபரும் கைதாகியுள்ளாா். தாக்குதலில் தொடா்புடைய இதர லஷ்கா் பயங்கரவாதிகளை பிடிக்க பல்வேறு இடங்களில் தேடுதல் வேட்டை நடத்தப்பட்டு வருகிறது. அவா்கள் அனைவரும் ஒழித்துக்கட்டப்படுவா் என்றாா் விஜயகுமாா்.

‘உயிரிழந்த 2 தொழிலாளா்களும் கன்னோஜ் மாவட்டத்தின் தன்னா புா்வா கிராமத்தைச் சோ்ந்தவா்கள்; அவா்கள் இரு மாதங்களுக்கு முன்புதான் ஜம்மு-காஷ்மீருக்கு வேலைக்காகச் சென்றனா். இருவரின் உடல்களும் விமானம் மூலம் லக்னெளவுக்கு எடுத்து வரப்பட்டு, பின்னா் சொந்த கிராமங்களுக்கு கொண்டு செல்லப்படும்’ என்று அந்த மாவட்ட ஆட்சியா் சுப்ரந்த் குமாா் சுக்லா தெரிவித்தாா்.

பயங்கரவாத அச்சுறுத்தல் மிகுந்த சோபியான் மாவட்டத்தில் இரு தினங்களுக்கு முன்பு காஷ்மீா் பண்டிட் ஒருவா் பயங்கரவாதிகளால் சுட்டுக் கொல்லப்பட்டாா் என்பது குறிப்பிடத்தக்கது.

‘காட்டுமிராண்டித் தாக்குதல்’:

சோபியான் பயங்கரவாத தாக்குதலுக்கு கடும் கண்டனம் தெரிவித்து, துணைநிலை ஆளுநா் மனோஜ் சின்ஹா கூறியதாவது:

பயங்கரவாதிகளின் காட்டுமிராண்டித்தனமான தாக்குதலில் உயிரிழந்த மோனிஷ் குமாா், ராம்சாகா் ஆகியோரின் குடும்பத்தினருக்கு ஆழ்ந்த இரங்கல்கள். இத்தாக்குதலுக்கு கண்டனம் தெரிவிக்க வாா்த்தைகளே இல்லை. இருவரின் உடல்களையும் அரசு மரியாதையுடன் சொந்த ஊருக்கு அனுப்பிவைக்க ஏற்பாடு செய்யப்பட்டுள்ளது.

நாகரிகமுள்ள சமூகத்துக்கு சாபமாக பயங்கரவாதம் உள்ளது. பயங்கரவாத சக்திகளை வேரோடு அழிக்க அனைத்து சமூகத்தைச் சோ்ந்தவா்களும் ஒன்றிணைய வேண்டும். பயங்கரவாதிகளின் கொடூர செயல்களுக்கு ஒருமித்த குரலில் கண்டனம் தெரிவிக்க வேண்டும்.

ஜம்மு-காஷ்மீரில் பயங்கரவாதிகளையும் அவா்களது ஆதரவாளா்களையும் ஒடுக்க பாதுகாப்புப் படையினருக்கு முழு சுதந்திரம் அளிக்கப்பட்டுள்ளது என்றாா் சின்ஹா.

அரசியல் கட்சிகள் கண்டனம்:

தேசிய மாநாட்டுக் கட்சி ட்விட்டரில் வெளியிட்ட பதிவில், ‘ஹா்மென் பகுதியில் நடத்தப்பட்ட கோழைத்தனமான, கொடூரமான தாக்குதலுக்கு கடும் கண்டனம் தெரிவிக்கிறோம். உயிரிழந்த இரு தொழிலாளா்களின் குடும்பங்களுக்கும் ஆழ்ந்த இரங்கல்கள்’ என்று குறிப்பிடப்பட்டுள்ளது.

மக்கள் ஜனநாக கட்சித் தலைவா் மெஹபூபா முஃப்தி கூறுகையில், ‘தாக்குதலில் 2 தொழிலாளா்கள் கொல்லப்பட்டது வேதனையளிக்கிறது. ஜம்மு-காஷ்மீரில் வாழும் யாருக்கும் பாதுகாப்போ கண்ணியமோ இல்லை என்பதையே இது வெளிக்காட்டுகிறது. இத்தகைய சூழல் நிலவுவதை மத்திய அரசு ஒப்புக் கொண்டால் மட்டுமே பிரச்னைகளுக்கு தீா்வு காண முடியும்’ என்றாா்.

அப்னி கட்சி தலைவா் அல்தாஃப் புகாரி கூறுகையில், ‘இந்த இழிவான வன்முறை செயலுக்கு கடும் கண்டனம் தெரிவிக்கிறேன். தாக்குதலில் ஈடுபட்டவா்கள் நீதியின் முன் நிறுத்தப்பட வேண்டும்’ என்றாா்.

இதனிடையே, வெளிமாநில தொழிலாளா்கள் கொல்லப்பட்ட சம்பவத்துக்கு கண்டனம் தெரிவித்து, ஜம்மு உள்ளிட்ட இடங்களில் அரசியல் கட்சிகள் மற்றும் அமைப்புகள் சாா்பில் போராட்டங்கள் நடைபெற்றன.