புது தில்லி: குருணை அரிசி ஏற்றுமதிக்கான முதற்கட்ட தடை உத்தரவு அமலுக்கு வருவதற்கு முன்பு, சில நிபந்தனைகளுடன் குருணை அரிசி ஏற்றுமதிக்கு செப்டம்பர் 30 ஆம் தேதி வரை அனுமதி அளிக்கப்பட்டுள்ளது
குருணை அரிசி ஏற்றுமதிக்கு தடை விதிக்கப்பட்ட அதே நாளில் உணவு மற்றும் பொது விநியோகத் துறையின் செயலாளர் சுதன்ஷு பாண்டே செய்தியாளர்களிடம் கூறியதாவது: ஏற்றுமதியில் அசாதாரண உயர்வு மற்றும் உள்நாட்டுச் சந்தையில் குருணை அரிசி குறைந்ததால், அதன் வர்த்தகத்திற்கு தடை விதிக்க மத்திய அரசு தள்ளப்பட்டது.
ஒரு கிலோ குருணை அரிசி ரூ. 15 முதல் 16 ஆக இருந்த நிலையில் அதன் விலை திடீரென ரூ.22 ஆக அதிகரித்து, அதன் ஒட்டுமொத்த ஏற்றுமதி 3 மடங்கு உயர்ந்துள்ளது என்றார் பாண்டே. இதனால், கோழித் தீவனத்துக்கோ, எத்தனால் உற்பத்திக்கோ உடைந்த அரிசி கிடைக்காமல் போனது.
கோழி வளர்ப்புத் துறையில் குருணை அரிசி தீவனமாகப் பயன்படுத்தப்படுகிறது.
“கோழி வளர்ப்புத் துறைக்கான உள்ளீடு செலவில் குருணை அரசி தீவனத்தின் பங்களிப்பு சுமார் 60 சதவீதம் ஆகும். எனவே விலை உயர்வால் பாதிப்புக்கு தள்ளப்படும் நிலை ஏற்பட்டுள்ளது,” என்றார் பாண்டே.
இந்த காரிஃப் பருவத்தில் நெல் சாகுபடி பரப்பளவு முந்தைய பருவத்தை விட 5 - 6 சதவீதம் குறைவாக உள்ளது. காரீஃப் பயிர்கள் பெரும்பாலும் பருவமழை காலமான ஜூன் மற்றும் ஜூலை மாதங்களில் விதைக்கப்படுகின்றன, மேலும் அக்டோபர் மற்றும் நவம்பர் மாதங்களில் விளைச்சல் அறுவடை செய்யப்படுகிறது.
ஜூன் மாதத்தில் பருவமழை மெதுவான முன்னேற்றம் மற்றும் நாட்டில் வளர்ந்து வரும் சில முக்கிய பகுதிகளில் ஜூலை மாதத்தில் அதன் சீரற்ற பரவல் ஆகியவை விதைக்கப்பட்ட பகுதியின் வீழ்ச்சிக்கு முதன்மையான காரணமாக இருக்கலாம். இதனால் நாட்டில் காரீஃப் பருவத்தில் அரிசி உற்பத்தி, மோசமான சூழ்நிலையில், 10-12 மில்லியன் டன்கள் குறையும் வாய்ப்புள்ளது என்று செயலாளர் பாண்டே கூறினார்.
இதனால் குருணை அரிசி ஏற்றுமதி மீதான தடை முக்கியத்துவம் பெறுகிறது. இது பயிர் வாய்ப்புகள் மற்றும் முன்னோக்கி செல்லும் விலைகள் இரண்டிலும் தாக்கத்தை ஏற்படுத்தும்.
அதேவேளையில், வழக்கத்துக்கு மாறாக அதிக அளவில் குருணை அரிசி ஏற்றுமதி செய்யப்பட்டதால், உள்நாட்டில் அதன் மொத்த மற்றும் சில்லறை விற்பனை விலை அதிகரித்தது. இதனைக் கருத்தில்கொண்டு அந்த அரிசி ஏற்றுமதிக்கு செப். 9 முதல் மத்திய அரசு தடை விதித்தது. மேலும், புழுங்கல் அரிசியைத் தவிர பாசுமதி அல்லாத இதர அரிசி வகைகளுக்கு 20 சதவீத ஏற்றுமதி வரி மத்திய அரசு விதித்தது. ஏற்றுமதி வரி செப்டம்பர் 9 முதல் அமலுக்கு வந்தது.
குருணை அரிசி ஏற்றுமதிக்குத் தடை, புழுங்கல் அரிசியைத் தவிர பாசுமதி அல்லாத இதர அரிசி வகைகளின் ஏற்றுமதிக்கு விதிக்கப்பட்டுள்ள வரி ஆகியவை உள்நாட்டில் அவற்றின் விலை உயா்வைக் கட்டுப்படுத்தும். அவற்றின் விநியோகத்தையும் ஊக்குவிக்கும் என்று தெரிவிக்கப்பட்டது.
முன்னதாக, குருணை அரிசி ஏற்றுமதிக்கு செப்டம்பர் 15 ஆம் தேதி வரை அனுமதி அளிக்கப்பட்டிருந்த நிலையில், கடந்த 8 ஆம் தேதி வர்த்தக இயக்குநரகம் (டிஜிஎஃப்டி) வெளியிட்ட அறிவிப்பின் படி, குருணை அரிசிக்கான ஏற்றுமதிக் கொள்கை "இலவசம்" என்பதில் இருந்து "தடைசெய்யப்பட்டது" என்று திருத்தப்பட்டு செப்டம்பர் 9 ஆம் தேதி உடனடியாக தடை விதிக்கப்பட்டது. பொருள்களின் ஏற்றுமதி கொள்கை "இலவசம்" என்பதிலிருந்து "தடைசெய்யப்பட்டது" என்று திருத்தப்பட்டது என அறிவிக்கப்பட்டது.
இந்நிலையில், குருணை அரிசி ஏற்றுமதிக்கான முதற்கட்ட தடை உத்தரவு அமலுக்கு வருவதற்கு முன்பு, சில நிபந்தனைகளுடன் குருணை அரிசி ஏற்றுமதிக்கு செப்டம்பர் 30 ஆம் தேதி வரை அனுமதி அளிக்கப்பட்டுள்ளது
அதாவது, குருணை அரிசி ஏற்றுமதிக்கான முதற்கட்ட தடை உத்தரவு அமலுக்கு வருவதற்கு முன்பு, இந்திய துறைமுகங்களில் ஏற்றுமதி செய்யப்பட்டு கப்பல்களில் ஏற்கனவே நிறுத்தி நிறுத்தப்பட்டிருந்தாலோ அல்லது நங்கூரமிட்டிருந்தாலோ, அவற்றின் சுழற்சி எண் ஒதுக்கப்பட்டு, குருணை அரிசி சரக்குகள் சுங்கத்துறையிடம் ஒப்படைக்கப்பட்டு, அவற்றின் அமைப்பில் பதிவு செய்யப்பட்டுடிருந்தாலோ அவை செப்.30 வரை ஏற்றுமதி அனுமதிக்கப்படும் என்று வெளிநாட்டு வர்த்தக இயக்குநரகத்தின் புதிய அறிவிப்பில் தெரிவிக்கப்பட்டுள்ளது.