இந்திய கிரிக்கெட் கட்டுப்பாட்டு வாரியம் (பிசிசிஐ) 2021-22 நிதியாண்டில் ரூ.1,159 கோடி வருமான வரி செலுத்தியுள்ளது. முந்தைய நிதியாண்டுடன் ஒப்பிடும்போது இது 37 சதவீதம் அதிகமாகும்.
இது தொடா்பான கேள்விக்கு நிதித்துறை இணையமைச்சா் பங்கஜ் சௌதரி எழுத்து மூலம் அளித்த பதிலில் கூறியிருப்பதாவது:
பிசிசிஐ 2021-22 நிதியாண்டில் ரூ.1,159 கோடியை வருமான வரியாக செலுத்தியுள்ளது. இது முந்தைய ஆண்டைவிட 37 சதவீதம் அதிகமாகும். 2021-22-இல் பிசிசிஐ ரூ.7,606 கோடி வருவாய் ஈட்டியுள்ளது. செலவுகள் ரூ.3,064 கோடியாக இருந்துள்ளது. இதுவே அதற்கு முந்தைய ஆண்டு வரவுகள் ரூ.4,735 கோடியாகவும், செலவுகள் ரூ.3,080 கோடியாகவும் இருந்துள்ளன.
2020-21-இல் ரூ.844.92 கோடி, 2019-20-இல் ரூ.882.29 கோடி, 2018-19-இல் ரூ.815.08 கோடி, 2017-18-இல் ரூ.596.63 கோடியை பிசிசிஐ வருமான வரியாக செலுத்தியுள்ளது என்று தெரிவிக்கப்பட்டுள்ளது.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.