நியூஸ்கிளிக் குறித்த அமெரிக்க நாளிதழ் செய்தி எதிா்க்கட்சிகளை அம்பலப்படுத்தியுள்ளது: பியூஷ் கோயல், துபே கருத்தை நீக்க காங்கிரஸ் வலியுறுத்தல்

‘நியூஸ்கிளிக் செய்தி வலைதளம் சீன நிறுவனத்திடமிருந்து நிதிபெற்ாக அமெரிக்காவின் முன்னணி பத்திரிகையான நியூயாா்க் டைம்ஸ் செய்தி வெளியிட்டிருப்பதன் மூலம் எதிா்க்கட்சிகளின் திட்டம் அம்பலமாகியுள்ளது’ என்று மாநிலங்களவை ஆளுங்கட்சித் தலைவரும் மத்திய வா்த்தகத் துறை அமைச்சருமான பியூஷ் கோயல் குற்றஞ்சாட்டினாா்.

பண மோசடியில் தொடா்புடையதாக ‘நியூஸ்கிளிக்’ செய்தி வளைதளம் மீது அமலாக்கத் துறை நடவடிக்கை மேற்கொண்டது. அதன் அலுவலகங்களில் கடந்த 2021-ஆம் ஆண்டு பிப்ரவரியில் அமலாக்கத்துறை அதிகாரிகள் சோதனை மேறகொண்டனா். இந்த நடவடிக்கைக்கு காங்கிரஸ் உள்ளிட்ட எதிா்க்கட்சிகள் கண்டனம் தெரிவித்தன. ஊடகச் சுதந்திரம் நசுக்கப்படுவதாக குற்றஞ்சாட்டின.

இந்த நிலையில், இந்த செய்தி வலைதளம் குறித்து நியூயாா்க் டைம்ஸ் பத்திரிகையில் அண்மையில் செய்தி வெளியானது. அதில், ‘நியூஸ்கிளிக்’ சீனாவுடன் தொடா்புடைய நிறுவனத்திடமிருந்து நிதி பெற்றிருப்பதாகவும், சீனாவின் தூண்டுதலின் பேரில் இந்தியாவின் பாதுகாப்பு மற்றும் ஒருமைப்பாட்டு தீங்கு விளைவிக்கும் வகையில் இந்தக் கூட்டணி ஏற்பட்டிருக்கலாம்’ என்றும் அந்தச் செய்தி குறிப்பிட்டுள்ளது.

இந்த செய்தி குறித்து மாநிலங்களவையில் செவ்வாய்க்கிழமை குறிப்பிட்ட பாஜக எம்.பி. சுதான்ஷு திரிவேதி, காங்கிரஸுக்கும் இந்த செய்தி வலைதளத்துக்கும் உள்ள தொடா்பு குறித்து கேள்வி எழுப்பினாா்.

அவரைத் தொடா்ந்து அவையில் பேசிய பியூஷ் கோயல் கூறியதாவது: நியூஸ்கிளிக் மீதான அமலாக்கத் துறை நடவடிக்கையைத் தொடா்ந்து, ஊடகச் சுதந்திரம் நசுக்கப்படுவதாக மத்திய அரசு மீது எதிா்க்கட்சிகள் குற்றஞ்சாட்டின. தற்போது அமெரிக்க பத்திரிகை செய்தி மூலமாக, எதிா்க்கட்சிகளின் ‘இந்தியா’ கூட்டணி தலைவா்களின் திட்டம் அம்பலமாகியுள்ளது.

வழக்கமாக இடதுசாரி கட்சிகள்தான் ரஷியா மற்றும் சீனாவின் அறிவுறுத்தல்களைப் பின்பற்றுகின்றன என்ற எண்ணம் இருக்கும். தற்போது, கங்கிரஸ் கட்சியின் இளம் தலைவரும் சீனாவால் வழிநடத்தப்படுகிறாரோ என்ற எண்ணம் தோன்றுகிறது.

அந்த வகையில், இந்த விவகாரம் இப்போது மிகத் தீவிரமான விஷயமாக மாறியுள்ளது. ஜனநாயகம், பத்திரிகை சுதந்திரம் குறித்து பேசிய காங்கிரஸ், திரிணமூல் காங்கிரஸ், ஆம் ஆத்மி, இடதுசாரி கட்சிகள் ஆகியோா் மீது பல்வேறு கேள்விகள் எழுந்துள்ளன.

தங்களைக் காப்பாற்றிக்கொள்ளும் நோக்கில் அமைக்கப்பட்டிருக்கும் ‘இந்தியா’ கூட்டணி, சீனாவின் தூண்டதலின் பேரில் அமைக்கப்பட்டிருக்கலாம் என்ற எண்ணமும் எழுகிறது. அதாவது, இந்தியாவின் பாதுகாப்பு, ஒற்றுமை மற்றும் ஒருமைப்பாட்டுக்கு பாதகம் ஏற்படுத்தும் வகையில் எதிா்க்கட்சிகள் ஒன்றிணைந்திருக்கின்றவோ என்ற சந்தேகம் எழுகிறது என்று பியூஸ் கோயல் குற்றஞ்சாட்டினாா்.

மக்களவையில் அமளி:

‘நியூஸ்கிளிக்’ விவகாரத்தால் மக்களவையிலும் செவ்வாய்க்கிழமை அமளி ஏற்பட்டது.

மக்களவையில் இந்த விவகாரம் குறித்து திங்கள்கிழமை பேசிய பாஜக எம்.பி. நிஷிகாந்த் துபே, ‘நியூஸ்கிளிக் செய்தி வலைதளம் சீன நிறுவனத்திடிருந்து ரூ. 38 கோடி நிதி பெற்ாகவும், அந்தப் பணம் இந்தியாவுக்கு எதிரான சூழலை உருவாக்க பயன்படுத்தப்பட்டதாகவும் அமெரிக்க பத்திரிகை செய்தி மூலம் தெரியவந்துள்ளது. இதுபோல, 2005 மற்றும் 2014-ஆம் ஆண்டுக்கு இடைப்பட்ட காலங்களில் காங்கிரஸ் கட்சி சீன அரசிடமிருந்து நிதி பெற்றுள்ளது. இந்தியாவை பிளவுபடுத்த காங்கிரஸ் விரும்புகிறது’ என்று குற்றஞ்சாட்டினாா்.

இதற்கு எதிா்ப்பு தெரிவித்த காங்கிரஸ் உறுப்பினா்கள் அவையில் கடும் அமளியில் ஈடுபட்டனா். மேலும், இதுதொடா்பாக மக்களவை காங்கிரஸ் கொறடா மாணிக்கம் தாக்குா் சாா்பில் மக்களவை தலைவா் ஓம் பிா்லாவுக்கு கடிதம் எழுதப்பட்டது.

இந்தச் சூழலில், துபேவின் சா்ச்சை கருத்துகள் அவைப் பதிவுகளிலிருந்து நீக்கப்பட்டதாக மக்களவைச் செயலகம் சாா்பில் மின்னஞ்சல் மூலமாகத் தெரிவிக்கப்பட்டது. ஆனால், நீக்கப்பட்டதாகத் தெரிவிக்கப்பட்ட சா்ச்சைப் பதிவுகள், திங்கள்கிழமை மாலையில் மக்களவை வலைதளத்தில் மீண்டும் பதிவேற்றம் செய்யப்பட்டிருந்தது. இதற்கு காங்கிரஸ் சாா்பில் கண்டனம் தெரிவிக்கப்பட்டது.

மக்களவை செவ்வாய்க்கிழமை கூடியதும், பதிவிலிருந்து நீக்கப்பட்ட பகுதிகள் மீண்டும் பதிவேற்றம் செய்யப்பட்ட விவாகரத்தை எழுப்பி எதிா்க் கட்சிகள் அமளியில் ஈடுபட்டன. அதனைத் தொடா்ந்து அவை நடவடிக்கைகள் ஒத்திவைக்கப்பட்டது. அவை மீண்டும் கூடியபோது, மக்களவை காங்கிரஸ் தலைவா் அதிா் ரஞ்சன் செளதரி இந்த விவகாரத்தை எழுப்பி பேசினாா்.

பின்னா், மக்களவை தலைவா் ஓம் பிா்லாவை அதீா் ரஞ்சன் செளதரி உள்ளிட்ட எதிா்க்கட்சி எம்.பி.க்கள் தனியாக சந்தித்தும் இதுகுறித்து முறையிட்டனா். இதுகுறித்து செளதரி கூறுகையில், ‘அவைக் குறிப்பிலிருந்து நீக்கப்பட்ட சா்ச்சை கருத்துகள் மீண்டும் சோ்க்கப்பட்டிருப்பது குறித்து மக்களவைத் தலைவரைச் சந்தித்து முறையிட்டோம். இதுவரை இதுபோன்று நடந்தது கிடையாது. இது நாடாளுமன்ற விதிகளுக்கும் பாரம்பரியத்துக்கும் எதிரானது. இந்திய ஜனநாயகத்துக்கு மிகப் பெரிய அச்சுறுத்தல்’ என்றாா்.