மேற்கு வங்கம் மீது மத்திய அரசு ‘பொருளாதாரத் தடை’மக்களவையில் திரிணமூல் காங்கிரஸ் குற்றச்சாட்டு: மத்திய அமைச்சா் பதிலடி

தேசிய ஊரக வேலை உறுதித் திட்டம் உள்பட பல்வேறு மத்திய திட்டங்களின்கீழ் வழங்க வேண்டிய நிதியைத் தடுத்து வைத்துள்ளதன் மூலம் மேற்கு வங்கத்தின் மீது மத்திய அரசு ‘பொருளாதாரத் தடை’ விதித்துள்ளது என்று மக்களவையில் திரிணமூல் காங்கிரஸ் குற்றம்சாட்டியது.

ஆனால், அக்குற்றச்சாட்டை நிராகரித்த மத்திய அமைச்சா் தா்மேந்திர பிரதான், ஏழை மக்களுக்கான நிதியில் மேற்கு வங்க அரசு கையாடல் செய்வதாக சாடினாா்.

நாடாளுமன்ற குளிா்கால கூட்டத்தொடா் திங்கள்கிழமை தொடங்கிய நிலையில், மக்களவையில் உடனடி கேள்வி நேரத்தின்போது, திரிணமூல் காங்கிரஸ் மூத்த தலைவா் சுதீப் பந்தோபாத்யாய் மேற்கண்ட விவகாரத்தை எழுப்பினாா்.

அவா் பேசுகையில், ‘மகாத்மா காந்தி தேசிய ஊரக வேலை உறுதித் திட்டம், பிரதமரின் வீட்டு வசதி திட்டம், தேசிய சுகாதார இயக்கம் உள்ளிட்ட பல்வேறு மத்திய திட்டங்களின்கீழ் மேற்கு வங்கத்துக்கு மத்திய அரசு சுமாா் ரூ.18,000 கோடி நிலுவை வைத்துள்ளது. மேற்கு வங்கத்துக்கான நிதியைத் தடுத்து வைத்திருப்பதன் மூலம் மாநிலத்தின் மீது பொருளாதாரத் தடையை மத்திய அரசு விதித்துள்ளது.

இந்த விவகாரம் தொடா்பாக மத்திய ஊரக மேம்பாட்டுத் துறை இணையமைச்சா் நிரஞ்சன் ஜோதியை சந்திக்க திரிணமூல் காங்கிரஸ் எம்.பி.க்களும் மாநில அமைச்சா்களும் தில்லிக்கு அண்மையில் வந்தோம். 2 மணி நேரத்துக்கும் மேலாக காத்திருந்தபோதும், அமைச்சா் எங்களைச் சந்திக்காமல் சென்றுவிட்டாா். அதன் பின்னா், அமைச்சக வளாகத்தில் இருந்து வலுக்கட்டாயமாக நாங்கள் வெளியேற்றப்பட்டோம்.

மத்திய திட்டங்களின்கீழ் மேற்கு வங்கத்துக்கு நிலுவை வைக்கப்பட்டுள்ள நிதியை உடனடியாக வழங்க வேண்டும். எங்கள் கோரிக்கையை பிரதமரிடமும் முன்வைக்க விரும்புகிறோம். மேற்கு வங்கம் மீதான பொருளாதாரத் தடையை அனுமதிக்கக் கூடாது. இது தொடா்பாக அவையில் விவாதிக்க வேண்டும்‘ என்று வலியுறுத்தினாா்.

இதைத் தொடா்ந்து பேசிய மத்திய அமைச்சா் தா்மேந்திர பிரதான், திரிணமூல் காங்கிரஸின் குற்றச்சாட்டுகளை நிராகரித்தாா்.

அவா் பேசுகையில், மேற்கு வங்கத்தில் பிரதமரின் மதிய சத்துணவுத் திட்ட நிதியில் ரூ.4,000 கோடி அளவுக்கு கையாடல் செய்யப்பட்டுள்ளது. மேற்கு வங்க அரசின் ஓா் அங்கமாக ஊழல் மாறியுள்ளது. அந்த மாநில ஏழை மக்களுக்காக மத்திய அரசு வழங்கும் நிதியை ஆளும்கட்சியினா் கொள்ளையடிக்கின்றனா்.

இது தொடா்பாக சிபிஐ விசாரணைக்கு மத்திய அரசு உத்தரவிட்டுள்ளது. இதில் அனைத்து விஷயங்களும் வெளிவரும். திரிணமூல் காங்கிரஸ் அரசில் பாதி அமைச்சா்கள் சிறையில்தான் உள்ளனா். அக்கட்சி மேலிடத் தலைவா்களும் சிறை செல்லும் அச்சத்தில் உள்ளனா்.

மேற்கு வங்கம் தவிர நாட்டிலுள்ள அனைத்து மாநிலங்களும் நிதி ரீதியில் உரிய அமைப்புமுறைக்குள் உள்ளன. ஆனால், அந்த அமைப்புமுறையைவிட தாங்கள் மேலானவா்கள் என மேற்கு வங்க அரசு எண்ணுகிறது என்றாா்.