புவனேஷ்வர்: புரி ஜெகந்நாதர் கோயிலில் ஒடிசா அரசின் பாரம்பரிய வழித்தடத் திட்டத்திற்கான தொடக்கவிழா ஜன.17-ல் நடைபெறவுள்ளது.
முதல்வர் நவீன் பட்நாயக்கின் நெருங்கிய உதவியாளர் வி.கே.பாண்டியன் சனிக்கிழமை அந்தக் கோயிலில் நடைபெறும் வேலைகள் மற்றும் பாதுகாப்பு ஏற்பாடுகள் குறித்து ஆய்வு செய்துள்ளார்.
5டி- மாற்றத்திற்கான முன்னெடுப்பு மற்றும் நபின் (புதிய) ஒடிசா திட்டங்களின் தலைவரான வி.கே.பாண்டியன், புராதன கோயிலில் மேற்கொள்ளப்பட்டு வரும் பணிகள் குறித்து ஆய்வு செய்ய வருகை புரிந்தபோது காங்கிரஸ் கட்சியினர் எதிர்ப்பு தெரிவித்து கருப்பு கொடிக் காட்டிப் போராட்டத்தில் ஈடுபட்டுள்ளனர்.
இதையும் படிக்க: புத்தாண்டு கொண்டாட்டம்: நெரிசலைத் தவிர்க்க மெட்ரோ அறிவிப்பு!
பழமையான கோயிலில் தரை மட்டுப்படுத்தும் பணிகள், புனரமைப்பு பணிகள் மற்றும் விழாவுக்கான ஏற்பாடுகள், பார்க்கிங் இடங்களுக்கான அமைப்பு, கழிவு மேலாண்மை, ஓவிய புனரமைப்பு உள்ளிட்டவற்றை பார்வையிட்ட வி.கே.பாண்டியன் விரைவில் முடிக்க வலியுறுத்தியதாக முதல்வர் அலுவலகம் தெரிவித்துள்ளது.