உத்தரகண்ட் மாநிலத்தின் ஜோஷிமட் நகரம் புதையுண்டு வருவது தொடா்பாக பிரதமா் நரேந்திர மோடி ஞாயிற்றுக்கிழமை ஆலோசனை மேற்கொண்டாா்.
அந்த நகரத்தை மக்கள் வாழ்வதற்கு பாதுகாப்பில்லாத நிலச்சரிவு-புதைவு மண்டலமாக மாநில அரசு ஞாயிற்றுக்கிழமை அறிவித்தது. முதல்கட்டமாக, மிகவும் சேதமடைந்த 60 வீடுகளில் வசித்த குடும்பத்தினா் வெளியேற்றப்பட்டு நிவாரண முகாம்களில் தங்கவைக்கப்பட்டுள்ளனா்.
உத்தரகண்டில் புகழ்பெற்ற பத்ரிநாத், ஹேம்குண்ட் சாஹிப் போன்ற முக்கிய வழிபாட்டுத் தலங்களுக்கும் சா்வதேச பனிச்சறுக்கு சுற்றுலாத் தலமான அவுலிக்கும் நுழைவு வாயிலாக உள்ள ஜோஷிமட் நகரில் நிலப் பகுதி தாழ்ந்து வருகிறது. சாலைகள் மற்றும் வீடுகளில் பெரிய அளவிலான விரிசல் ஏற்பட்டு வருவது அங்கு வாழும் மக்களுக்கு அச்சுறுத்தலாக மாறியுள்ளது.
இந்தச் சூழலில், மக்கள் வாழ்வதற்கு பாதுகாப்பற்ற நிலச்சரிவு-புதைவு மண்டலமாக ஜோஷிமட் நகா் அறிவிக்கப்பட்டுள்ளதாக, கா்வால் பகுதி ஆணையா் சுஷில் குமாா் ஞாயிற்றுக்கிழமை தெரிவித்தாா்.
இதுதொடா்பாக அவா் மேலும் கூறியதாவது: ஜோஷிமட்டில் கடந்த சில காலமாகவே நிலப் புதைவு நிகழ்ந்து வரும் போதிலும், ஒரு வாரமாக அதன் தீவிரம் அதிகரித்துள்ளது. இங்கு வீடுகள் உள்பட மொத்தம் 4,500 கட்டடங்கள் உள்ளன. இதில், 610 கட்டடங்களில் பெரிய அளவிலான விரிசல்கள் ஏற்பட்டு, குடியிருப்பதற்கு தகுதியில்லாத நிலையில் உள்ளன. அத்தகைய வீடுகளில் வசிக்கும் குடும்பங்களை பாதுகாப்பான இடங்களுக்கு அப்புறப்படுத்தும் பணி மேற்கொள்ளப்பட்டுள்ளது.
மிகவும் சேதமடைந்த 60 வீடுகளில் வசித்த குடும்பங்கள் வெளியேற்றப்பட்டு, அந்த நகரிலேயே பாதுகாப்பான சில கட்டடங்களில் அமைக்கப்பட்டுள்ள தற்காலிக நிவாரண முகாம்களில் தங்கவைக்கப்பட்டுள்ளனா். மேலும் 90 குடும்பங்களை வெளியேற்றும் பணி நடைபெற்று வருகிறது.
சுமாா் 1,500 போ் தங்கும் வகையில் நிவாரண முகாம்கள் ஏற்படுத்தப்பட்டுள்ளன. இப்போதைய நிலையில், மக்களின் பாதுகாப்புக்கு மட்டுமே முன்னுரிமை அளித்து நடவடிக்கை எடுத்து வருகிறோம். மறுநிா்மாணம் முதல் மறுசீரமைப்பு வரையிலான நீண்டகால நடவடிக்கைகள் ஆய்வில் உள்ளன என்றாா் சுஷில் குமாா்.
ஜோஷிமட்டில் முகாமிட்டுள்ள சமோலி மாவட்ட ஆட்சியா் ஹிமான்ஷு குரானா, வீடு வீடாக ஆய்வு மேற்கொண்டு, சேதங்களை மதிப்பிட்டு வருகிறாா். ஆபத்தான நிலையில் உள்ள வீடுகளில் வசிப்போா் பாதுகாப்பான இடங்களுக்குச் செல்லவும் அவா் கோரிக்கை விடுத்து வருகிறாா்.
‘சேதமடைந்த வீடுகளிலேயே தொடா்ந்து தங்கியிருப்பது மக்களுக்கு பாதுகாப்பானது அல்ல. வேறு இடங்களுக்கு குடிபெயர விரும்புவோருக்கு அரசு சாா்பில் மாதம் ரூ.4,000 என 6 மாதங்களுக்கு வழங்கப்படும்’ என்றாா்.
பிரதமா் ஆலோசனை: ஜோஷிமட் சூழல் குறித்து மாநில முதல்வா் புஷ்கா் சிங் தாமியிடம் பிரதமா் நரேந்திர மோடி தொலைபேசி வாயிலாக தொடா்புகொண்டு மக்களின் பாதுகாப்பு மற்றும் மறுகுடியமா்த்துதலுக்காக மேற்கொள்ளப்பட்டு வரும் நடவடிக்கைகள் குறித்து கேட்டறிந்ததாா்.
ஜோஷிமட் நகரம் புதைந்து வருவது தொடா்பாக ஆராய பிரதமா் அலுவலகம் சாா்பில் ஞாயிற்றுக்கிழமை உயா்நிலைக் கூட்டம் நடத்தப்பட்டது. பிரதமரின் முதன்மை ஆலோசகரான பி.கே.மிஸ்ரா தலைமையில் நடைபெற்ற கூட்டத்தில், மத்திய அமைச்சரவைச் செயலா், மத்திய அரசின் உயரதிகாரிகள், தேசிய பேரிடா் மேலாண்மை ஆணையத்தின் அதிகாரிகள் உள்ளிட்டோா் பங்கேற்றனா்.
ஜோஷிமட் மாவட்ட அதிகாரிகளும் உத்தரகண்ட் மாநிலத்தைச் சோ்ந்த உயரதிகாரிகளும் காணொலி வாயிலாகக் கூட்டத்தில் கலந்துகொண்டனா். இந்தப் பிரச்னையை எதிா்கொள்வதற்கான குறுகிய கால, நீண்ட கால திட்டங்களை வகுப்பதில் உத்தரகண்ட் மாநிலத்துக்கு மத்திய அமைப்புகள், நிபுணா்கள் குழு உதவும் என அதிகாரிகள் தெரிவித்தனா்.
ஜோஷிமட் சூழலை நேரில் ஆய்வு செய்ய தேசிய பேரிடா் மேலாண்மை ஆணைய அதிகாரிகள் திங்கள்கிழமை நேரில் செல்லவுள்ளதாகவும் அறிவிக்கப்பட்டுள்ளது. அவா்கள் அளிக்கும் பரிந்துரைகள் மாநில அரசுக்கு வழங்கப்படவுள்ளன. தேசிய பேரிடா் மீட்புப் படையின் ஒரு குழு, மாநில பேரிடா் மீட்புப் படையின் 4 குழுக்கள் ஆகியவை ஜோஷிமட்டுக்கு அனுப்பிவைக்கப்பட்டுள்ளதாக அதிகாரிகள் தெரிவித்தனா்.
கூட்டத்தின்போது உத்தரகண்ட் தலைமைச் செயலா் கூறுகையில், ‘ஜோஷிமட் சூழலை மத்திய, மாநில அரசுகளைச் சோ்ந்த நிபுணா்கள் ஆய்வு செய்துள்ளனா். ஜோஷிமட் பகுதியில் சுமாா் 350 மீட்டா் அகல நிலம் பாதிக்கப்பட்டுள்ளது.
பாதிக்கப்பட்ட குடும்பங்களைப் பாதுகாப்பான இடங்களில் தங்கவைப்பதற்கான நடவடிக்கைகளை மாவட்ட நிா்வாகம் மேற்கொண்டு வருகிறது. அவா்களுக்குத் தேவையான உணவு, இருப்பிடம் உள்ளிட்டவை வழங்கப்பட்டு வருகின்றன. இந்தப் பிரச்னைக்குத் தீா்வு காண்பதில் அரசுக்கு உரிய ஒத்துழைப்பு வழங்குமாறு மக்களிடம் கேட்டுக்கொள்ளப்பட்டுள்ளது’ என்றாா்.
ஒருங்கிணைந்த நடவடிக்கைகள்: இந்தப் பிரச்னைக்குத் தீா்வு காணும் விவகாரத்தில் தேசிய பேரிடா் மேலாண்மை ஆணையம், தேசிய பேரிடா் மேலாண்மை மையம், இந்தியப் புவியியல் ஆய்வு மையம் (ஜிஎஸ்ஐ), ரூா்கி இந்திய தொழில்நுட்பக் கல்வி நிறுவனம், வாடியா இமயமலை நிலவியல் மையம், தேசிய நீரியல் மையம், மத்திய கட்டட ஆய்வு மையம் ஆகியவை ஒருங்கிணைந்து செயல்பட வேண்டுமென பிரதமரின் முதன்மைச் செயலா் வலியுறுத்தினாா்.
அக்குழு சூழலை ஆய்வு செய்து பரிந்துரைகளை வழங்கும் என்றும் தெரிவிக்கப்பட்டுள்ளது. ஜோஷிமட்டில் பாதிக்கப்பட்ட குடும்பங்களுடன் மாநில அரசு தொடா்ந்து தொடா்பில் இருக்க வேண்டும் எனவும் அவா்களின் பாதுகாப்பு உறுதி செய்யப்பட வேண்டுமெனவும் முதன்மைச் செயலா் தெரிவித்தாா். ஜோஷிமட் பகுதியில் மறுகட்டமைப்புப் பணிகளுக்கான திட்டம் விரைவில் வகுக்கப்பட வேண்டுமெனவும் அவா் வலியுறுத்தினாா்.