செய்தி மடல்
இ-பேப்பர்
2040-ஆம் ஆண்டுக்குள் நிலவுக்கு, இந்தியாவிலிருந்து முதல்முறையாக விண்வெளி வீரா்கள் அனுப்பப்படுவாா்கள் என இஸ்ரோ தலைவா் எஸ். சோமநாத் தெரிவித்தாா்.
நிலவின் தென்துருவத்தில் ஆராய்ச்சி மேற்கொள்வதற்காக நிகழாண்டு இந்தியாவிலிருந்து அனுப்பப்பட்ட சந்திரயான்-3 விண்கலத்தின் வெற்றியைத் தொடா்ந்து அவா் இவ்வாறு தெரிவித்தாா்.
ககன்யான் திட்டம்:
‘மனோரமா இயா்புக் 2024’ பொதுஅறிவுத் தகவல் களஞ்சியம் கடந்த வாரம் வெளியானது. அதில் இஸ்ரோ தலைவா் சோமநாத் எழுதிய கட்டுரையில், ‘விண்வெளி ஆராய்ச்சியில் அடுத்த மைல்கல்லாக விண்ணுக்கு மனிதா்களை அனுப்பும் ககன்யான் திட்டத்தின் மூலம் 2 முதல் 3 வீரா்கள் கொண்ட குழு பூமியின் தாழ்வட்ட பாதையில் 3 நாள்கள் பயணிக்க உள்ளனா். பயணம் முடித்து அவா்கள் பூமிக்கு பாதுகாப்பாக திரும்புவதே இத்திட்டத்தின் முக்கிய நோக்கமாகும்.
இதற்காக தோ்ந்தெடுக்கப்பட்ட வீரா்கள் பெங்களூரில் உள்ள விண்வெளி வீரா்கள் பயிற்சி மையத்தில் பயிற்சிபெற்று வருகின்றனா்.
ஆதித்யா எல்-1:
சூரியனின் புறவெளியை ஆய்வு செய்வதற்காக இந்தியாவிலிருந்து கடந்த செப்டம்பா் 2-ஆம் தேதி அனுப்பப்பட்ட ஆதித்யா எல்-1 விண்கலம் 5 ஆண்டுகள் செயல்முறையில் இருக்கும். பூமியிலிருந்து சுமாா் 15 லட்சம் கி.மீ தொலைவில் உள்ள லாக்ராஞ்சியன் பாயிண்ட் (எல்-1) எனும் பகுதியில் ஆதித்யா எல்-1 விண்கலம் ஜனவரி மாதம் நிலைநிறுத்தப்படவுள்ளது. அங்கிருந்தே சூரியனின் வெப்பச்சுழல், காந்தப்புலன் உள்ளிட்டவைகள் குறித்த ஆராய்ச்சி மேற்கொள்ளப்படும்.
தேசிய விண்வெளி தினம்:
நிலவின் தென்துருவப் பகுதியில் சந்திராயன்-3 விண்கலத்தின் விக்ரம் லேண்டா் தரையிறக்கப்பட்டது. இது இந்தியாவின் வரலாற்றுச் சிறப்புமிக்க தருணமாகும். அதனை பறைசாற்றும் விதமாக நிலவில் லேண்டா் தரையிறங்கிய ஆகஸ்ட் 23-ஆம் தேதி ஆண்டுதோறும் தேசிய விண்வெளி தினமாக கொண்டாடப்படும் என பிரதமா் மோடி அறிவித்தாா்.
இஸ்ரோவின் எதிா்காலத் திட்டங்கள்:
வெள்ளி, செவ்வாய் போன்ற கிரகங்களில் ஆய்வு மேற்கொள்வதற்கான விண்கலங்கள் விரைவில் விண்ணில் செலுத்தப்பட உள்ளன. 2035-க்குள் இந்தியாவுக்கான பிரத்யேக விண்வெளி மையம் அமைக்க பிரதமரால் இலக்கு நிா்ணயிக்கப்பட்டுள்ளது. மேலும் 2040-க்குள் இந்தியாவிலிருந்து முதல்முறையாக நிலவுக்கு விண்வெளி வீரா்களை அனுப்பும் திட்டமும் செயல்படுத்தப்படவுள்ளது.
இஸ்ரோவின் இந்த சீரிய முன்னெடுப்புகளால் சா்வதேச அளவில் தேசத்தின் பெருமையை நிலைநிறுத்துவதோடு தொழில்நுட்ப ரீதியாகவும் இந்தியாவின் வளா்ச்சி தொடா்ந்து மேம்பட்டு வருகிறது’ என குறிப்பிட்டாா்.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.