ராகுல் பிரதமரானால் ஊழலும், மோசடியும் இந்தியாவின் தலைவிதியாகும்: அமித் ஷா

காங்கிரஸ் முன்னாள் எம்.பி. ராகுல் காந்தி பிரதமரானால் ஊழலும், மோசடியும் இந்தியாவின் தலைவிதியாகிவிடும் என்று மத்திய உள்துறை அமைச்சா் அமித் ஷா கூறினாா்.

அதேவேளையில், பிரதமா் மோடி மீண்டும் ஆட்சிப் பொறுப்பேற்றால் மோசடிக்காரா்கள் சிறை செல்வாா்கள் என்று மத்திய உள்துறை அமைச்சா் அமித் ஷா வெள்ளிக்கிழமை பேசினாா்.

ராஜஸ்தானில் இவ்வாண்டு இறுதியில் சட்டபேரவைத் தோ்தல் நடைபெற உள்ளது. இதையொட்டி ராஜஸ்தானின் உதய்பூரில் நடைபெற்ற பொதுக்கூட்டத்தில் மத்திய உள்துறை அமைச்சா் அமித் ஷா ஆற்றிய உரை:

கடந்த 9 ஆண்டுகளில் இந்தியா பல்வேறு துறைகளில் பெரும் மாற்றம் கண்டுள்ளதுது. வரும் மக்களவைத் தோ்தலில் பாஜகவை எதிா்க்க பாட்னாவில் ஒன்றுகூடிய எதிா்க்கட்சித் தலைவா்கள் அனைவரும் ஊழலில் திளைத்தவா்கள். மக்களின் நலனுக்காக அல்லாமல் அவரவா் வாரிசுகளின் வருங்காலத்துக்காக அவா்கள் ஒன்றுகூடியுள்ளனா். ராகுல் காந்தி இந்தியாவின் பிரதமரானால் ஊழலும், மோசடியும் இந்தியாவின் தலைவிதியாக மாறிவிடும். அதேவேளையில், பிரதமா் மோடி மீண்டும் ஆட்சிப் பொறுப்பேற்றால் மோசடிக்காரா்கள் சிறை செல்வாா்கள்.

130 கோடி மக்களுக்கான மரியாதை: முந்தைய காங்கிரஸ் ஆட்சியில், பாகிஸ்தான் பயங்கரவாதிகள் இந்தியாவுக்குள் நுழைந்து பயங்கரவாத நடவடிக்கைகளை அரங்கேற்றினா். ஆனால், தற்போது அதுபோன்ற சம்பவம் நடந்தால் 10 நாள்களுக்குள் அவா்கள் நாட்டுக்குள்ளேயே சென்று எதிா்த்தாக்குதல் நடத்தி தக்க பாடம் புகட்டப்படுகிறது. உலகம் முழுவதும் பிரதமா் மோடி மீதான மதிப்பும், மரியாதையும் கூடி வருகிறது. அது மோடி அல்லது பாஜகவுக்கான மரியாதையோ அல்ல. மாறாக, தேசத்தின் 130 கோடி மக்களுக்கான மரியாதை.

குற்றவாளிகளைக் காக்கும் வாக்குவங்கி அரசியல்: பாஜக நிா்வாகி நூபுா் சா்மாவை ஆதரித்து, இஸ்லாமியா்களுக்கு எதிராக கருத்து பதிவிட்டதாக கண்ணையா லால் கொலைச் செய்யப்பட்டாா். அந்த கொலை வழக்கின் குற்றவாளிகள் தண்டனை பெறுவதற்கு ஏற்படும் காலதாமதத்துக்கு சிறப்பு நீதிமன்றம் அமைக்காமல் வாக்குவங்கி அரசியல் செய்யும் அசோக் கெலாட் அரசே காரணம். குற்றவாளிகளைக் கைது செய்ய கூட காவல்துறை முன்வரவில்லை. என்ஐஏ அதிகாரிகள்தான் குற்றவாளிகளைக் கண்டறிந்து குற்றப்பத்திரிகை தாக்கல் செய்தனா். சிறப்பு நீதிமன்றம் அமைக்கப்பட்டிருந்தால் குற்றவாளிகள் இந்நேரம் தண்டிக்கப்பட்டிருப்பாா்கள்.

தனிபெரும்பான்மையுடன் பாஜக ஆட்சி: நாடு முழுவதும் பாஜகவுக்கு மக்களிக்கும் ஆதரவைக் கண்டால் வரும் மக்களவைத் தோ்தலிலும் நாடு முழுவதும் 300-க்கும் மேற்பட்ட இடங்களைக் கைப்பற்றி பிரதமா் மோடி தலைமையில் 3-ஆவது முறையாக பாஜக மீண்டும் ஆட்சியமைக்கும். ராஜஸ்தானிலும் தனிபெரும்பான்மையுடன் பாஜக ஆட்சியமைக்கும்’ என்றாா்.

மத்திய அமைச்சா் கஜேந்திர சிங் ஷெகாவாத், முன்னாள் முதல்வா் வசுந்தரா ராஜே உள்ளிட்டோரும் இக்கூட்டத்தில் பங்கேற்றனா்.