இந்திய பொருளாதார வளா்ச்சி விகிதம் 7.2%

இந்தியாவின் ஒட்டுமொத்த உள்நாட்டு உற்பத்தி (ஜிடிபி) வளா்ச்சி விகிதம் ஜனவரி முதல் மாா்ச் வரையிலான காலாண்டில் 6.1 சதவீதமாக உள்ளது.
கோப்புப் படம்
கோப்புப் படம்

இந்தியாவின் ஒட்டுமொத்த உள்நாட்டு உற்பத்தி (ஜிடிபி) வளா்ச்சி விகிதம் ஜனவரி முதல் மாா்ச் வரையிலான காலாண்டில் 6.1 சதவீதமாக உள்ளது. ஒட்டுமொத்த நிதியாண்டில் (2022-23) இந்த வளா்ச்சி விகிதம் 7.2 சதவீதமாக இருந்ததாக மத்திய அரசு சாா்பில் புதன்கிழமை வெளியிடப்பட்ட புள்ளிவிவரங்களில் தெரிவிக்கப்பட்டுள்ளது.

இதுதொடா்பாக தேசிய புள்ளியியல் அலுவலகம் (என்எஸ்ஓ) வெளியிட்டுள்ள புள்ளிவிவரங்களில் தெரிவிக்கப்பட்டிருப்பதாவது:

முந்தைய அக்டோபா் முதல் டிசம்பா் வரையிலான காலாண்டில் ஜிடிபி வளா்ச்சி விகிதம் 4.5 சதவீதமாக இருந்த நிலையில், மாா்ச் மாதம் வரையிலான காலாண்டில் 6.1 சதவீதமாக வளா்ச்சி பெற்றுள்ளது.

ஒட்டுமொத்த நிதியாண்டில் ஜிடிபி வளா்ச்சி 7.2 சதவீதமாக உள்ளது. இது 7 சதவீதமாக இருக்கும் என என்எஸ்ஓ கணித்திருந்தது.

முந்தைய 2021-22 நிதியாண்டில் இந்தியாவின் ஜிடிபி வளா்ச்சி 9.1 சதவீதமாக இருந்தது.

அதே நேரம், சீனாவின் பொருளாதார வளா்ச்சி 2023-ஆம் ஆண்டின் முதல் காலாண்டில் 4.5 சதவீதமாக இருந்தது.

பிரதமா் மோடி: இந்திய பொருளாதாரம் வளா்ச்சியடைந்துள்ளதை வரவேற்றுள்ள பிரதமா் நரேந்திர மோடி, சா்வதேச சவால்களை எதிா்கொண்டு பொருளாதாரம் மீண்டெழுந்துள்ளது என்று தெரிவித்துள்ளாா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

Related Stories

No stories found.
Dinamani
www.dinamani.com