சட்டப் பேரவைத் தோ்தல் என்பது கட்சியின் தேசிய, மாநிலத் தலைவா்களைவிட மாநில முதல்வராக இருந்து தோ்தலை எதிா்கொள்பவா்களுக்கே மிகுந்த நெருக்கடியை அளிப்பதாக இருக்கும். ஏனெனில், முதல்வரின் ஆட்சிக்கு மக்கள் தரும் மதிப்பெண்ணாகவே சட்டப் பேரவைத் தோ்தல் அமைகிறது. அந்த வகையில் இப்போது தோ்தல் நடைபெறும் மிஸோரம், சத்தீஸ்கா், மத்திய பிரதேசம், ராஜஸ்தான், தெலங்கானா ஆகிய மாநில முதல்வா்கள் தங்கள் செல்வாக்கை நிரூபிக்கும் நோக்கில் இத்தோ்தலைச் சந்திக்கின்றனா்.
ஜோரம்தாங்கா
புரட்சியாளரில் இருந்து முதல்வா்:
வடகிழக்கு மாநிலமான மிஸோரம் முதல்வராக இருக்கும் மிஸோ தேசிய முன்னணி தலைவா் ஜோரம்தாங்கா (79), நாட்டில் இப்போதைய முதல்வா்களில் மிகவும் மூத்தவா் என்ற பெருமைக்குரியவா். 1966-ஆம் ஆண்டு ஏற்பட்ட மிஸோ புரட்சியின்போது இந்திய அரசுக்கு எதிரான புரட்சியாளா்கள் அமைப்பில் இணைந்து கொரில்லா தாக்குதலில் ஈடுபட்டவா்.
1986-இல் இந்திய அரசுடன் ஏற்பட்ட மிஸோ அமைதி ஒப்பந்தத்துக்குப் பிறகு, அரசியல் பாதைக்கு ஜோரம்தாங்கா திரும்பினாா். அப்போது முதல் மிஸோரம் அரசியலில் பிரிக்க முடியாத தலைவராக திகழ்கிறாா்.
மிஸோரம் முழுஅளவில் மாநிலமாக அறிவிக்கப்பட்டு 1987-இல் நடைபெற்ற தோ்தலில் மிஸோ தேசிய முன்னணி வெற்றி பெற்று ஆட்சி அமைத்தபோது ஜோரம்தாங்கா, நிதி, கல்வித் துறை அமைச்சரானாா். 1990-இல் கட்சித் தலைவராகத் தோ்வு செய்யப்பட்டாா். 1993 தோ்தலில் காங்கிரஸிடம் மிஸோ தேசிய முன்னணி ஆட்சியைப் பறிகொடுத்தது. அப்போது ஜோரம்தாங்கா எதிா்க்கட்சித் தலைவரானாா்.
1998 தோ்தலில் வெற்றி பெற்று முதல்வரானாா். 2003-இல் மீண்டும் ஆட்சியைத் தக்கவைத்தாா். அதன் பிறகு அவரது கட்சி காங்கிரஸிடம் இரு சட்டப் பேரவைத் தோ்தல்களில் தோல்வியைச் சந்தித்தது. 2018-இல் மீண்டும் முதல்வரான ஜோரம்தாங்கா, இப்போது மீண்டும் தோ்தலைச் சந்திக்கிறாா்.
மிஸோரம் தோ்தல் தேதி நவம்பா் 7
பூபேஷ் பகேல்
சத்தீஸ்கரில் காங்கிரஸை மறுகட்டமைத்தவா்:
சத்தீஸ்கா் காங்கிரஸ் கட்சியின் முகமாக அறியப்படுபவா் பூபேஷ் பகேல் (62), பிரிக்கப்பட்டாத மத்திய பிரதேசத்தில் காங்கிரஸ் சாா்பில் அமைச்சராகப் பதவி வகித்தவா்.
2013-இல் சத்தீஸ்கரில் நக்ஸல் தீவிரவாத அமைப்பின் நடத்திய தாக்குதலில் மாநில காங்கிரஸின் மூத்த தலைவா்கள் மூவா் உள்பட 28 போ் உயிரிழந்தனா். அதன் பிறகு சத்தீஸ்கரில் காங்கிரஸை மறுகட்டமைப்பு செய்த பெருமை பகேலைச் சேரும். அரசியலில் காய்களை நகா்த்துவதிலும் வல்லவராக திகழ்ந்த பகேல், தனக்கு போட்டியாக இருந்த சத்தீஸ்கரின் முதல் முதல்வா் அஜீத் ஜோகி, அவரது மகன் அமித் ஜோகி ஆகியோரை ஓரம் கட்டினாா்.
இந்த தோ்தலில் பாஜகவால் கடும் விமா்சனங்களை எதிா்கொண்டுள்ளாா். பல்வேறு வாக்குறுதிகளை நிறைவேற்றவில்லை என்றுகூறி பாஜக இவா் மீது அரசியல் ‘குற்றப்பத்திரிகை’ தாக்கல் செய்துள்ளது. நக்ஸல்களைப் பயன்படுத்தி பாஜகவினரை கொலை செய்ததாகவும் குற்றச்சாட்டை சுமத்தியுள்ளது.
அதே நேரத்தில் காங்கிரஸ் பகேலை முழுமையாக நம்பி தோ்தல் களத்தில் இறங்கியுள்ளது. தோ்தல்களத்தில் வெற்றிகளையும் தோல்விகளையும் மாறிமாறி சந்தித்துள்ள பகேலின் ஆட்சிக்கு சத்தீஸ்கா் மக்கள் தரும் மதிப்பெண் தோ்தல் முடிவில் தெரியவரும்
சத்தீஸ்கா் தோ்தல் நாள் நவம்பா் 7,17
சிவராஜ்சிங் சௌஹான்
பாஜகவின் நீண்டகால முதல்வா்:
மத்திய பிரதேச மாநிலத்தில் நீண்டகாலம் முதல்வராக இருப்பவா் என்ற பெருமையை மட்டுமின்றி பாஜக சாா்பில் நீண்ட காலம் (சுமாா் 16 ஆண்டுகள்) முதல்வா் பதவி வகிப்பவா் என்ற பெருமைக்குரியவா் சிவாராஜ் சிங் சௌஹான் (64). தனது 13-ஆவது வயதில் ஆா்எஸ்எஸ் அமைப்பில் இணைந்த சௌஹான், பாஜகவில் படிப்படியாக முன்னேறி தேசிய துணைத் தலைவா் பதவி வரை எட்டியவா்.
வாஜ்பாய், அத்வானி காலத்தில் அவா்களது நம்பிக்கையைப் பெற்றவராக இருந்த சௌஹான், இப்போதுள்ள அக்கட்சியின் அடுத்தகட்ட தலைவா்களின் ஆதரவையும் பெற்றவராகத் திகழ்கிறாா்.
வியாபம் ஊழல் உள்பட பல்வேறு குற்றச்சாட்டுகளை எதிா்கொண்டபோதிலும், பாஜக தலைமையின் நம்பிக்கைக்குரியவராக இருப்பதால் முதல்வா் பதவியில் தொடா்கிறாா்.
மத்திய பிரதேசம் தோ்தல் நாள் நவம்பா் 17
அசோக் கெலாட்
‘மோதலிலும்’ முதல்வா்:
ராஜஸ்தானில் துணை முதல்வராக இருந்த இளம் தலைவா் சச்சின் பைலட்டுடன் ஏற்பட்ட தொடா் மோதல்கள் மூலம் அண்மையில் தேசிய அளவில் அதிகம் பேசப்பட்ட முதல்வராக திகழ்பவா் அசோக் கெலாட் (72). காங்கிரஸின் பெரும்பான்மையான எம்எல்ஏக்களை தனது பக்கம் வைத்திருந்த சாமா்த்தியத்தால் கடைசி வரை முதல்வா் பதவியைத் தக்கவைத்துக் கொண்டாா்.
ராஜஸ்தானைப் பொருத்தவரையில் இவரது முடிவைத்தான் கட்சியின் மத்திய தலைமை ஏற்க வேண்டும் என்ற அளவுக்கு வலுவாக தன்னை நிலைநிறுத்தியவா்.
தனது நீண்ட அரசியல் அனுபவத்தால் மக்களின் மனநிலையை சரியாக கணிக்கத் தெரிந்தவரான கெலாட், மென்மையான ஹிந்துத்துவ அணுகுமுறையுடன், இப்போது ஜாதிவாரி கணக்கெடுப்பு நடத்தப்படும் என்ற வாக்குறுதியையும் முன்வைத்துள்ளாா்.
இளம் வயதில் ‘மேஜிக்’ நிபுணராக இருந்த கெலாட்டின் மாயாஜாலம் ராஜஸ்தானில் எந்த அளவுக்கு காங்கிரஸுக்கு வெற்றி பெற்றுத் தரும் என்பது தோ்தல் முடிவுகளில் தெரியவரும்.
தோ்தல் நாள் நவம்பா் 23
சந்திரசேகா் ராவ்
தெலங்கானாவின் அசைக்க முடியாத தலைவா்:
காங்கிரஸ் கட்சியில் இணைந்து அரசியல் பயணத்தைத் தொடங்கிய சந்திரசேகா் ராவ் (69), தனித் தெலங்கானா போராட்டத்தில் வெற்றி பெற்ன் மூலம், அந்த மாநிலத்தின் அசைக்க முடியாத தலைவராக திகழ்கிறாா்.
1983-இல் காங்கிரஸில் இருந்து விலகி என்.டி.ராமராவ் தலைமையிலான தெலுங்கு தேசம் கட்சியில் இணைந்து ஆந்திர மாநில அமைச்சரானாா். பின்னா் சந்திரபாபு நாயுடு தலைமையிலான அமைச்சரவையிலும் இடம் பெற்றாா். 2001-இல் தெலுங்கு தேசம் கட்சியில் இருந்து விலகி தனித் தெலங்கானா கோரி போராட்டத்தைத் தொடங்கியது அவரது அரசியல் வாழ்க்கையில் முக்கியத் திருப்புமுனையாக அமைந்தது.
தெலங்கானா மாநிலம் உருவாக்கப்பட்டு, 2014-ஆம் ஆண்டு முதல் அந்த மாநில முதல்வராக இருந்து வரும் சந்திரசேகா் ராவ், இப்போது மூன்றாவது முறையாக வெற்றி பெறும் முனைப்பில் களமிறங்கியுள்ளாா்.
தோ்தல் தேதி நவம்பா் 30