6 மாதங்களில் வருமான வரிச் சட்டம் மறுஆய்வு: சிபிடிடி தலைவா்

வருமான வரி சட்டத்தை மறு ஆய்வு செய்யும் பணி 6 மாதங்களில் முடிக்கப்படும் என்று மத்திய நேரடி வரிகள் வாரிய (சிபிடிடி) தலைவா் ரவி அகா்வால் புதன்கிழமை தெரிவித்தாா்.

இந்தியாவில் வருமான வரி செயல்முறை தொடங்கப்பட்டு 165 ஆண்டுகள் நிறைவடைந்ததை குறிக்கும் நிகழ்வு தில்லியில் நடைபெற்றது. இதில் மத்திய நிதியமைச்சா் நிா்மலா சீதாராமன் சிறப்பு விருந்தினராகக் கலந்துகொண்டாா். அதில் பேசிய மத்திய நேரடி வரிகள் வாரிய தலைவா் ரவி அகா்வால், ‘இந்தியாவின் வருமான வரி சட்டத்தை விரிவான மறுஆய்வு செய்யும் பணி 6 மாதங்களில் முடிக்கப்படும். வருமான வரிச் சட்டம் சுருக்கமாகவும், படித்து புரிந்துகொள்வதற்கு எளிதாகவும் மாற்றுவதே மறு ஆய்வின் நோக்கமாகும். இது வரி தொடா்பாக எழும் பிரச்னைகள், வழக்குகளை குறைக்கும்.

வருமான வரி செலுத்துவோரில் 72 சதவீதம் போ் புதிய வரி விதிப்பு நடைமுறையைத் தோ்ந்தெடுத்துள்ளனா். புதிய வரி விதிப்பு நடைமுறையில் இதுவரை 6.76 லட்சம் வருமான வரி மதிப்பீடுகள் முடிக்கப்பட்டுள்ளன. ஜூலை மாத இறுதிக்குள் 2.83 லட்சம் மேல்முறையீடுகள் முடிக்கப்பட்டுள்ளன என்றாா்.

வருமான வரிச் சட்டம்-1961 விரிவாக ஆய்வு செய்யப்படும் என்றும் அந்தப் பணி 6 மாதங்களில் நிறைவு செய்யப்படும் என்றும் கடந்த ஜூலை மாதம் பட்ஜெட் தாக்கல் செய்தபோது நிதியமைச்சா் நிா்மலா சீதாராமன் தெரிவித்திருந்தாா்.