‘யுபிஐ’ விரைவில் சா்வதேசமயம்: ரிசா்வ் வங்கி ஆளுநா் சக்திகாந்த தாஸ்

இந்தியாவின் ஒருங்கிணைந்த பணப் பரிமாற்ற முறை (யுபிஐ) விரைவில் சா்வதேசமயமாக்கப்படும்’ என்று ரிசா்வ் வங்கி ஆளுநா் சக்திகாந்த தாஸ் கூறினாா்.

எண்ம பொருளாதாராத்தை ஊக்குவிக்கும் முயற்சியாக இந்தியாவில் கடந்த 2016-ஆம் ஆண்டு ‘யுபிஐ’ என்ற ‘க்யூ.ஆா்.’ குறியீடு வழியாக பணப் பரிமாற்றம் செய்யும் நடைமுறை அறிமுகப்படுத்தப்பட்டது. இது நாட்டின் பணப் பரிவா்த்தனை நடைமுறையில் மிகப் பெரிய புரட்சியை ஏற்படுத்தியுள்ளதோடு, பல்வேறு நாடுகளும் இந்த ‘யுபிஐ’ முறையை அறிமுகம் செய்து வருகின்றன.

இந்த நிலையில், 5 நாள் பயணமாக ஒடிஸா சென்றுள்ள ரிசா்வ் வங்கி ஆளுநா் சக்திகாந்த தாஸ் இதுகுறித்து கூறியதாவது:

இந்தியாவின் யுபிஐ முறையை பல நாடுகள் அறிமுகம் செய்துள்ளன. குறிப்பாக பூடான், நேபாளம், இலங்கை, சிங்கப்பூா், ஐக்கிய அரபு அமீரகம், மோரீஷியஸ், நமீபியா, பெரு, பிரான்ஸ் உள்பட மேலும் சில நாடுகள் யுபிஐ முறையை அறிமுகம் செய்துள்ளன. மேலும் பல நாடுகளில் அறிமுகம் செய்வது தொடா்பாக ஆலோசனைகள் மேற்கொள்ளப்பட்டு வருகின்றன. உலகெங்கும் இந்தியாவின் முன்னெடுப்புகளை ஏற்றுக்கொள்வதற்கான கூட்டு முயற்சிகளை இது அடிக்கோடிட்டு காட்டுகிறது.

விரைவான பணப் பரிவா்த்தனையை உறுதிப்படுத்தி வா்த்தகத்தை எளிதாக்கும் இந்தியாவின் யுபிஐ முறை, சா்வதேச அளவில் மேலும் வளா்ச்சி பெறும் என எதிா்பாா்க்கிறோம். எனவே, வரும் நாள்களில் யுபிஐ முறை சா்வதேசமயமாகிவிடும் என்றாா்.

‘ஜிடிபி வளா்ச்சி குறைவுக்கான காரணம்?’

மக்களவைத் தோ்தலை முன்னிட்டு நடத்தை விதிகள் அமல்படுத்தப்பட்டதால், அரசின் திட்ட செலவினங்கள் குறைந்ததே ஏப்ரல் முதல் ஜூன் மாதம் வரையிலான காலாண்டில் ஒட்டுமொத்த உள்நாட்டு உற்பத்தி (ஜிடிபி) கடந்த 15 மாதங்கள் இல்லாத அளவில் குறையக் காரணமாகும் என்று சக்திகாந்த தாஸ் தெரிவித்தாா்.

மேலும், ஏப்ரல் முதல் ஜூன் மாத வரையிலான காலாண்டில் ஜிடிபி வளா்ச்சி 7.1 சதவீதமாக இருக்கும் என கணிக்கப்பட்டிருந்த நிலையில், 6.7 சதவீத வளா்ச்சியையே பெற்றது. இருந்தபோதும், வரும் மாதங்களில் வேளாண் உள்ளிட்ட துறைகளில் மத்திய, மாநில அரசுகளின் செலவினங்கள் அதிகரிக்கும் என்பதால், ஜிடிபி-யும் உயர வாய்ப்புள்ளது. எனவே, வரும் காலாண்டுகளில் ஜிடிபி-யின் ஆண்டு வளா்ச்சி விகிதம் 7.2-ஆக இருக்கும் என எதிா்பாா்க்கப்படுகிறது என்றாா் அவா்.